Свет
Заврши распитот на 23 обвинети за „Бачило“
Распитот на 23 обвинети за случајот „Бачило“ и за незаконската
денационализација на државно земјиште експресно заврши вчера, само една недела
по почетокот на едно од најголемите судења.
ЕКСПРЕСНО СУДЕЊЕ
Распитот на 23 обвинети за случајот „Бачило“ и за незаконската
денационализација на државно земјиште експресно заврши вчера, само една недела
по почетокот на едно од најголемите судења. Судењето ќе продолжи со изведување
на обемниот материјал на писмени докази и со распит на околу 30 сведоци. На
вчерашното рочиште сведочеа последните тројца обвинети – Мирко Николов, Миле
Наумчевски и Крсте Иловски. Тројцата тврдеа дека ништо не знаеле и дека за се’
му верувале на нотарот Никола Стојменовиќ.
– Стекнав голема доверба во Никола и не размислував дека еден ден ќе имам
проблеми, зашто претходно никогаш не ме оставил на цедило. Кога не’ носеа во
притвор, ми рече да не берам гајле зашто тој имал тројца адвокати што ќе
сределе се’ – рече обвинетиот Наумчевски.
Потресното сведочење на Иловски многумина во судницата го проследија со солзи
во очите. Тој зборуваше за семејната трагедија и за тоа како бил изигран од
нотарот.
– Цел живот мислев дека Никола ми е пријател, но тој ме измами. Јас сум
инвалид, а имам и проблеми со видот. Жена ми почина од рак и сега сум оставен
сам со своите деца. Што ќе правам ако мене ме осудат. Цел живот сум му помагал
на Никола и сметав дека ми е пријател – сведочеше Иловски.
Тој рече дека Никола го натерал да отвори две штедни книшки на свое име,
наводно да и’ префрли пари на неговата мајка.
– Во полиција ми рекоа дека на книшките има 37 милиони денари. Јас ниту сум
видел толку пари, ниту пак сум имал – рече обвинетиот.
На вчерашното судење му се слоши на поранешниот заменик-министер за економија
Саша Андоновки. Тој по кратка пауза продолжи да го следи судењето.
(А.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.