Свет
Осум кандидати за премиер на Либија

Осум кандидати се пријавија за функцијата либиски премиер, меѓу кои се лидерот на либералниот сојуз Махмуд Џибрил и кандидатот на исламистите, актуелниот министер за енергетика Авад ал-Бараси.
Новиот либиски премиер на 12-ти септември ќе го избираат 200 членови на Општиот национален конгрес, најголемата политичка институција во земјата оформен по изворите од 7-ми јули.
Високата комисија за чесност и родољубие, треба да го провери сите кандидати и да утврди дале се вмешани во корупција или во задушувањето на бунтот во 2011 година со кој беше соборен режимот на водачот на Либиската Џамахирија, полковникот Моамер ал-Гадафи.
Сојузот на националните сили, коалицијата од шеесетина помали либерални партии којашто ја води архитектот на минатогодишниот бунт, Махмуд Џибрил, на парламентарните избори освои 39 места во Конгресот од 80 резервирани за политичките партии.
Втората по моќта, Партијата на правдата и изградбата, којашто настана од движењето Муслиманско братство, има 17 места во Конгресот а другите 120 им припаднаа на независните кандидати. Така што изборот на премиерот треба јасно да го покаже влијанието на еден од блоковите во новиот либиски парламент.
Од соборувањето на Гадафи и објавувањето дека Либија е ослободена во октомври 2011 година, преодната влада е задолжена само за тековните работи. Задачата на новата влада ќе биде, првенствено, да ја подобри безбедноста во земјата и да ја започне обновата на оваа разорена од војната но инаку богата со нафта северноафриканска земја./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелски претседател: Го нападнавме Иран поради егзистенцијална закана

Израелскиот претседател Исак Херцог се огласи на платформата Икс во врска со ноќниот напад врз Иран, велејќи дека тоа била насочена операција започната за одбрана од „непосредна и егзистенцијална закана“ за израелскиот народ.
„Меѓународната заедница беше сведок како иранскиот режим – на чело на глобалната империја на терор – продолжи да го радикализира и дестабилизира регионот преку своите сојузници во текот на изминатите децении, додека неуморно ги развиваше своите воени нуклеарни капацитети и го прошируваше својот арсенал со балистички ракети“, напиша Херцог.
Last night, Israel launched a targeted operation to neutralize an immediate and existential threat to our people.
The international community has seen how over the last decades, the Iranian regime—at the helm of a global terror empire—has continued to radicalize and destabilize…
— יצחק הרצוג Isaac Herzog (@Isaac_Herzog) June 13, 2025
Тој рече дека иранските лидери отворено ја изразиле својата намера да ја уништат Државата Израел со години и додаде дека режимот „систематски се подготвува да ја претвори таа визија во реалност“.
„Се надевам дека ова ќе го води регионот кон помирна иднина“
„Израел има природно право и должност да се брани – и секогаш ќе го прави тоа решително и јасно“, нагласи израелскиот претседател.
Тој заклучи изразувајќи надеж дека оваа операција ќе го промени текот на настаните на Блискиот Исток и ќе го води регионот кон „помирна и просперитетна иднина“.
Свет
Израел: Иран лансираше повеќе од 100 дронови кон нас

Портпаролот на израелската војска, Ефи Дефрин, изјави дека Иран лансирал повеќе од 100 беспилотни летала кон Израел во последните часови, откако Техеран се закани со одмазда за израелските напади.
Во исто време, беше потврдено дека околу 200 израелски борбени авиони учествувале во ноќните напади врз повеќе од 100 цели во Иран.
„Се соочуваме со тешки времиња“
Дефрин рече дека сите системи за воздушна одбрана биле активирани за да ги пресретнат заканите што доаѓаат од Иран.
„Ова е различен настан од сè што сме доживеале претходно и нè очекуваат тешки времиња. Мора да покажеме отпорност и трпение“, рече Дефрин.
Израел изврши голем воздушен напад врз повеќе цели во Иран како дел од операцијата.
Свет
(Видео) Израел нападна воени згради во Техеран, објавени се снимки

Израел изврши воздушни напади врз Иран во текот на ноќта, насочени кон неговата нуклеарна програма и капацитетите за балистички ракети со долг дострел, објави израелското воено радио.
ویدیویی از منطقه اقدسیه تهران pic.twitter.com/al1CPt5WTB
— cia shirazi (@ciatexas1957) June 13, 2025
Министерот за одбрана Израел Кац рече дека нападот бил „превентивен“.
Израелските сили нападнаа десетици воени објекти низ Иран, вклучувајќи и еден округ во Техеран каде што се сместени високи команданти на Иранската револуционерна гарда, според извештаите на военото радио.
Израел прогласи вонредна состојба во земјата и го затвори својот воздушен простор, пренасочувајќи ги сите летови кон други земји, објавија израелските медиуми.
Иранските медиуми потврдија дека во и околу Техеран се слушнале повеќе експлозии. Иранската државна телевизија, исто така, објави дополнителни силни експлозии во различни делови од главниот град.
Иран ги суспендираше сите летови на аеродромот „Имам Хомеини“ во Техеран, објавија иранските државни медиуми.
Државниот секретар на САД, Марко Рубио, негираше дека Вашингтон имал каква било улога во „едностраните“ напади на Израел врз Иран и го повика Техеран да не ги таргетира американските интереси во регионот, поради шпекулациите дека Иран наскоро би можел да возврати.