Свет
Обама поддржува забрана за јуришно оружје
Американскиот претседател Барак Обама ќе го поддржи предлогот за закон од сенаторка на неговите демократи за забрана на продажба, производство, дистрибуција и увоз на одреден и модели јуришни пушки, соопшти во вторникот Белата куќа.
„Претседателот Обама активно ја поддржува намерата на сенаторката Фејнстајн да предложи повторно воведување на законот за забрана за користење борбено оружје“, изјави портпаролот на Белата куќа, Џим Карни, на редовната прес-конференција.
Тој сојузен закон беше изгласан во 1994 а истече во 2004 година меѓутоа американскиот Конгрес потоа не го обнови.
Според предлогот на сенаторката Диан Фернстајн, на листата забранети оружја би биле полуавтоматските пиштоли и пушки, како и сето оружје со магацини за повеќе од 10 куршуми.
По масакрот во сојузната држава Конектикат од минатиот петок кога 20-годишниот Адам Ланза вооружен со два пиштола „Glock“ и „Sig Sauer“ и полуавтоматската пушка „Bushmaster AR-15“ во основното училиште „Сенду Хук“ во мирното гратче Њутаун уби 27 лица од кои дваесет деца на возраст од шест и седум години, претседателот Барак Обама на комеморацијата во Њутаун најави дека ќе го „употреби секое овластување којашто оваа должност ја дава за да ги ангажира своите сограѓани … за да се обидат да спречат уште вакви трагедии“.
Повеќе од 120 илјади Американци ја потпишаа петицијата до американските власти со барање да започне разгледувањето носење мерки за ограничување на слободната продажба на оружје. Петицијата е достапна на интернет страницата на Белата куќа, а според правилата на американската администрација, мора да ја потпишат најмалку 25 илјади граѓани за да биде разгледувана од страна на администрацијата на претседателот на САД.
„Нашата цел е да ја принудиме администрацијата на Обама да разработи нацрт-закон за ограничување на продажбата на оружје. Важно е да започне национален дијалог, а изготвувањето на таквите закони е единствениот начин да се намали бројот на оние кои се убиени со огнено оружје. Оваа петиција е колективно барање за почеток на двопартиска дискусија која ќе доведе до усвојување пакет закони од областа на набавката на оружје од страна на граѓаните“, пишуваат авторите на петицијата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.
Свет
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија.
„Со цел да се зголеми подготвеноста на нестратешките нуклеарни сили за извршување на борбени задачи, Генералштабот започна со подготовки за одржување вежби со ракетните формации на Јужниот воен округ“, се наведува во соопштението.
Како што се посочува, маневрите ќе се одржат во блиска иднина и ќе ги опфатат и авијацијата и морнарицата.
„Целта на вежбата е да се одржи подготвеноста на персоналот и опремата на единиците за борбена употреба на нестратегиско нуклеарно оружје за одговор и обезбедување на територијалниот интегритет и суверенитет на државата“, наведуваат од Министерството.
Тие додаваат и дека тоа е „одговор на провокативните изјави и заканите на одредени западни функционери“ против Русија.