Македонија
Прв ПЕП филмски фестивал за добри практики во наставата
Проектот на УСАИД за основно образование (ПЕП) го организираше филмскиот фестивал во Кинотека на Македонија на кој беа прикажани најдобрите 19 видео презентации, снимени од наставниците од основното образование за подобри практики во наставата.
Проектот на УСАИД за основно образование (ПЕП) го организираше филмскиот фестивал во Кинотека на Македонија на кој беа прикажани најдобрите 19 видео презентации, снимени од наставниците од основното образование за подобри практики во наставата. Во проектот се обучени над 750 наставници од 150 училишта во Македонија да користат флип камера и видео со цел да го променат и подобрат начинот на кој учениците учат и професорите кои предаваат. „Наставниците ги снимаа своите најдобри училишни практики односно ги отворија ширум училниците за да го споделат сето она што се случува внатре, за да покажат и споделат со нивните ученици, пошироката јавност и со нивните колеги“ рече Викторија Димитровска, координатор за мониторинг евалуација. Таа додаде дека за овој фестивал 147 наставници приложиле филмови кои самите ги снимиле, а само 19 беа прикажани како најдобри. Министерот за информатичко општество и државна администрација, Иво Ивановски изјави дека преку филмски видео прикази може да се забележи и колкав број на ученици, наставници и училишта ги користат мултифункционалните уреди. „Ова е уште еден доказ како со користењето на видео камерата и видео презентациите можеме да видиме колкав број на ученици, наставници и училишта ги користат компјутерите, лаптопите и проекторите и сите оние останати информатичко-технолошки алатки со цел најмладите генерации од основно до средно образование да се образуваат со примената на најновите технологии на 21 век, а тоа се компјутерите“ вели Ивановски. Тој додаде дека од денеска го превземаат и кол центарот за одржување на компјутерите, а се прават напори да се преземе и веб порталот за ПЕП филмскиот фонд кадешто може да се прикачат видео приказите за добри практики во наставата. Центарот за техничка поддршка за компјутерите во основното образование со кој раководеше Проектот на УСАИД за основно образование (ПЕП) пред две недели премина во надлежност на Министерството за информатичко општество и администрација. /крај/макфакс/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Арсовска во увид на изградбата на подземната инфраструктура на новиот булевар Хрватска
Град Скопје продолжува со реализација на првата фаза на големиот проект за изградба на подземната инфраструктура на новиот булевар Хрватска, која опфаќа и нова водоводна мрежа која произлегува од градската програма за работа.
Градоначалничката на Град Скопје, Данела Арсовска, заедно со екипи од ЈП Водовод и канализација Скопје и Секторот за планирање и уредување при Град Скопје, денес извршија увид во реализацијата на овој капитален инфраструктурен проект.
Во оваа фаза од изградбата на водоводната мрежа која се движи на трасата по новопроектираниот булевар Хрватска и заради формирање на прстенеста циркулациона мрежа и создавање на подобри хидраулички услови во градската водоводна мрежа предвидено е поврзување на двата магистрални доводи на вода Рашче со профил од Ф1600 и постоечкиот цевковод со профил од Ф700 на булевар Александар Mакедонски.
Со почеток на реализација на предвидениот магистрален цевковод со профил од Ф700 милиметри, по новопредвиден булевар Хрватска во првата фаза, започнати се градежните активности на поврзување на булевар Александар Македонски кај Естекада. Вкупната предвидена должина на магистралниот цевковод по булеварот Хрватска изнесува 2,8 километри. Реализацијата на овој дел од водоводната мрежа е предуслов за подобрување на водоснабдувањето на целата територија на општина Гази Баба.
Македонија
„Биди хуман- спаси живот”: крводарителска акција во Уставниот суд денеска по повод 60 години oд постоењето
Уставниот суд денеска организира крводарителска акција под мотото „Биди хуман- спаси живот” која ќе се одржи во периодот од 9 до 14 часот во просториите на Судот.
Акцијата за дарување на крв се реализира во соработка со Црвен крст на Република Северна Македонија, на иницијатива на Уставниот суд, по повод 60 години од своето постоење.
Организирањето на оваа хумана активност е иницијатива на вработените од Судот и досега се пријавени над 30 дарители од Уставниот суд, меѓу кои и судии и советници од стручната служба.
Преку оваа крводарителска акција Уставниот суд изразува солидарност и хуманост и истовремено се придружува на апелите на Црвен крст за подигнување на свеста за донирањето на крв и мотивирање на поголем број на луѓе за доброволно дарување.
Македонија
Силен СДСМ во Собранието е потребен за иднината на државата, велат социјалдемократите
Граѓаните треба масовно да излезат да гласаат на 8 мај, со својот глас да ја поддржат идејата за напредна, слободна и европска држава, да го поддржат СДСМ и Коалицијата за европска Македонија, велат од СДСМ преку соопштение.
„Силен СДСМ во Собранието е потребен заради иднината на државата, за ДПМНЕ да не го донесе повторно режимот во најава, кој толку долго прогресивните сили во државата се трудеа да го срушат.
Ако десничарска партија како ДПМНЕ на гордиот наследник на Груевски добие преголема моќ, тоа ќе ги убие ЕУ перспективите, ќе ја загрози слободата и демократијата.
Доволно долго Македонија седеше во чекалната за Европа, додека други држави поминуваа, и никој не сака пак да се вратиме таму.
ДПМНЕ ќе ја одложува евроинтеграцијата во недоглед, тие немаат ниту план ниту пак се доследни во остварувањето на стратешките цели. Тоа го правеше и Груевски, тие само ќе продолжат кај што застана тој“, се вели во соопштението.