Спорт
Данска, прв финалист на Еуро 2012
Репрезентацијата на Данска е првиот финалист на 10-то Европско ракометно првенство, чиj домаќин е Србија. Данска, vo во петокот навечер, во „Блеградска Арена“ ја совлада Шпанија со 25:24 (12:10)
Репрезентацијата на Данска е првиот финалист на 10-то Европско ракометно првенство, чиj домаќин е Србија. Данска, vo во петокот навечер, во „Блеградска Арена“ ја совлада Шпанија со 25:24 (12:10) и во големото финале го очекува подбеникот од натпреварот меѓу Србија и Хрватска.Пласманот на Данска во финалето е заслужен, бидејќи подобро го одигра полуфиналниот меч, особено во фаза на одбраната каде Шпанците долго време немаа решение за нивната 6-0 зона. Клучната предност Данска ја оствари во првите 10. минути од второт полувреме кога стигна до предност од 17:12, во финишот Шпанија собра сили да стигне до израмнување, по што натпреварот влезе во драмтична завршница. Најпрвин Хансен погоди за 25:24, а последниот напад на Шпанија, преку левото крило Угалде заврши неуспешно, тој шутираше во надворешниот дел од мрежата, по што Данците го прославија влезот во финалето. Лауге со 6 и Микел Хансен, односно Тофт Хансен со по 4 гола беа најефикасни кај Данска. Шпанија во поразот ја предводеа Ануинагалде со 5 и Македа со 4, додека голманот Сера одбрани 12 удари.Пласманот во финалето е втор во историјата на данската репрезентација, која во своето прво финале, во 2008 година, успеја да ја освои титулата. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ферари во азурно сина боја на ГН на Мајами
Шарл Леклер и Карлос Саинц, возачи на Ферари, на трката во Мајами ќе возат визуелно малку поинакви автомобили на италијанскиот производител.
Тие двајца ќе седат во автомобилот во азурно сини комбинезони, кои ќе имаат детали во иста нијанса.
Со ова ќе и се оддаде почит на „Скудерија“, со оглед на тоа што ова беше оригиналната боја на тој тим пред да се префрли на препознатливата црвена боја.
Автомобилот ќе има две нијанси, „Плата“ и „Дино“. Првата е поврзана со Алберто Аскари, светски шампион во 1952 и 1953 година, а втората со униформите на неколку возачи, меѓу кои Клеј Рагацони и Ники Лауда.
Во 1974 година, двајцата заедно се искачија на подиумот на Големата награда на Холандија. Тие униформи многу ги сакал и Енцо Ферари.
Ова не е Ферари на ваков начин да оддава почит. Пред две години во Монца имаа „Модена жолта“ на своите болиди, кога легендарната патека го прослави 100. роденден.
Спорт
Трабзон се договорил со Баришиќ, го чека и Лундстрам
Борна Баришиќ (31) на крајот од сезоната го напушта Глазгов Ренџерс и ќе потпише договор со Трабзонспор. Шкотските медиуми, турскиот новинар Емре Сел и италијанскиот инсајдер Лоренцо Лепоре пишуваат дека левиот бек хрватската репрезентација по шест години ќе го смени клубот.
Англиските медиуми пренесуваат дека Трабзонспор „ставил богати понуди на маса“ за Баришиќ и неговиот соиграч, англискиот играч за врска Џон Лундстрам (30), при што хрватскиот фудбалер прифатил.
Баришиќ наводно ќе потпише двегодишен договор со опција за продолжување на уште една сезона. На Лундстрам му бил понуден тригодишен договор, но тој се уште не го прифатил бидејќи е фокусиран на крајот на сезоната со Ренџерс.
Претседателот на Трабзонспор, Ертугрул Доган не сакаше да го потврди договорот со Баришиќ и преговорите со Лундстрам, но истакна дека се надева дека наскоро ќе склучи неколку зделки.
Тренерот на Ренџерс, Филип Клемент изјави дека не сака фудбалерите во иднина да заминуваат без обесштетуање и го посочи Баришиќ чии договори истекува и тој како слободен играч ќе го напушти „Ајброкс“.
Баришиќ играше за БСК од Бијело Брдо, Динамо, Локомотива и Осиек, во 2018 година замина во Ренџерс во трансфер вреден 2.450.000 евра. Досега со шкотскиот гигант освои три трофеи.
Спорт
Струга Трим Лум спогодбено се раздели со тренерот Дуро
Извор/ facebook.com/Fcstruga
Актуелниот македонски шампион, Струга Трим Лум, на три кола до крајот на сезоната се раздели со тренерот Шпетим Дуро.
Стружани, во изминатиот период играа во променлива форма, а вчера во 30.коло доживеаја пораз од Тиквеш во Кавадарци (3:2). Овој пораз му пресуди на Дуро, кој со клубот договорил спогодбен раскин на соработката.
„ФК Струга му се заблагодарува на Дуро за придонесот во периодот додека го водеше нашиот тим во домашното првенство и европските натпреварувања, му посакуваме и многу успеси“, стои меѓудругото во клупското соопштение објавено на „Фејсбук“.
Во последните три кола Струга, Шкупи и Шкендија влегуваат со по 58 бода.