Свет
Деветнаесет убиени во мафијашка пресметка во Мексико
Деветнаесет убиства кои според начинот на кој се извршени упатува дека станува збора за пресметка на нарко картелите, биле извршени во северно Мексико минатата вечер
Локалните власти од пограничниот град со САД, Сиудад Хуарез соопштија дека меѓу убиените е и група од шестмина мажи кои се ликвидирани со автоматско оружје во еден бар на самата граница со Тексас.Во регионот на Сиудад Хуарез од февруари се распоредени 8.500 војници, но според се’ судејќи тие се немоќни во спречувањето на бруталните пресметки меѓу локалните кланови Хуарез и Синалоа. Во овој најопасен мексикански град годинава веќе се извршени повеќе од две илјади убиства. Минатата година на подрачјето на Сиудад Хуарез се убиени 1.653, известува локалната полиција. Градот е центар на илегалните патишта на дрогата за САД, а мексиканските нарко картели во 2006 г. водат војна за контрола на црниот пазар. Од тогаш досега настрадале вкупно околу 15 илјади луѓе. Мексиканскиот претседател Фелипе Калдерон за помош на полицијата во справување со бандите ангажираше 50 илјади војници, кои исто така честопати се жртви и цел на напади на осилените мафијашки кланови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина патник на лет од Париз
Патник почина на летот на „Ер Франс“ од Париз за Бостон и покрај обидот на лекарот да го спаси.
Патникот доживеал итна медицинска ситиуација за време на повратниот лет за Бостон, според извештаите, пишува „Дејли мејл“.
Полицијата ја опиша смртта како „неочекувана“, но не соопшти повеќе детали.
Идентитетот на лицето нема да биде објавен додека најблиските не бидат известени.
Свет
Ердоган ги повикува сите земји да ги „држат рацете подалеку“ од Сирија, бидејќи Турција ќе ги уништи терористите
Турскиот претседател Реџеп Таип Ердоган ги повика сите земји да ги „држат рацете подалеку“ од Сирија, бидејќи Турција има капацитет и способност да ги уништи сите терористички организации во земјата, вклучително и курдската милитантна група и Исламската држава.
За време на говорот во парламентот, Ердоган рече дека курдската милитантна група ЈПГ е најголемиот проблем во Сирија по соборувањето на поранешниот претседател Башар ал Асад, пренесе Ројтерс.
Тој додаде дека групата „ќе го исполни својот крај“ доколку не го положи оружјето.
Тој исто така рече дека доколку забранетата Курдска работничка партија го игнорира повикот на нејзиниот лидер Абдула Оџалан да го остави оружјето, Турција ќе ја постигне својата цел за елиминација „на друг начин“.
Свет
(Видео) Рама на колена ja изненади италијанската премиерка Мелони со шaл и роденденска песна
Албанскиот премиер Еди Рама денеска и подари шал на својата италијанска колешка Џорџа Мелони и и пееше роденденска песна за да го прослави нејзиниот 48-ми роденден.
Edi Rama – Giorgia Meloni – Abu Dhabi – Birthday gift pic.twitter.com/GvGktJu1c9
— News video (@Newsvideo13) January 15, 2025
Рама, кој е многу повисок од Мелони, клекна на колена за да и даде подарок и да и отпее „танти аугури“ (среќен роденден) додека двајцата лидери присуствуваат на Светскиот самит за идна енергија во Абу Даби.
Шалот е дело на италијански дизајнер кој се преселил во Албанија, и објасни Рама на Мелони.
Двајцата лидери имаат добри работни односи и покрај нивните спротивни политички убедувања, пишуваат медиумите во регионот.