Свет
Конкретни личности во Либија не се цел на НАТО
НАТО не е насочен кон уништувањето на одредени личности и поединци во Либија, изјави командантот на воените операции „Обединет бранител“, генерал-потполковникот Шарл Бушар.
НАТО не е насочен кон уништувањето на одредени личности и поединци во Либија, изјави командантот на воените операции „Обединет бранител“, генерал-потполковникот Шарл Бушар. Најмладиот од седумте синови на либискиот лидер Моамер ел-Гадафи, Саиф ал-Араб ноќеска беше убиен во воздушен напад на воздухопловните сили на НАТО, кога беше погодена резиденцијалната областа Баб ал-Азизија, каде што престојува Гадафи. Самиот либиски водач во нападот не беше погоден. Според официјалниот претставник на либиската влада, Муса Ибрахим, за време на бомбардирањето Гадафи и неговата сопруга биле во куќата на нивниот 29-годишен син Саиф ал-Араб. Зградата била погодена од најмалку еден проектил на НАТО. Притоа биле убиени и тројца внуци на либискиот лидер. „Сите цели на НАТО се воени по нивниот карактер и јасно поврзани со систематските напади на либискиот режим врз цивилното население и населените места. Посебни личности не се нашите цели“, се вели во соопштението на генерал-потполковникот Шарл Бушар испратено денеска во РИА Новости. Воздушниот напад бил наменет за уништување на командни и контролна инфраструктура на Гадафи вели командантот на Алијансата. Според генералот, во однос на медиумските известувања за смртта на синот на Гадафи, вели дека е свесен дека како резултат на воздушниот напад може да загинале неколку членови на семејството Гадафи. „Ние жалиме за загубата на сите луѓе, особено на невини цивили кои страдаат од конфликт“, вели Бушар. /крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.