Европа
Припадници на Пинк Пантер во Барселона за 48 секунди однесоа накит од 400.000 евра
На петте српски припадници на бандата наречена Пинк Пантер кои во петокот се уапсени во центарот на каталонската престолнина Барселона, за грабежот на златарница им биле потребни само 48 секунди од објектот да го изнесат накитот проценет на повеќе од 400.000 евра, соопшти во саботата шпанската полиција изнесувајќи детали од случајот.
„Оваа група се истакнува по брзината на нападите. Ова е првпат да биде уапсена една цела група на Пинк Пантер“, изјави шефот на надлежната полициска единица Хектор Морено, па прес-конференцијата во Барселона.
„Доследни на легендата за брзината во изведувањето на нападите од страна на Пинк Пантер, за што секогаш им е потребно помалку од минута, нападот го извеле за 48 секунди. За тоа време со чекан ги скршиле излозите и го однеле највредниот примерок од јувелирницата, вреден над 400.000 евра, кој сега е вратен таму“, се наведува во соопштението на шпанската полиција објавено на интернет страницата.
Во петокот околу 11, 30 часот двајца мажи со перики упаднале во златарницата на улицата „Пасеж де Грасиа“, една од најпознатите авении во Барселона, каде има бројни луксузни продавници.
Меѓутоа, полицијата ги чекала во заседа и набрзо сите беа уапсени. Во понеделникот шпанската полиција добила информации од германските колеги за ненадејно патување во Барселона на еден Србин близок на таканаречената банда Пинт Пантер. Полицијата сега проверува дали апсените веќе учествувале во слични грабежи во Шпанија и странство, за што е побарана помош од Интерпол.
Белградскиот весник Блиц објави во петокот навечер дека уапсените се 35-годишнипот Бранко Чупурдија од Белград, 24-годишниот Милан Денчиќ од Лесковац, и 28-годишниот Никола Миловановиќ, 25-годишниот Стефан Живиќ и 30-годишниот Марјан Николиќ, сите тројца од Ниш.
Бандата „Пинк Пантер“ според сомневањето на Интерпол ја сочинуваат криминалци од балканските држави. Тие се главните осомничени за серијата големи грабежи во минатите повеќе од десет години, чија главна одлика е несфатливата дрскост. Вкупната вредност на украдените скапоцени камења за кои е осомничена бандата е проценета на повеќе од 150 милиони долари.
Се претпоставува дека групата професионални ограбувачи наречена „Пинк Пантер“ според комичниот серијал, брои повеќе од 200 лица со потекло од поранешна Југославија. Интерпол смета дека со организирано дејствување бандата почнала од 1999 година, а била наречена со името на цртаниот јунак во 2004 година. Тогаш имено, британската полиција кај еден разбојник нашла ѓердан од сини дијаманти вредна 600.000 евра сокриен во кутија од крема за лица, како и во филмот за комичниот ограбувач.
Во повеќе од десетте години откако дејствува, се претпоставува дека бандата „Пинк Пантер“ извел повеќе од 90 добро планирани и изведени грабежи. Нејзини жртви главно се продавниците на скапоцености во центрите на светскито гламур, как ошто се Монако, Дубаи, Женева, Лондон, Токио итн. Исто така, бандата е осомничена дека во 2003 година го извела најголемиот грабеж на јувелирница во историјата во белгискиот град Анверс, кога е украден накит чија цена е проценета на повеќе од 100 милиони евра./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанските студенти планираат протести против Израел
Студенти ширум Шпанија во наредните денови би можеле да започнат протести против „геноцидот што го изврши Израел во Палестина“ по примерот на универзитетите во САД, Холандија и Белгија, изјавија нивните претставници за шпанските медиуми.
На Филозофскиот факултет во Валенсија, приморски град на југозападот на земјата, студентите веќе една недела спијат во шатори и секојдневно протестираат.
„Бараме од нашиот универзитет да ги прекине сите врски со институциите и компаниите кои соработуваат со Израел“, изјави 20-годишната Естер Монге, студентка по политички науки и социологија за весникот „Ел Паис“.
Во моментов бројни универзитети одржуваат состаноци на кои студентите и професорите гласаат за блокадите на факултетите.
„Студентскиот совет ќе одлучи за активностите во наредните денови“, рече Марија Хозе Лера, координаторка на Палестиниум, група за солидарност со палестинските аспирации.
Лера, која има докторат по психологија на Универзитетот во Севиља, вели дека моментално се одржуваат состаноци на универзитетите во Мадрид, Сарагоса, Барселона, Жирона, Гранада и други градови.
Во понеделникот стотици студенти се собраа пред Универзитетот во Барселона каде ги развиорија своите транспаренти.
„Сакаме нашите факултети да ги прекинат сите односи со Израел и компаниите што работат таму“, рече 24-годишниот Пабло Кастиља, дипломиран студент по јавна политика.
Во Мадрид се уште нема протестно кампување, но има демонстрации. На автономниот универзитет во Мадрид, планираното предавање за НАТО беше откажано под притисок на пропалестинските демонстранти.
Друг јавен универзитет, Universidad Complutense de Madrid, објави декларација со наслов „Со Палестина, против геноцидот во Газа“.
„По влошувањето на насилството врз палестинскиот народ, ги повикуваме професорите, истражувачите и вработените во администрацијата да се спротивстават на колективното казнување на Палестинците што го спроведува Израел“, се вели во декларацијата усвоена од администрацијата на Факултетот за политички науки и социологија.
Сведоци сме на геноцидот врз палестинскиот народ, што е продолжение на децениското систематско насилство врз палестинскиот народ и неговата присилна емиграција“, се вели во декларацијата објавена на веб-страницата на факултетот.
Европа
(Видео) Украинците објавија снимка: „Ова се руски агенти, сакаа да го убијат Зеленски“
Украинските разузнавачи соопштија дека спречиле руски заговор за атентат на претседателот Володимир Зеленски. Украинската служба за државна безбедност СБУ објави дека фатила руски агенти, кои биле вработени во украинската државна гарда. Разузнавачките претставници велат дека руски агенти планирале да ги убијат претседателот и други високи владини функционери.
Шефот на СБУ, Васил Маљук, изјави дека неуспешниот атентат требало да биде подарок за Владимир Путин пред неговата денешна инаугурација.
СБУ на својот канал на „Телеграм“ објави тврдење дека руски таен агент ги пренел координатите на безбедната куќа пред планираниот воздушен напад. Претставници на разузнавањето додадоа дека Русија планирала да ги уништи сите траги од дронот што би се користел за гаѓање на претседателот со друг проектил.
„Непријателот активно развиваше планови за да го тргне претседателот Володимир Зеленски. Една од задачите на руската разузнавачка мрежа ФСБ беше да бара џелати меѓу војниците блиски до службата што го штити претседателот, кои би можеле да го убијат шефот на државата“, соопштија од СБУ.
„Покрај Володимир Зеленски, непријателот планира да ги елиминира и шефот на Службата за безбедност на Украина, Васил Маљук, шефот на Воената разузнавачка служба на Украина, Кирил Буданов, и други високи функционери“, се вели во соопштението.
„Ограничен број луѓе знаеја за нашата специјална операција и јас лично го следев нејзиниот напредок. Терористичкиот напад, кој требаше да биде подарок за Путин пред инаугурацијата, всушност беше неуспех на руските специјални служби“, рече Маљук.
„Но, не смееме да заборавиме – непријателот е силен и искусен, не може да се потцени. Ќе продолжиме да планираме однапред и да си ја работиме работата секој предавник да ги добие заслужените судски казни“, заклучи тој.
СБУ наведува дека при претресот на просториите на уапсените руски агенти биле пронајдени „релевантни средства за уништување“ и други докази за криминални активности.
Европа
Босфор затворен, заринка украински брод
Теснината Босфор, која го поврзува Црното со Средоземното Море, е затворена за бродови откога денеска таму заринка товарен брод од Украина, соопштија турските власти за ДПА.
Бродот „Алексис“ превезува прехранбени производи од Украина до Египет. Дефект на моторот се случил во близина на излезот од пловниот пат, изјави портпаролот на Управата за безбедност на крајбрежјето за дпа.
Спасувачките напори се веќе во тек, додаде изворот. Босфорот служи како излез за украинското жито на светските пазари во екот на руската инвазија. Речиси 40.000 брода поминале низ Босфорот во 2023 година, според турското Министерство за транспорт.