Свет
Полицајците ќе пишуваат, а МВР ќе ги изречува казните
Премногу недоречености, нелогичности, небулозни решенија и можност за
злоупотреба, вака накратко пратениците го оценија Законот за прекршоците против
јавниот ред и мир што на вчерашната собраниска седница беше ставен на
усвојување по итна постапка.
СВЕТЛАНА УНКОВСКА
Премногу недоречености, нелогичности, небулозни решенија и можност за
злоупотреба, вака накратко пратениците го оценија Законот за прекршоците против
јавниот ред и мир што на вчерашната собраниска седница беше ставен на
усвојување по итна постапка. Токму и начинот на донесување по кратка постапка,
под изговор дека треба да се запазат роковите, е недозволиво, а со тоа што е
ставено знакче на Европската унија се сака да се протнат решенија кои воопшто
не одговараат на принципите и законодавството на Унијата, оценија пратениците.
„Владата имаше доволно време и требаше да најде можности Предлог-законот да го
стави на јавна расправа за граѓаните да можат подобро да се запознаат со него.
Тие со законот ќе бидат под еден полициски режим и третман на казнување со кој
ќе се врши притисок врз нив во зависност од тоа на која политичка партија
припаѓаат“, истакна Јани Макрадули од СДСМ. „Нелогично е, нагласи тој, кога
прекршоци со различна тежина се казнуваат со иста глоба“ .
Есад Рахиќ нагласи дека со јакнењето на позицијата на полицијата во однос на
граѓаните отвора голема можност органите за безбедност многу лесно да ја
преминуваат линијата на однесување и без причина да ги кршат основните човекови
права и слободи.
Славица Гркова нагласи дека законот многу лесно ќе биде злоупотребуван. „Дали
вревата предизвикана од мотор ќе значи дека во иднина полицијата ќе ги запира
сите оние што возат мотор и ќе им рече дека прават врева и затоа треба да
платат глоба. Исто така, одредбата со која е предвидена казна за навредување
полицаец е огромна можност за злоупотреба и дали на овој начин не стануваме
полициска држава“, нагласи таа и праша каде ќе биде тука зборот на граѓаните
против зборот на полицијата и како ќе се докаже дека тој бил навистина
навреден.
И владиниот коалиционер Павле Трајанов смета дека одредбите во законот се
непрецизни и се паушални, а во многу од нив не се гледа јасно прекршокот.
Според законот, предвидено е полицијата да ги пишува казните, а посебна
комисија на МВР да ги одредува казните. Ваквиот систем многу потсетува на онаа
изрека – кадија те тужи, кадија те суди, истакна Трајанов.
Заменик-министерот на МВР, Рефет Елмази, призна дека казните се многу високи,
но, според него, тие превентивно ќе дејствувале кај граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.