Свет
Кумановските банкари префрлени во затворот во Шутка
Седумтемина банкари од трезорот на Народна банка во Куманово, осомничени за проневера на околу 600.000 евра, завчера биле префрлени во Истражниот затвор во Шуто Оризари.
ПО КРАЖБАТА ВО НАРОДНАТА БАНКА
Седумтемина банкари од трезорот на Народна банка во Куманово, осомничени за проневера на околу 600.000 евра, завчера биле префрлени во Истражниот затвор во Шуто Оризари.
Кривични пријави добиле Томислав Т. (55) и Ставре С. (57) , а за помагање се пријавени Воислав К. (54), Лилјана Ц. (59), Светлана Д. (61), Елизабета Г. (47) и Виолета В. (52), вработени во Рефератот за промет со готовина во трезорот на НБМ во Куманово.
Според досегашните информации од истрагата, банкарите до 7 март годинава противправно присвоиле 38 милиони денари. Томислав Т. и Ставре С. , без знаење на другите петмина, земале пари од 1992 до 2002 година, кога се вклучиле и другите осомничени.
При распитот во полициската станица во Куманово, Ставре С. изјавил дека од трезорот „позајмил“ еден милион денари, наводно за лекување на неговата тешко болна сопруга. Според полицијата, криминалот го открил поштенски работник. Кога повлекувал пари за пензии, забележал дека наместо банкноти од 1.000 денари биле подметнати од 10 денари.
Според официјалните информации од НБМ, парите се украдени при примопредавањето на трезорите од Заводот за платен промет, но злоупотребата вешто била скриена во книговодствената евиденција.
– Седумте кутии во кои се чувале банкнотите во изминатите години никогаш не биле отворени, односно биле прикривани од вработените – изјавија во централната банка.
Се шпекулира дека некои од осомничените банкари парите од трезорот ги користеле за лихварство, но и за хазардерски игри. Се зборува и дека не ретко, кога странки од оваа банка земале поголеми суми пари, во сноповите недостигале банкноти.
Кумановската јавност се прашува како е можно цели 15 години да не се изврши контрола во трезорот. Се шпекулира дека сумата од 600.000 евра е поголема.
(С.А.Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.