Спорт
Видиќ: Најтежок момент во кариерата
Еден од најдобрите играчи во српската репрезентација Немања Видиќ изјави дека поразот од Австралија претставува најболен момент во неговата кариера.
Еден од најдобрите играчи во српската репрезентација Немања Видиќ изјави дека поразот од Австралија претставува најболен момент во неговата кариера.
„Ова е најтешкиот момент во мојата кариера. Го одигравме нашиот најдобар меч во Јужна Африка до 60 минута. Но падот на концентрацијата во неколку минути е пресуден, поради што заминуваме со наведнати глави“, изјави Видиќ.
Тој посочи дека разочарувањето во соблекувалната на српската репрезентација било огромно, бидејќи сите очекувале дека ќе изборат пласман во следната рунда.
„Австралија беше поагресивна во второто полувреме, а ние останавме без сила кога не нападнаа со долги топки и центаршутеви“, рече Видиќ.
Српскиот селектор Радомир Антиќ изрази незадоволство од судењето на уругвајскиот судија Хорхе Ларионде.
„Не знам што да кажам. Судијата имаше црн ден во однос на Србија и сигурно дека сме лути на судиската одлука“, рече Антиќ алудирајќи на 90 минута, кога Тим Кејхил играше со рака во својот шеснаесетник.
„Можам само да кажам дека фудбалот беше неправеден спрема нас. Игравме квалитетно и немам замерки. Можеме само да жалиме за пропуштените шанси.
Коментарите во српскиот печат се најразлични. Поголемиот дел сметаат дека Србија загубила несреќно, а некои вината ја бараат и кај судијата, но има и наслови од типот „Заслужен крај на просечната Србија“. /крај/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Тиквеш го освои Купот на Македонија
Foot/ ffm.mk
Фудбалерите на Тиквеш испишаа историја и за прв пат во историјата го освоија Купот на Македонија. Исто така, оваа победа им овозможи на кавадарчани првпат да учествуваат во европските купови, тие ќе играат во квалификациите во Конференциската лига.
Во финалето кое се одигра на Националната Арена националниот стадион „Тодор Проески“ во Скопје ја совлада Воска Спорт со 2:1.
Тиквеш поведе преку Кристијан Стојкоски, кој постигна одличен гол од слободен удар во 41. минута.
Tikves markiert in der 41. Minute das 1:0 per Freistoß https://t.co/nOamIuabKS pic.twitter.com/GoNMIrOQ4K
— Makedonien.mk (@makedonien_mk) May 22, 2024
По еден час игра, Бразилецот Луан Силва зголеми на 2:0, за голема радост на 10.000 навивачи кои од Кавадарци дојдоа во главниот град да го бодрат својот тим.
#Tikves erhöht in der 59. Minute nach Eckball auf 2:0 https://t.co/ZgXE2lTKNk pic.twitter.com/pneNaK7TJI
— Makedonien.mk (@makedonien_mk) May 22, 2024
Голот за надеж за Воска го постигна Никола Саркоски во 77. минута, но охриѓани немаа сили да се вратат во мечот.
Со ова Тиквеш ја заокружи најуспешната сезона во клупската историја, во првенството овој тим го освои четвртото место.
Спорт
(Видео) Гасперини го надмудри Алонсо, Лукман со хет-трик го растури Баер, Аталанта ја освои Лига Европа
Фудбалерите на Аталната го освоија првиот европски трофеј во клупската историја. „Ла Деа“, во финалето во Даблин, го победи Баер Леверкузен со 3:0. Хет-трик постигна Адемола Лукман, кој го совлада Ковар во 12., 26. и 75.минута. Аталанта со победата во финалето стави крај на европскиот рекорд на Баер, играчите на Чаби Алонсо до овој меч немаа пораз на 51 натпревар.
Спорт
Борусија сите вработени ќе ги носи на финалето со Реал
Борусија Дортмунд на 1 јуни на „Вембли“ ќе го игра финалето од Лигата на шампионите против Реал Мадрид, а челниците на германскиот тим покажаа зошто популарните „милионери“ се голем клуб и колку се грижат за луѓето, кои се дел од целиот проект.
Сите вработени во клубот, на број се 519, ќе бидат специјални гости на мечот за највредниот трофеј во клупскиот фудбал. Сите трошоци ќе бидат на товар на Борусија.
На трибините ќе бидат сите од хигиеничарките до директорите.
На овој начин клубот сака да изрази благодарност за сето она што го прават секојдневно и придонесуваат за успехот на Борусија.
Освен тоа, „милионерите“ во Лондон ќе ги однесат сите членови на нивната младинска школа од 12 до 19 години, за да бидат дел од големиот спектакл.
Борусија Дортмунд последен пат беше во финалето на Лигата на шампионите во 2013 година кога токму на „Вембли“, загуби од Баерн (2:1).