Свет
Пентагон од WikiLeaks бара назад 15 илјади документи
Пентагон во четврток и официјално од интернет порталот побара веднаш да му бидат предадени 15 илјади тајни документи за војната во Авганистан кои се’ уште не се објавени и да го избрише од страницата целиот досега објавен материјал
„Бараме од нив да постапуваат исправно. Се надеваме дека тие ќе излезат в пресрет на нашите барања“, изјавил портпаролот на Пентагон, Џеф Морел, додавајќи дека САД се единствените сопственици на тој материјал и дека тој бил украден.Како што пренесува Reuters, тој ги повикал WikiLeaks од порталот да повлечат повеќе од 70 илјади тајни документи за војната во Авганистан кои почнаа да се објавуваат во јули, во кои меѓу другото се набележани и имињата на некои од авганистанските доушници. Мистериозниот Џулијан Ејсанџ, еден од основачите на итнернет страницата изјави дека има добиено „широк спектар“ свеж материјал, вклучувајќи ги и документите на нафтениот гигант BP и „внатрешни злоупотреби“, и документација за сексуалната злоупотреба во редовите на американската армија.Во меѓувреме, администрацијата на американскиот претседател Барак Обама, се обрати до WikiLeaks и нејзиниот основач, да не објавува повеќе класифицирани владини документи.Портпаролот на Стејт департментот, P.Џ. Кроули вели дека извештаите објавени на WikiLeaks биле во посед на високи американски дипломатски врски, но тоа не може да се потврди.Американски официјални лица се загрижени дека документот што се објавуваат јавно може да се ги загрози животите на припадниците на американската разузнавачка заедница.FBI ја забрза истрагата за каналот по кој дојдоа во јавноста тајните документи. Офи Станува збор за официјални документи во врска со сите аспекти на работењето на сојузниците во Авганистан од јануари 2004 до декември 2009 г., кои на почетокот од минатата седмица беа објавени Wikileaks. Според претставниците на сајтот, тоа се извештаи на американските команданти на различни нивоа, во кои се опишуваат деталите од борбата и содржат детален опис на нивните ефекти.Претходно, беше притворен воениот разузнавачки офицер во Багдад, Бредли Менинг, но за оддавање на порталот документи во врска со последниот период на војната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Популарноста на Америка опаѓа во светот, додека на Русија и Кина расте, покажува истражување
Популарноста на Америка како глобална сила опаѓа ширум светот, особено во земјите со мнозинско муслиманско население, додека на Русија и Кина расте, според Индексот за перцепција на демократијата за 2024 година.
Анализирајќи околу 63.000 испитаници од 53 земји, индексот ги сумира ставовите кон демократијата, геополитиката и играчите на глобалната моќ.
Политико известува дека меѓународната репутација на Америка е нападната од почетокот на 2023 година, особено во муслиманските земји каде што непоколебливата поддршка на Вашингтон за Израел во неговата војна во Газа се покажа како интензивно раздор.
Сега кон трендот се приклучува и Европа, тврди политичкиот магазин.
„За прв пат од почетокот на мандатот на администрацијата на Бајден, многу западноевропски земји се вратија на нето негативната перцепција за САД. Овој пораст и пад, од негативни ставови кон позитивни [и] назад кон негативни ставови, е особено изразен во Германија, Австрија, Ирска, Белгија и Швајцарија“, рече Фредерик ДеВо, постар истражувач за истражувачката компанија Латана, која го состави индексот.
Во меѓувреме, позитивните перцепции за Кина во Азија, Северна Африка, Блискиот Исток и Латинска Америка продолжуваат да растат, доведувајќи ја глобалната перцепција на Пекинг до нето позитивна, и покрај континуираниот европски скептицизам.
Свет
Одложено судењето на Трамп за тајните документи, датум за продолжување не е утврден
Федералниот суд во Флорида го одложи, без да одреди датум за продолжување, почетокот на судскиот процес против поранешниот американски претседател Доналд Трамп поради несовесно постапување со документи класифицирани како тајни.
Тоа е едно од четирите процеси што се водат против Трамп, а требаше да започне на 20 мај, но федералниот суд оцени дека тој рок е неодржлив поради бројните претходни претставки поднесени до судот.
Ајлин Кенон, судијката назначена од поранешниот претседател, не одреди нов датум.
На републиканскиот претседателски кандидат во моментов му се суди во Њујорк за сомнителни исплати пред претседателските избори во 2016 година.
Во судскиот процес против него во Флорида, Трамп е обвинет, заедно со двајца лични секретари, дека однеле доверливи документи во приватна резиденција во Мар-а-Лаго по напуштањето на Белата куќа во јануари 2021 година.
Според обвинението, Трамп со чувањето на овие документи ја загрозил националната безбедност. Меѓу нив имало и воени планови како и информации за нуклеарно оружје, кои во согласност со законот требало да ги врати во Националниот архив.
Тој беше обвинет и за обид за уништување докази. Најсериозните обвиненија може да му донесат затворска казна од десет години.
Неговите адвокати направија се за да се одложи судењето.
Свет
АстраЗенека ја повлекува вакцината неколку месеци откако ги призна несаканите ефекти
Британско-шведската фармацевтска компанија АстраЗенека објави дека ја повлекува вакцината против Ковид-19 неколку месеци откако пред судот во Лондон призна дека вакцината може да предизвика ретки и опасни несакани ефекти. АстраЗенека започна со повлекување на вакцината за Ковид-19 ширум светот поради „вишокот на достапни ажурирани вакцини“ кои таргетираат нови варијанти на вирусот, пишува британскиот Гардијан. Соопштението дојде откако фармацевтската компанија доброволно го повлече одобрението за ставање во промет на лекот во Европската унија во март.
Вчера Европската агенција за лекови (ЕМА) објави дека вакцината повеќе не е одобрена за употреба. Во соопштението за печатот, АстраЗенека рече дека одлуката е донесена бидејќи сега има голем број нови вакцини достапни кои се прилагодени на новите варијанти на коронавирусот. Ова доведе до пад на побарувачката за вакцината AstraZeneca, која повеќе не се произведува или снабдува.
„Според независни проценки, повеќе од 6,5 милиони животи беа спасени само во првата година од употребата, а над 3 милијарди дози беа испорачани ширум светот“, се вели во соопштението на АстраЗенека .
„Нашите напори беа препознаени од владите ширум светот и нашироко се гледаат како клучна компонента за ставање крај на пандемијата. Сега ќе работиме со регулаторите и нашите партнери за да се усогласиме на јасен пат напред и да го затвориме ова поглавје и да дадеме значаен придонес во борбата против пандемијата Ковид-19“, соопшти фармацевтската компанија.
Другите земји веќе престанаа да ја снабдуваат вакцината. Не е достапна за употреба во Австралија од март 2023 година, иако нејзината употреба веќе беше повлечена од јуни 2021 година поради широката достапност на понови вакцини.