Свет
Русија ги осуди санкциите на ЕУ против Сирија
Рускиот министер за надворешни работи, Сергеј Лавров, денеска ја осуди одлуката за санкциите коишто Европската унија (ЕУ) ги наметна за Сирија, тврдејќи дека тие „нема да доведат до ништо добро“.
Рускиот министер за надворешни работи, Сергеј Лавров, денеска ја осуди одлуката за санкциите коишто Европската унија (ЕУ) ги наметна за Сирија, тврдејќи дека тие „нема да доведат до ништо добро“. „Отсекогаш тврдевме дека еднострано донесените санкции не водат кон ништо добро. Тие само го уништуваат партнерскиот пристап на која и да е криза. Ние се спротиставуваме на едностраните санкции“, изјави шефот на руската дипломатија, Сергеј Лавров, за новинарите коишто го следат самитот на поранешните советски држави што се одржува во главниот град на Таџикистан, Душанбе. Во петокот ЕУ одлучи да наметне нови санкции за извозот на нафтените деривати од Сирија, со образложение дека претседателот Башар ал-Асад врши масакр врз сопствениот народ. „Претседателот Асад спроведува масакр во сопствената земја“, изјави министерот за надворешни работи на Полска, Радослав Сикорски во полскиот град Сопот каде што се одржа неформалната средба на министрите за надворешни работи од земјите членки на ЕУ за да се договорат како ќе реагираат на петмесечните воени активности на сирискиот режим против анти-владините демонстранти Москва и Дамаск одамна имаат блиски врски, а Русија е еден од главните извозници на оружје и воена опрема во Сирија. Инаку, меѓу предложените санкции е и онаа за ембарго за продажбата на оружје за Дамаск, Тоа, пак, ќе предизвика продажбата на оружје на руските компании за Сирија да стане незаконска./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Свет
Шест лица загинаа во напад на џамија во Авганистан, непознато лице пукало во цивили
Најмалку шест лица загинаа, а едно лице е рането во џамија во авганистанскиот град Андишех во областа Гузара, изјави авганистанскиот министер за внатрешни работи Абдул Матин Кани.
Тој изјави дека „непознато вооружено лице пукало во цивилни верници во џамијата“ вчера во 21 часот по локално време, пренесува Ал Џезира.
Меѓу убиените е и имамот на џамијата во која се молеле шиитските муслимани.
Ројтерс јавува дека меѓу жртвите има и дете.
Свет
Седум Палестинци загинаа, а 32 се ранети во израелски бомбардирања
Седум Палестинци загинаа, а најмалку 32 се ранети во израелско бомбардирање на блокираниот Појас Газа, јавува дописникот на ВАФА.
Тој рече дека израелските воени авиони извршиле серија воздушни напади врз северните и западните делови на бегалскиот камп Нусејрат, при што загинале четворица Палестинци, а 15 други се ранети.
Тој додаде дека израелски воени авиони извршиле три воздушни напади врз населбата Заитун во Газа, при што загинале три лица, а десет се ранети.
Борбени авиони го нападнаа и градот Џабалија и бегалскиот камп во северниот појас, при што беа повредени седум лица, меѓу кои три деца.
Во меѓувреме, израелската артилерија ги гранатираше бегалските кампови Ал-Буреј и Ал-Магази во централниот појас, населбите Тал ал-Хава, Шеик Ијлин и аз-Зајтун во градот Газа, како и кулата Шеик Зајед во Беит Лахиа.
Во јужната зона, артилерија нападна цивилни куќи во источниот дел на градот Кан Јунес.