Свет
Пиратите користат киднапирани бродови како упоришта
Сомалиските пирати се почесто ги користат бродовите кои ги киднапирале како свои упоришта за напад на други бродови на отворено море, соопшти портпаролот на поморските сили на ЕУ за Сомалија (ЕУ НАВФОР), Педи О’Кенеди, пренесува ReutersТој појасни дека пиратите го присилуваат екипажот на киднапираниот брод да соработува со нив и да управува со киднапираниот брод, додека тие ги извршуваат нападите со брзи чамци, со кои се превезуваат до „матичниот брод“ по нападот.Силите на ЕУ проценуваат дека на подрачјето на Индискиот океан сега се наоѓаат од два до осум такви „матични бродови“, а на секој од нив има по 20 до 30 пирати.„Нивниот досегашен начин на дејствување многу зависеше од временските прилики. Сега кога користат поголеми бродови, времето помалку влијае врз нивните операции и досегот им е многу поголем“, вели О’Кенеди. Кога авионите и хеликоптери му се доближуваат на киднапираниот брод, пиратите веднаш со радио му испраќаат предупредување по радио врска, дека ќе го убијат екипажот ако леталото се доближи или го редат екипажот на палубата и го вперуваат оружјето во нив.Сомалиски пирати сега изведуваат напади на оддалеченост и до 250 километри од јужноафриканските и пакистанските територијални води и на околу 400 километри од Индија. Забележан е и пораст на интензитетот на нападите, па така неодамна на еден трговски брод при обидот за киднапирање биле истрелани шест ракети од ракетен фрлач. /крај/reuters/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Авион се судри со јато птици во Мумбаи
Авионот на авиокомпанијата “Емирати” безбедно слета во Мумбаи, бидејќи непосредно пред слетувањето се судри со јато фламинга. Десетици птици загинаа од ударот на авионот, соопшти авиокомпанијата.
Боинг 777 кој летал на релација Дубаи-Мумбаи се судрил со јато фламинга, а се проценува дека имало околу 300.
Како што потврди портпаролот на компанијата „Емирати“ за Ројтерс, авионот слетал безбедно и сите патници се добро, пренесува РТС.
„Во инцидентот е оштетен авионот. Повратниот лет на овој авион кој требаше да лета за Дубаи е откажан“, изјави портпаролот на компанијата.
Европа
Лидерот на опозицијата во Британија: Изборите се шанса да се стави крај на хаосот на владата на Сунак
Кир Стармер, лидерот на британската опозициска Лабуристичка партија, денеска изјави дека националните избори во јули ќе и дадат шанса на земјата да стави крај на хаосот на конзервативната влада на британскиот премиер Риши Сунак.
„Време е за промени“, им рече Стармер на своите приврзаници откако Сунак објави дека изборите ќе се одржат на 4 јули, објави Ројтерс.
Британскиот премиер Риши Сунак претходно денеска потврди дека националните избори во Британија ќе се одржат на 4 јули.
Сунак додаде дека кралот Чарлс III одобрил распуштање на парламентот и дека изборите ќе се одржат на 4 јули.
Ројтерс претходно објави дека Сунак најавил дека изборите ќе се одржат во втората половина на годината.
Свет
Нетанјаху: Објавата на Ирска, Шпанија и Норвешка за признавање на Палестина „награда за тероризам“
Израелскиот премиер Бенјамин Нетанјаху денеска ја осуди најавата на Ирска, Шпанија и Норвешка дека наскоро ќе ја признаат независна Палестина како „награда за тероризмот“ и нагласи дека Тел Авив останува решен кога е во прашање победата во Појасот Газа.
Во изјавата, Нетанјаху изјави дека 80 отсто од Палестинците на Западниот Брег „го поддржуваат масакрот извршен од Хамас на 7 октомври“, пишува „Тајмс оф Израел“.
„На ова зло не смее да му се даде земја. Тоа ќе биде терористичка држава. Ќе се обидат да го повторат масакрот од 7 октомври, а ние нема да се согласиме на тоа“, рече тој.
Израелскиот лидер нагласи дека „наградата за тероризмот нема да донесе мир“ и дека одлуката на овие земји да ја поштедат Палестина нема да го спречи Израел да го победи Хамас.
Норвешка, Шпанија и Ирска најавија претходно денеска дека ќе ја признаат палестинската држава на 28 мај.
Како што рече ирскиот министер за надворешни работи Мајкл Мартин, Ирска планира да ја признае палестинската држава врз основа на нејзините граници од 1967 година, кои ги вклучуваат Газа, Западниот Брег и Ерусалим како главен град и на Израел и на Палестина.