Скопје
Општина Центар ја отвори втората читална “Ацо Шопов“
Општина Центар во среда вечерта ја отвори втората читална на своја територија. Името го носи по еден основоположниците на современата македонска книжевност, Ацо Шопов, еден од првите членови на МАНУ.
На отворањето, на кое присуствуваа вљубеници на убавиот пишан збор, личности од јавниот живот, академици, градоначалникот на општина Центар, Андреј Жерновски рече дека живееме во период кога се отвораат коцкарници и обложувалници и тука младите, за жал го минуваат своето слободно време.
Општина Центар, рече тој, ја остварува својата заложба на отворање на вакви “храмови“, каде што граѓани од сите генерации може да дојдат и да прочитаат убава книга.
“Да го зачуваме она што се губи кај нас. Кога се одлучивме да ја отвориме читалната Славко Јаневски, најдовме едвај десеттина книги од Славко Јаневски. Денес има над 200 изданија. Тоа е идеата и со втората читална – Ацо Шопов. Нема многу наслови, но ќе дојдеме до посакуваното ниво“, рече Жерновски, заблагодарувајќи му се на академик Томе Серафимовски за огромната поддршка. Благодарение на Серафимовски, освен со книжен фонд е збогатена и со три скулптури – портрет во бронза на Ацо Шопов, Блаже Конески и Рајко Жинзифов, како и со 101 книга.
Академик Серафимовски, како што рече самиот, е обземен од задоволство, бидејќи во ова време-невреме, време на разнебитување на македонската држава и култура, овие благородни работи, создадени од општина Центар мораме да ги поддржуваме.
„Среќен сум што можев и јас да дадам придонес со мојата скромна работа. Засега тоа се три скулптури, но читалната Ацо Шопов ќе има исто толку скулптури, колку што има и читалната Славко Јаневски. Се надевам дека следната читална ќе го носи името на нашиот Блаже Конески“, рече академик Серафимовски.
Читалната Ацо Шопов има фонд од 2.000 книги од сите жанрови, зачленувањето во читалната е бесплатно, а таа се наоѓа во Т.Ц. Беверли Хилс во Капиштец, на првиот спрат. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
(Видео) Партијата Левица ги поддржа граѓаните: Протест за поништување на ДУП што предвидува висококатница во Лисиче
Граѓани од скопско Лисиче протестираа пред седиштето на Општина Аеродром, откако на седница на Совет беше изгласан ДУП со кој се предвидува и висококатница во населбата Лисиче. Партијата Левица им даде поддршка на граѓаните, а нивните советници гласаа против спорниот ДУП.
Советникот Горан Костовски од Левица истакна дека се прекршени повеќе процедури, така што ДУП-от за Лисиче ќе биде оспорен. Освен што е ставен вон Деловникот, ДУП-от бил донесен и како „итна точка“, а немало итност, велат од партијата Левица.
– Не помина на Комисија за урбанизам каде јас сум член. И затоа ќе следува претставка. Исто така, по Деловникот на Општина Аеродром, кога се носи ваква „итна“ точка, било кој советник може да побара пауза од неколку часа, доколку сака да спреми амандмани. Меѓутоа, мене тоа деловничко право не ми беше овозможено од претседателот на Советот, Дејан Митески. Дополнително, планот добил и позитивно мислење од Министерството за транспорт и врски од досегашниот министер Благој Бочварски. Меѓутоа, одобрувањето е ден пред седницата, а министерот е во оставка и не може да одобрува ДУП. Така што, ова ќе се спори и на Уставен суд, посочи Костовски.
Според него, ако се изгради зграда од 12 ката, тогаш Лисиче ќе биде под канџите на градежната мафија, која ќе почне да им ги откупува бараките на локалните староседелци.
„Жителите на Лисиче сакаат да им се зачува карактерот на населбата, кој е со семејни куќи и не сакаат згради, не сакаат дополнителна урбанизација. Сметаат дека со овој ДУП, дополнително ќе се бетонизира населбата, ќе се создаде урбанистички и сообраќаен хаос.
Советниците од Левица најавуваат дека следи кривична пријава за несовесно работење во службата до претседателот на Совет, Дејан Митевски, поради одземање на советничкото право за поднесување амандмани и прекршување на Деловникот.
ДУП-от беше усвоен со 16 гласа „за“ од страна на советниците на ВМРО-ДПМНЕ“, додаваат од партијата Левица.
Скопје
Дел од Центар утре без струја
Регионалниот центар за управување со кризи на Град Скопје, по добиеното известување од ЕВН, информира дека утре поради планирани технички интервенции во електро-дистрибутивната мрежа, без електрична енергија ќе остане дел од општина Центар.
Утре, од 09:00 до 15:00 часот, дел од улицата Даме Груев – Блок 10 згради и деловни објекти во општина Центар ќе бидат без струја.
Скопје
Градски паркинг: Од утре започнува летното сметање на работното време на јавните површини за зонско паркирање
Јавното претпријатие Градски паркинг – Скопје ги известува граѓаните дека од 01.06.2024 (сабота) започнува летно сметање на работното време на јавните површини наменети за паркирање- зонско, со кои стопанисува претпријатието.
Работното време во зоните А, Б, Ц и Д ќе биде:
– Од понеделник до сабота: 07:00- 23:00 часот.
„Исто така, им апелираме на сите корисници на нашите услуги да бидат внимателни и навремено да извршат наплата при паркирање согласно наведеното работно време“, додаваат од Градски паркинг.