Скопје
Поставени пет информативни табли во Општина Аеродром
Општина Аеродром постави пет информативни табли, со цел граѓаните и посетителите на општината подобро да се информираат и ориентираат.
Информативните табли се поставени на петте најфреквентни локации во општината: на влезот на општината (кај Железничката станица), пред зградата на Општина Аеродром, во паркот „Аеродром“, пред спортскиот центар „Јане Сандански“ и кај трговскиот центар во населбата Лисиче.
Информативната табла има мапа на општината на која се обележани сите булевари, главни улици, споредни улици, патеки, стопански објекти, паркови, населени области, индустриски објекти, спортски објекти, училишта, градинки, болници, амбуланти, пошти и други јавни објекти. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Скопје
Без струја дел од корисниците на Волково и Кучково
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија.
Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа.
Скопје
Неколку скопски општини утре ќе останат без струја
Без електрична енергија утре од 07:00 до 16:00 часот ќе останат дел од корисниците во населените места Волково и Кучково, општина Ѓорче Петров.
Како што соопшти РЦУК – Скопје, прекинот е поради технички зафати во електро дистрибутивната мрежа.