Европа
Хејг за иднината на ЕУ: „Помалку е повеќе“
Шефот на бритнаскта диплоамтија Вилијам Хејг изјави во вторникот во Германија дека неговата земја повеќе од кога и да е е разочарана од ЕУ и ја изложи визијата за нејзината иднина темелена на претпоставката „помалку е повеќе“, што е директно спротивно со плановите на Берлин за еврозоната
Шефот на британската дипломатија Вилијам Хејг ја разби секоја надеж дека ќе испрати помирувачка порака за Германија како клучниот европски партнер, која стравува дека Велика Британија се повелува од Европската унија, изјавувајќи дека Британците сметаат оти ЕУ е „голема машина којашто го вшмукува одлучувањето“.
„Оваа коалициска влада е предадена на тоа Велика Британија да ја има водечката улога во ЕУ, меѓутоа морам да бидам искрен: јавното разочарување во Британија е најдлабокото досега“, изјави Хејг во својот говор во германскиот главен град Берлин.
Неговата критика, една од најжестоките коишто досега стигнуваа од Лондон, може дополнително да ги затегне односите меѓу Велика Британија и водечките сили во ЕУ. На Берлин, пак, сѐ повеќе му пречат изолационистичките инстинкти на британскиот премиер Дејвид Камерон и поголемиот број од неговите конзервативни пратеници во британскиот парламент.
Хејг беше повикан од колегите шефови на дипломатиите на Германија и на Финска да се придружи на банкарската унија и да преземе напори надворешната и одбранбена политика на ЕУ да биде повеќе заедничка.
Германскиот министер за надворешни работи Гвидо Вестервеле го предупреди својот британски колега дека ЕУ ги поздравува различните мислења, но дека процесот на интеграции не може да ги чекаат оние коишто се сомневаат.
„Сите се добредојдени да придонесат со своите идеи. Меѓутоа, доколку некој не сака или не може да оди заедно, тоа нема га ги спречи другите да продолжат да одат напред“, изјави Вестервеле, додавајќи дека во овој случај станува збор за слободата на патувањата во шенгенската зона, заедничката валута и заедничката надворешна и одбранбена политика.
Одговорот на Хејг на овие апели беше целосно јасен. „Придружувањето на банкарската унија со друга валута би било многу тешко да се изведе. Затоа нема да бидеме дел од банкарската унија“, изјави британскиот министер за надворешни работи.
Изјави, исто така, и дека наместо јакнењето на Европскиот парламент, националните парламенти треба да имаат поголеми овластување, како и дека напорите за решавањето на должничката криза во еврозоната не смеат да го доведат во опасност единствениот пазар на ЕУ.
„Некои предлози силно би ја ограничиле националната демократија, прашањата како што се националните буџети, пак, засекогаш“, предупреди Хејг мислејќи најверојатно на фискалниот пакт на германската канцеларка Ангела Меркел кој го потпишаа сите членки на ЕУ освен Велика Британија и Чешка.
И додека главното мото на германската канцеларка е дека одговорто на должничката криза во еврозоната е „повеќе Европа, а не помалку Европа“, Хејг рече дека „помалку понекогаш е повеќе, помалку е подобро“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.