Македонија
Изборите ќе ги следат 7.830 набљудувачи
Предвремените парламентарни избори ќе ги следат 7.830 набљудувачи акредитирани во Државната изборна комисија, од кои 7.341 се домашни и 489 странски
Граѓанската асоцијација МОСТ има највеќе домашни набљудувачи – 4.466, а преостанатите се од уште шест други невладини организации.Од странските највеќе набљудувачи има ОБСЕ/ОДИХР (234), Парламентарното собрание на ОБСЕ има 47, Амбасадата на САД (39) а свои набљудувачи имаат и Советот на Европа, Европската комисија како и голем дел од странските амбасади во земјава.Мисијата на ОБСЕ е предводена од Џулијан Пил Јејтс. „Мисијата ќе ги оценува изборите од аспект на усогласеност со принципите за демократски изборни процеси, вклучувајќи ги и обврските преземени од страна на сите држави членки на ОБСЕ, како и националната законска регулатива“, појасни Јејтс по отворањето на набљудувачката мисија во Скопје.Изјава за прелиминарните наоди и заклучоци ОБСЕ ќе објави ден по изборите, а финалниот извештај за целиот изборен процес ќе биде објавен два месеца по завршувањето на набљудувачката мисија.Еден ден пред изборите, за првпат се гласаше и во дијаспората. Информациите за тоа колкава била излезноста на македонските иселеници на изборите, треба во текот на денешниот ден да ги соопшти Државната изборна комисија. За гласање се пријавија 7.258 македонски државјани кои бираа од 24-те кандидатски листи.Вчера правото на глас го остварија и лицата кои се во притвор, внатрешно раселените лица и болните и изнемоштените.Гласањето, кое започнува во седум часот утринава ќе трае до 19 часот. Право на глас имаат 1.821.122 гласачи кои на 2.976 избирачки места ќе можат да се изјаснат за 18 листи со 1679 кандидати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.