Македонија
Повлечени покани за сведочење на Бучковски и Бендевска
Опозицијата обвинува дека поканите за информативен разговор, кои вчера биле испратени до пратениците од СДСМ, Владо Бучковски и Весна Бендевска исчезнале во рок од два часа.
Опозицијата обвинува дека поканите за информативен разговор, кои вчера биле испратени до пратениците од СДСМ, Владо Бучковски и Весна Бендевска исчезнале во рок од два часа.
Министерката за внатрешни работи, Гордана Јанкулоска вели дека не може да каже што се случува со дописите во другите институции.
СДСМ денеска ги побарале поканите во собраниската архива, но како што изјави портпаролот на партијата, Емилијан Станковиќ, од таму им било соопштено дека поканите се повлечени и во Деловната книга на Собранието виделе дека е бришено со коректор.
„Очигледно овде се прават некакви фалсификати и за тоа мора некој да одговара“, изјави Станковиќ.
Јанкулоска пак вели дека МВР комуницира со институции, а не се поединци.
„Јас не можам да кажам што се случува со дописите што се во други институции, меѓутоа МВР комуницира со институции, а не се поединци. Ние ќе продолжиме да комуницираме по институционален пат во функција на документирање на инцидентот што се случи во Собранието“ изјави Јанкулоска.
Минатата недела дел од пратениците од опозицијата се судрија со член од обезбедувањето на собранието.
Двете партии и СДСМ и ВМРО-ДПМНЕ побараа да се формира Анкетна комисија за расветлување на случајот, но разврска се уште нема.
За сабота е свикана вонредна седница на Парламентот за разрешување на собранискиот спикер, Трајко Велјановски./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Маричиќ-Стевановиќ: На Собранието му требаат современи патриоти и борци за еднаквост, права и слободи
Во заедничката изјава за медиумите, Милена Стевановиќ и Бојан Маричиќ од листата на кандидати за пратеници во Изборната единица 1, порачуваат дека „реформите ни носат системски промени и европски фондови“, но и „демократски вредности со кои се пробиваат границите за еднакви можности за жените како докажана заложба на СДСМ.
Милена Стевановиќ во својот дел на изјавата истакнува дека „СДСМ, Ковачевски, Пендаровски, Маричиќ и другарите социјадемократи се оние кои со знаење и капацитет можат да ја придвижат земјата напред“.
„Нам ни требаат луѓе како Бојан. Со исклучително познавање на институциите на ЕУ, со чиста и прогресивна мисла, вистински современи патриоти кои додека ја внесуваат земјата во ЕУ го штитат и промовираат македонскиот идентитет“, истакнува Стевановиќ.
Tаа ги повикува сите македонски демократи „во среда на 8 мај сите кои се за подобра, современа и демократска Македонија да го заокружат бројот 1 за европска Македонија“.
Бојан Маричиќ ја посочува Милена Стевановиќ како „претставник на прогресивното женско движење“.
Маричиќ порачува дека со Стевановиќ, Македонија и македонското општество ќе имаат „напредок на полето на јавното здравје, на полето на женското здравје и машкото здравје“.
„На Собранието и треба Милена Стевановиќ, врвен професионалец кој го предводеше целиот тим на инфективната криза за време на пандемијата од ковид и која во исто време се докажа како храбар и непоколеблив борец за постојано унапредување на правата на жените“, истакнува Маричиќ.
Порачува дека е важен гласот на жените, девојките, демократи и демократки.
„Вашиот глас за СДСМ и за Милена Стевановиќ на овие избори е глас за жените како еднаква силна движечка сила на општеството“, нагласува Маричиќ во заедничката изјава со Милена Стевановиќ, како кандидати за пратеници на СДСМ и на Коалицијата за европска иднина во изборната единица 1.
Македонија
Сообраќајка на патот Радовиш – Штип, сообраќајот во прекин
Од 18:05 ч. сообраќајот на магистралниот пат Радовиш – Штип, во близина на „Алкопласт“, е во прекин поради сообраќајна незгода, соопшти АМСМ.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Владата ќе ја одбележи 121 годишнината од смртта на Гоце Делчев
Владата на Република Северна Македонија, на 04.05.2024 година (сабота), ќе ја одбележи 121 годишнината од смртта на Гоце Делчев со положување свежо цвеќе на неговото вечно почивалиште, во црквата „Св.Спас“,Скопје.
По тој повод, во 10:30 часот, свежо цвеќе ќе положи претседателот на Република Северна Македонија, Стево Пендаровски, владина делегација предводена од Славјанка Петровска, министерка за одбрана во Владата на Република Северна Македонија, Каја Шукова, министерка за животна средина и просторно планирање во Владата на Република Северна Македонија.