Свет
Кедев земал пари од веледрогерија
Фирмата "Интермедикал ди Богдановиќ Данило" пред 4 години на директорот на Клиниката за кардиологија Сашко Кедев му платил за престојот во американски хотел, тврди портпаролот на СДСМ Емилијан Станковиќ
СДСМ ОБВИНУВА ДЕКА СОВЕТНИКОТ ЗА ЗДРАВСТВО НА ПРЕМИЕРОТ Е ИНВОЛВИРАН ВО КОРУПЦИСКА АФЕРА
Фирмата "Интермедикал ди Богдановиќ Данило" пред 4 години на директорот на Клиниката за кардиологија Сашко Кедев му платил за престојот во американски хотел, тврди портпаролот на СДСМ Емилијан Станковиќ
СДСМ вчера го обвини Сашко Кедев, главниот советник за здравство на премиерот Никола Груевски, за корупција. Емилијан Станковиќ, портпарол на СДСМ, тврди дека Кедев во 2003 година како директор на Клиниката за кардиологија набавувал, со непосредна спогодба, стентови "нироsал" преку фирмата "Интермедикал ди Богдановиќ Данило" со седиште во Италија. Тој презентираше и документи за бројните набавки на Кедев, реализирани преку веледрогеријата "Здравец" од Скопје.
Станковиќ објави банкарски извод од кој се гледа дека фирмата "Интермедикал ди Богдановиќ Данило" префрлила средства на приватната сметка на Кедев во Стопанска банка. "Овие пари биле за да се покрие престојот на Кедев во луксузниот хотел ‘Плаза’ во Вашингтон", тврдеше Станковиќ.
Кедев како пратеник тогаш морал да пријави подарок поголем од 100 евра, а тој тоа не го сторил, иако вредноста на донацијата била 1.000 евра.
СДСМ се сомнева дека на сметката на Кедев легнале поголеми пари, ако се има предвид дека тој постојано одбивал да потпише изјава за откажување од заштитата на банкарска тајна, иако тоа двапати било побарано од Комисијата за спречување на корупцијата.
Опозицијата очекува кон Кедев власта да постапи исто како во случајот на докторот Дејан Докиќ, со оглед на тоа дека тој е актуелен директор на Клиниката за кардиологија и редовно спроведува јавни набавки.
СДСМ повика за случајот да се интересира Антикорупциската комисија, а УЈП да го контролира имотот на Кедев.
Директорот Сашко Кедев вчера ги демантираше наводите на СДСМ дека примил мито од веледрогерија. "Ги демантирам сите тие наводи. Ова е обид да се дефокусира вниманието на јавноста од крупните реформите што претстојат во здравството", вели Кедев.
Тој тврди дека зад ваквите напади стојат структури од бизнисот со лекови поврзани со СДСМ, кои лично ќе бидат засегнати од реформите. Н.С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Свет
(Видео) Нарачала фустани преку интернет, а во пакетот ѝ стигнала епрувета со крв
Ана Елиот од Тенеси неодамна нарачала фустани преку онлајн продавница, а кога пристигнал пакетот била преплашена.
Во кутијата, покрај облеката, пронашла епрувета со човечка крв и конзерва грав!
„Епруветата немаше име, име на лабораторија, ниту датум кога е земена крвта“, објаснува таа во видеото кое е прегледано повеќе од седум милиони пати.
Девојчето го контактирало Центарот за контрола и превенција на болести, кој го третира инцидентот како „биолошка опасност“, пренесува New York Post.
Ана ги предупреди клиентите на онлајн продавницата да бидат внимателни при отворањето на пакетите, а подоцна откри дека била во контакт со нивните претставници.
„Покренавме истрага и утврдивме дека пакетот поминал контрола на квалитетот и го оставил нашиот пакет без дополнителни артикли. Само со артикли кои се нарачани“, велат од компанијата.
Жителката на Тенеси објави серија видеа во кои ги информира своите следбеници за најновите случувања.
Претставник на транспортната компанија изјави:
„Искрено се извинуваме за ова искуство. Ние ги третираме пратките на нашите клиенти со најголема грижа и преземаме соодветни чекори за да го решиме овој проблем“.
Сè уште не се знае чија крв е во шишето, а конзервата со грав е уште поголема мистерија.
@anna_200.1 @SHEIN is denying that they have anything to do with it. And the @CDC.govOfficial ♬ Spooky, quiet, scary atmosphere piano songs – Skittlegirl Sound
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.