Македонија
Позитивни реакции за укинувањето на визите
Укинувањето на визниот режим за влез во земјите од шенген зоната в понеделник дочекано е со позитивни реакции без исклучок од страна на политичката,
Укинувањето на визниот режим за влез во земјите од шенген зоната в понеделник дочекано е со позитивни реакции без исклучок од страна на политичката, експертската и пошироката јавност во Македонија.Граѓаните на Македонија, Србија и Црна Гора од 19. декември без визи ќе можат да патуваат во 25 од 27 држави членки на Европската унија, со исклучок на Ирска и Британија. Без визи ќе може да се патува и во Норвешка, Швајцарија, Исланд, Бугарија и Романија. Премиерот Никола Груевски денеска присуствуваше на собирот во центарот на Скопје, на кој што граѓаните ја прославуваа позитивната вест од Брисел.
„Денеска е крупен историски ден за Македонија. ЕУ ја донесе конечната и дефинитивна одлука за укинување на визите за граѓаните на Република Македонија. Денеска имаме причина да славиме и ова е ден кој сигурно ќе остане зацртан во македонската историја. Укинувањето на визите беше долгогодишна, децениска желба и предизвик за многу политичари, влади и политички партии“, изјави Груевски.
Македонскиот претседател Ѓорѓе Иванов истакна дека „денеска е голем ден за Република Македонија и одлуката на Европскиот Совет за визна либерализација е долго очекувано добредојде за нашите граѓани во европската заедница“.
„Либерализацијата значи чекор поблиску до ЕУ што го зголемува чувството на припадност во големото европско семејство. Денешниот ден е резултат на исклучителни напори вложени за исполнување на сериозни реформи кои беа побарани од Македонија”, оцени Иванов.
Според македонското Министерство за надворешни работи (МНР), „укинувањето на визите е голема и практична придобивка која што ќе овозможи зголемена мобилност, размена на идеи, унапредување на соработката во сите сфери“.
Визната либерализација ќе биде особено важна за младите генерации граѓани кои што се главните носители на развојот на Република Македонија во идна земја-членка на ЕУ, посочи МНР.
„Ја поздравуваме одлуката на Советот на министри во Брисел“, изјави в понеделник македонската министерка за внатрешни работи, Гордана Јанкуловска на церемонијата во Брисел. Таа додаде дека македонските граѓани без проблем ќе можат да добијат биометриски пасоши, кои што се главен предуслов за влез во шенген зоната.
Позитивни реакции за укинувањето на визниот режим дојдоа и од политичките партии, и од власта и од опозицијата.
„Од овој момент кафезот во кој што беа заклучени граѓаните на Македонија се отвора и можат и тие да бидат европски граѓани и да ја почувствуваат Европа“, рече координаторката на пратеничката група на ВМРО-ДПМНЕ, Силвана Бонева.
Според неа, одлуката што ја донесе Советот на министри е потврда за сработеното на Владата на Република Македонија.
Од СДСМ ја споделија радоста за паѓањето на визниот режим за македонските граѓани, при што сметаат дека тоа е заслуга на повеќе влади.
„Му порачуваме на Груевски дека ова не смее да биде замена за добивање датум за преговори со Европската Унија“, рече Цветанка Ивановска од СДСМ.
„Ова беше долга битка, која почна некаде во 2000/2001 година. Во секој случај, одлуката е за поздравување. Ова е позитивен чекор за иднината на Република Македонија. Се работеше за техничко прашање за кое ние ги исполнивме условите“, изјави Звонимир Јанкулоски, професор по меѓународно право.
Дека визната либерализација е нешто што државата го заслужува потврдува и професорката Билјана Ванковска.
„Одлуката за визна либерализација е нешто што го заслуживме, и тука нема ни тронка сомнеж дека станува збор за политички морков. Ако воопшто во некоја сфера беа максимално спроведени реформите, тоа беше токму во оваа сфера. За цела држава ова е чин на издишка, на симнување на еден товар, па и на облик на ограничување на слободата на движење и комуникации со европските земји кои припаѓаат на Шенгенската зона“, смета Ванковска.
Безвизниот режим значи зголемени можности и за македонското стопанство, сметаат од Сојузот на стопански комори, од каде искрено ја поздравуваат одлуката на Советот на министри за внатрешни работи и за правда на Европската Унија.
„За македонското стопанство и граѓаните, укинувањето на визите значи позитивен чекор за понатамошна европеизација. По укинувањето на визите, очекуваме зајакнување на економските и културните со ЕУ, зголемување на извозот од домашното производство, освојување на нови пазари и поголема деловна присутност кај потенцијалните бизнис партнери“, се наведува во реакцијата од Сојузот на стопански комори.
Македонските граѓани в понеделник, во голем број излегоа во центарот на Скопје да ја споделат радоста за позитивната вест што пристигна од Брисел./крај/амп
Поврзани вести:
Премиерот Груевски кај граѓаните што го слават укинувањето на визите>> Повеќе стотици Скопјани во понеделник се собраа пред Собранието на Македонија за да го изразат своето задоволство од одлуката на Брисел за укинување на визите…
Граѓаните го слават укинувањето на визите>> Повеќе стотици скопјани попладне во понеделник започнаа да се собираат пред Собранието на Македонија за да го изразат своето задоволство од одлуката на Брисел за укинување на визите…
Иванов-Денеска е голем ден за Македонија>> Денеска е голем ден за Република Македонија и одлуката на Европскиот Совет за визна либерализација е долго очекувано добредојде за нашите граѓани во европската заедница.
Заслужено без визи, на ред се преговорите>> Македонските граѓани заслужено ќе патуваат во државите на Европската Унија без визи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Неформалната коалиција на Венко, Али и Димче има само една цел, да дојде на власт по било која цена, без вредности и било какви заеднички идеи
На овие локални избори се судруваат две дијаметрални различни понуди, едната понуда е од една неформална коалиција којашто ја сочинуваат СДСМ, ДУИ и политичката партија Левица и втората понуда е понудата којашто ја нуди ВМРО-ДПМНЕ со коалицијата Твоја Македонија, рече претседателот на ВМРО-ДПМНЕ, Христијан Мицкоски на денешниот народен митинг во Чаир, во рамки на изборната кампањата со слоган „Вистинскиот избор! Со твојот човек! За твоето место! За твојата иднина!“.
Мицкоски истакна дека во неформалната коалиција сочинета од Венко, Али и Димче има само една цел, а тоа е да се дојде на власт по било која цена, без вредности и било какви заеднички идеи.
„Во оваа неформална коалиција кадешто се здружиле Венко, Али и Димче можеме да забележиме две клучни работи, првата е дека се здружиле да дојдат на власт по било која цена, без вредности, без било каква идеја заедничка којашто ги поврзува, само да се дојде на власт“, рече Мицкоски и додаде:
„Втората е патолошката омраза кон ВМРО-ДПМНЕ, која мојот колега, универзитетски професор Венко Филипче ја надгради и тој рече дека мене тие во суштина и не ме мразеле, туку тоа било чекор над тоа, тие ме презирале и тоа следеше веднаш од како еден нивен перјаница, ми порача дека би било штосно во оваа кампања да го најделе моето распарчено тело спакувано во еден куфер, одприлика на ова се сведува кампањата на СДСМ на овие избори, додека овие вториве ДУИ, првите десет дена од кампањата не ме извадија од уста, Кристијан, Кристијан“, рече Мицкоски.
Објасни дека Левица се обидува да најде нов стопан кој најпрвин тоа беше Зоран Заев а сега е Али Ахмети од Зајас.
„На овие третиве тие коишто се претставуваат како чесни, тие се обидуваат само да си најдат нов стопан, ако најпрвин тоа беше Зоран Заев, но сега тој стопан е минато, сега си најдоа нов стопан, овој новиот стопан се вика Али од Зајас“, посочи Мицкоски.
Македонија
Ѓорѓиевска: СДСМ и Мартин Костовски во очајнички обид да се спасат од агонија, измислуваат физички напад
СДСМ и неговиот кандидат за градоначалник Мартин Костовски денеска се послужија со класична лага и инсинуација во обидот да добијат ситни политички поени, надевајќи се дека тоа нешто ќе им смени на 19 октомври на изборите. Го обвинија нашиот кандидат за советник Самет Салиевски дека, наводно, тој нападнал членови на еден од изборните штабови на Костовски во Куманово. Тоа е целосна лага од Костовски, ја демантираше изјавата на кандидатот за градоначалник на СДСМ – за наводен физички напад врз активисти на социјалдемократите, носеителката на советничка листа на Движењето ЗНАМ – За наша Македонија, Ивана Ѓорѓиевска.
„Вистината е сосема поинаква. Нашиот кандидат за советник Салиевски бил сведок на меѓусебна вербална расправија на активисти на СДСМ во близина на неговиот дом каде што живее. Немало никаков физички контакт што може да се карактеризира како атак од него. Во меѓувреме веќе станал цел на вербални провокации и довикувања на кои реагирал смирено и воздржано.
Ова се очајнички обиди а СДСМ со лаги и манипулации на низок, дрзок и целосно некоректен обид да добијат ситни поени пред кумановци и јавноста. Таквите очајнички чекори се резултат на агонијата во која се наоѓаат како последица на анкетите направени во предизборието кои велат дека ги очекува убедлив пораз. Поточно, убедлива победа на Движењето ЗНАМ и кандидатот за градоначалник Максим Димитриевски“ потенцираше Ѓорѓиевска.
Ние, рече таа, немаме намера да се занимаваме со ваквите политикантски игри на некои истрошени политичари. „ЗНАМ и Максим Димитриевски во изминатиот период покажаа и докажаа како се сака Куманово, како се води најголемата општина во државата и како со труд, професионалност, посветеност и отчетност се создаваат услови секојдневно да се менува на подобро. А, граѓаните тоа го препознаваат. Затоа на 19 октомври Максим Димитриевски и ЗНАМ ќе освојат голема победа. Победа за Куманово да продолжи да се менува“, посочи Ивана Ѓорѓиевска.
Македонија
Утре претежно облачно со повремени врнежи од дожд кои ќе бидат пообилни во западните делови
Времето во текот на утрешниот ден, претежно облачно со повремени врнежи од дожд кои ќе бидат пообилни во западните делови, каде се очекува локално да наврнат и над 25 l/m²дожд. Ќе дува слаб до умерен ветер од југоисточен правец.
Минималната температура ќе биде во интервал од 7 до 12, а максималната ќе достигне од 11 до15 степени.
Во Скопје, ќе биде претежно облачно со повремени врнежи од дожд, повремено пообилни. Ќе дува слаб до умерен ветер од југоисточен правец. Минималната температура ќе се спушти до 12, а максималната ќе достигне до 14 степени.
Во сабота времето ќе биде променливо облачно со повремени локални врнежи од дожд со послаб интензитет. Потоа следува претежно стабилно време со потпросечни температури за овој период од годината.
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
