Спорт
Евробаскет: Македонија и натаму гази
Македонија – Словенија 68:59. Шеста победа на македонските кошаркари во серија која во ниеден момент не беше оспорена ниту од фаворизираните Словенци (20:16; 19: 15; 15:11 и 14:17) кои во водство беа само во 3. трета минута од втората четвртина.
Македонија – Словенија 68:59. Шеста победа на македонските кошаркари во серија која во ниеден момент не беше оспорена ниту од фаворизираните Словенци (20:16; 19: 15; 15:11 и 14:17) кои во водство беа само во 3. трета минута од втората четвртина.Македонија со големата победа извојувана во супериорна игра над кошаркарската селекција на Словенија во недела ќе играат за првото место во Групата Ф против репрезентацијата на Русија. Но без разлика на тој резултат, македонските кошаркари во четвртфиналето ќе избегнат дуел со Шпанија, како последен европски шампион или со Франција, еден од главните фаворите на шампионатот во Литванија, екипи кои досега на првенството покажаа најдопадливи игри.
Вечерва во Вилнус пред македонските спротски суперхерои падна и фаворизираната Словенија, која досега не знаеше за пораз во средбите со македонските кошаркарски селекции.
Ако досега можеше да смета дека успехот на македонските кошаркари се должи и на евентуалното потценување од страна на противниците, на мечот со Словенија беше очигледна зрелата игра и решеноста со истрајност да се дојде до победата. Исто така, забележливо е дека и Словенците вечерва сериозно му пријдоа на мечот со Македонците, но исто така евидентен беше стравот од нивнтие вечерашни противници.
По добиенот прво полувреме со осум поени разлика, на почетокот од второто, благодарејќи на досудената техничка грешка за нашиот капитен Перо Антиќ, а веднаш потоа и фаулот на Гечевски, придонесоа нашите најдобри скокачи на првенството многу рано да заработат по три лични грешки, што ќе бара реорганизација во играта во одбраната. За среќа и Словенците веќе солидно зафатени од стравувањето прават многу грешки во нападот, па Македонија до средината на третата четвртина го одржува водството со кое се замина на полувремето. Искусниот стратег на клупата на Словенците, Божидар Маљковиќ, во 26 минута од натпреварот се најде во многу непријатна ситуација, кога неговиот најрасположен за игра денеска кошаркар Горан Драгич, го заработи четвртиот фаул а Македонија оди на плус 12 поени, нависоко водство на денешниот меч. Истовремено и Докузовски е на маки, бидејќи Гечевски добива повреда на десната рака, и на негово место во игра влегува Чековски. Македонија во овој дел од натпреварот форсира игра во противничкиот рекет, што не носи посебен резултат, повторно благодарејќи на грешките на словенечките кошаркари. Предноста ја носат и седумте украдени топки на Македонците во одбраната, додека до овој период од играта противникот има далеку повеќе загубени топки во нападот 13. Така на крајот од третата четвртина, Македонија ја зголемува предноста од полувремето и заминува на кусата пауза со предност од 54:42.По неполни три минути игра во четвртата четвртина, Македонија го има најголемото водство на мечот од плус 17. Кога во следниот напад Словенците во контранапад останувајќи тројца против еден не реализираа ткн зицер а згора на тоа веднаш направија фаул за да го спречат контранападот на Македонците, се чини дека на пет минути до крајот не смее да се испушти сигурното водство. Македонските кошаркари, кај кои се чувствува помалку и заморот, дозволуваат на три минути до крајот противникот на намали на 12 поени разлики во наша полза. Тоа е период на долги напади на македонските кошаркари не без реализација ниту од под кошот, ниту од за ударите од поле, па Словенците намалуваат на 9 поени на малку повеќе од две минути до крајот на мечот. Докузовски зема тајмаут на минута и 15 секунди до крајот кога Словенија прави серија од 11:0 , и намалува на само шест поени разлика. Се чини задоцнета реакција, којашто може да доведе до ситуација од готово вересија. Но Војдан Стојановски во вистински момент постигнува тројка, а Горан Драгич во против напад прави грешка во чекори и веднаш потоа ја направи својата петта лична грешка и од игра излегува најпрецизниот играч во противничкиот тим со постигнати 20 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шумахер најавува пропаст на Ред Бул
Ралф Шумахер (48) смета дека заминувањето на Адријан Њуи од Ред Бул е значаен момент за Формула 1. Поранешниот Ф1 возач смета дека ова е позначајно дури и од трансферот на Луис Хамилтон од Мерцедес во Ферари.
Пред два дена Ред Бул објави дека спогодбено ќе се раздели со најдобриот дизајнер во Ф1. Шпекулациите велат дека Њуи би можел да му се придружи на сонародникот Хамилтон во Ферари следната сезона.
Дури и да не се случи тоа, Ралф Шумахер е убеден дека без врвниот дизајнер, Ред Бул ќе стане просечен тим.
Помладиот брат на еден од најголемите возачи на сите времиња, Михаел Шумахер, кој и самиот имаше солидна кариера во Формула 1 (182 трки, 27 подиуми, 6 пол-позиции, 6 победи) отиде чекор понатаму и објави дека Њуи е само првиот во низата клучни луѓе на тимот на Ред Бул кои наскоро ќе ја напуштат базата во Милтон Кејнс.
„Да, тоа е факт и повеќе луѓе ќе си заминат“, одговори Шумахер на прашањето за организациската криза во најдоминантниот тим на првенството.
„Тоа е јавна тајна, но во реалноста сè започнува од фактот дека Кристијан Хорнер верува дека не му треба ниту еден од тие луѓе и дека најдобро знае како треба да изгледа Ф1 тим. Конечно, ја има целосната поддршка од тајландските инвеститори“, изјави Германецот, а пренесува шпанска „Марка“.
Спорт
Алкараз го откажа настапот на Мастерсот во Рим
Шпанскиот тенисер Карлос Алкараз поради повреда нема да настапи на Мастерсот во Рим.
Третиот тенисер во светот има прблем со десната подлактица, но и покрај тоа реши да игра на Мастерсот во Мадрид каде не успеа да ја одбрани титулата, во четвртфиналето дожиева пораз од Андреј Рубљов.
„Почувствував болка на турнирот во Мадрид, непријатност во раката. Денеска направив прегледи и имам оток на мускулот на подлактицата, што е резултат на претходна повреда. За жал, не можам да играм во Рим, морам да почнам со рехабилитација за да играме 100 отсто без болка“, напиша Алкарас на социјалната мрежа „Икс“.
Алкарас во краток период се откажа од три турнири. За еден месец се откажа од Монте Карло, Барселона и сега од Рим.
Спорт
Фоден играч на сезоната во Премиер лигата
Фудбалерот на Манчестер сити, Фил Фоден, е избран за најдобар фудбалер во Англија за сезоната 2023/24 според гласовите на спортските новинари.
Фудбалерот на „Граѓаните“ во досегашниот дел од сезоната одигра 31 натпревар во Премиер лигата, постигна 16 гола и запиша седум асистенции.
Во ФА купот одигра четири натпревари на кои постигна два гола, додека во Лигата на шампионите одигра осум натпревари, забележа пет гола и три асистенции.
Манчестер сити го заврши учеството во Лигата на шампионите, откако беше елиминиран од Реал Мадрид, но се уште има шанса да се бори за титулата во Премиер лигата.
Арсенал моментално е прв на табелата во англиското фудбалско првенство со 80 бодови, додека Сити има бод, но и натпревар помалку, па финишот на сезоната ќе биде неизвесен.
Избраниците на Пеп Гвардиола на 25 мај ќе се борат за трофејот во ФА Купот против Манчестер Јунајтед во финалето.