Контакт

Свет

Во Балетот владее страв

Објавено пред

Со Балетот раководат две личности од сенка, при што целиот репертоар и програма се приспособуваат за едната од нив. Имам чувство дека Националниот балет се приватизира, а атмосферата, од уметнички аспект, се повеќе се политизира

dobivaj vesti na viber

КАТЕРИНА КИПРОВСКА – ПРИМАБАЛЕРИНА

Со Балетот раководат две личности од сенка, при што целиот репертоар и програма се приспособуваат за едната од нив. Имам чувство дека Националниот балет се приватизира, а атмосферата, од уметнички аспект, се повеќе се политизира

*Во моментов во Балетот се подготвува "Ромео и Јулија". Вие веќе еднаш бевте Јулија, дали сте и сега во поделбата?

– Да, во поделба сум. Но, за жал, нема да играм. Актуелното раководство на Балетот, од причини кои не се професионални и уметнички туку поинакви, одлучи целиот ансамбл да се подготвува заедно, а јас поединечно и сама. Сето време работев без партнер, иако требаше да ја толкувам главната улога. Тој факт нека му служи на чест на раководството, особено што јас сум единствената активна првенка во Македонија која ја има одиграно оваа улога. Згора на тоа, јас ја работев со кореографот Хазарос Сурмеан пред седум години кога се поставуваше претставата, што значи дека најмногу ја познавам улогата.

*Која е основната причина што нема да играте: кадровска политика, недостиг на партнер или нешто трето?

– За жал, по заминувањето на првенецот Василиј Чичијашвили, не само јас туку и други солистки од Балетот се оставени без партнер. Постојаното канење на гости, всушност, е само за една балерина, но така не се води репертоар и репертоарска политика. Инаку, заминувањето на Чичијашвили го чувствувам и како лична загуба, бидејќи во изминатите четири години ми беше постојан партнер. Заедно го одигравме целиот репертоар, а со успех ја претставуваме повеќепати Македонија и во странство. Тој беше миленик на нашата публика. Но болна вистина е дека тој не замина туку беше избркан, па дури и депортиран од Македонија. Не сакам да помислам, но сепак се сомневам дека тоа е направено од завист, од оние на кои им пречеа неговиот квалитет и успех кај публиката и критиката. Кога сето оваа лакрдија ја спроведуваше раководството во Балетот, а за жал и со поддршка на Министерството за култура, очекував дека некои вработени во Балетот, кои имаат посредно влијание во политиката, тоа ќе го спречат. Се чини дека се случи токму спротивното, тие да бидат главните организатори на неговото депортирање. Токму на тој начин, оние што требаа да се грижат за Македонскиот балет, практично го уназадија. Со тој потег му овозможија на Загрепскиот балет да добие еден врвен уметник, а Македонија да остане културно многу посиромашна. Впрочем, сиот тој срамен случај и нанесе штета и го извалка образот на нашата култура, па и на сета земја.

* Дали во ансамблот можеби имаше некакви реакции за то случај.

– Не, чудно, но немаше.

* Зошто?

-Од едноставна причина: во Балетот, во сиот ансамбл е внесен страв. Тоа се чувствува во контактите со луѓето, се чувствува во воздухот.

*На кој начин?

– Со директни и индиректни притисоци однатре и однадвор.

* Во смисла на квалитет, каква е моменталната состојбата во Балетот?

– За состојбата говори фактот што веќе го споменав. Балетот е доведен во ситуација кога без постојани гостувања на странски уметници, не може да го одржува репертоарот. Имаме само еден маж првенец – Горан Божинов. Со него соработувам 17 години и го почитувам, но нему годините веќе не му дозволуваат самиот да го носи целиот репертоар. Исто така, мислам дека и атмосферата, од уметнички аспект, се повеќе се политизира, за што нема никаква потреба. Не сакам ниту да ги коментирам најавите дека во МОБ ќе гостуваат кореографи од хип-хоп сцената во Америка. Ако идејата алтернатива на класичната балетска уметност да бидат кореографи од шоу-бизнисот, тогаш е јасно каде се движи Балетот, а и нашата култура. Што се однесува до најавите за редефинирање на репертоарот, повеќе од очигледно е дека тоа не се случува. Костурот на репертоарот и натаму се претстави кои се поставени во изминативе 2-3 години. Ова се однесува и на големата и на малата сцена.

*Сегашното раководство ве обвини како ексдиректори за оставени долгови и нереализирана програма. Коментар?

– За финансиските аспекти на работењето, јас, како поранешен уметнички директор на Балетот, не можам да коментирам. Но знам дека оставивме помалку долгови отколку што наследивме. За уметничките и програмски остварувања подобро од мене ќе говори фактот што во 2006 година за прв пат Балетот ја доби највисоката државна награда "11 Октомври". Не верувам дека државата и одборот немале точна процена за тоа што постигнал Балетот, но веднаш по донесувањето на одлуката за наградата, јас бев разрешена како директор од новите власти во МОБ. За жал, и тоа говори за цената на успехот која некогаш треба да се плати.

* Балетот неодамна доби уште една награда "Златна бубамара".

– Ако таа награда е критериум за една национална институција од областа на уметноста, тогаш коментар не е потребен.

*Што мислите за вечниот проблем со недостиг на балетски кадар?

– За да може една национална установа, каква што е Балетот, да го одржува квалитетот на репертоарот и високите уметнички стандарди на т.н. железен репертоар, нужно е да ги има сите неопходни услови кои ги побаруваат кореографските и сценските стандарди.

 Изминативе две години направивме еден исчекор со вработување на 5 нови балетски танчари, а многу членови на ансамблот се здобија со многу високо образовани и специјализации во странство. Би било добро таа политика да трае и натаму. Но, очигледно, и тенденциите се обратни, а дури и првенци се бркаат од Балетот.

*Се зборува дека во МОБ и особено во Балетот има директор во сенка. Што мислите?

– Мислам дека сте во право. Во Балетот раководат две личности од сенка, при што целиот репертоар и програма се приспособуваат за едната од нив. Имам чувство дека Националниот балет како да се приватизира и поради тоа трпат многумина.

*Последен пат пред публиката настапивте како Жизел. Дали сте задоволна?

– Задоволна сум од настапот. Улогата на Жизел е една од најтешките во балетската уметност. Тоа е критериум за успешност на една првенка. На мојата матична сцена во МОБ и на повеќе светски сцени ја имам одиграно повеќе од 35 пати. Жалам што во Македонија како да се одбегнува оваа улога, бидејќи таа подразбира исклучителна техничка и уметничка подготовка.

*Што друго имате на вашиот репертоар?

– Ги играм сите главни улоги кои во моментов се на репертоарот на нашиот балет – во "Есмералда", "Оревокршачка", "Танго" и, секако, во "Жизел". Дирекцијата на Балетот не ме стави само во поделбата во "Шехерезада" што сметам дека не беше професионален туку калкулантски чекор на тие што одлучуваат. Но за оваа улога воопшто и не жалам бидејќи целата претстава трае 30-ина минути, од кои вистинска балетска игра на главната женска улога е само 10 минути. А и тие си играат, како што ние професионално велиме, на полупрсти, без шпиц патики. Тоа и не е некој предизвик за балетско докажување.

*По сите овие улоги, што би било нов предизвик за вас?

– Има уште улоги од класиката, од железниот репертоар кои би сакала да ги одиграм, а кај нас не се поставени. Како одат работиве во Балетот, којзнае дали во догледно време ќе имам шанса нешто такво да заигра. Ете, во моментов ми беше предизвик повторно да ја подготвам Јулија. Работев напорно и тешко, бидејќи работев сама, но многу ми помогна репетиторот Јагода Сланева со која соработувам 17 години. Јулија е една прекрасна улога од класичниот балет која не била често на репертоарот на нашата сцена. А јас за неа добив прекрасни критики од балетските критичари. Иако нема да играм, сепак, како човек од Балетот, ме радува фактот што оваа претстава повторно ќе заживее на сцената, а со тоа на многумина за првпат ќе им се даде шанса да настапат во оваа претстава која изобилува со прекрасни танчарски и драмски елементи, специфични за Шекспир. Д.Стојановиќ



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Стејт департмент: Извештајот на МААЕ покажува дека Иран има за цел да ја прошири нуклеарната програма

Објавено пред

Портпаролот на Стејт департментот Метју Милер рече дека извештајот објавен од Меѓународната агенција за атомска енергија (МААЕ) јасно покажува дека Иран има за цел да продолжи да ја шири својата нуклеарна програма на начини кои немаат веродостојна мирољубива цел.

dobivaj vesti na viber

Овие планирани активности дополнително ги поткопуваат тврдењата на Иран за спротивното, и доколку Иран ги спроведе овие планови, САД соодветно ќе одговорат, се вели во соопштението на Стејт департментот. Милер истакна дека Иран мора да соработува со МААЕ без понатамошно одлагање за целосно да ги спроведе своите правно обврзувачки заштитни обврски.

„Остануваме во тесна координација со нашите партнери и сојузници и подготвени сме да продолжиме да го зголемуваме притисокот врз Иран доколку продолжи несоработката со МААЕ“, рече Милер.

Во извештајот на МААЕ објавен во четвртокот се вели дека Иран инсталирал дополнителни центрифуги за збогатување ураниум во Фордоу и почнал да поставува други, објави Ројтерс. Исто така, наведено е дека Иран развил план за инсталирање на неодреден број дополнителни центрифуги во неговиот подземен објект за збогатување во Натанц.

Прикажи повеќе...

Свет

Портпаролот на Хамас: Никој не знае колку израелски заложници се уште се живи

Објавено пред

Портпаролот и член на политичкото биро на палестинската милитантна група Хамас, Осама Хамдан денеска изјави дека „никој не знае“ колку заложници во Газа се уште се живи.

dobivaj vesti na viber

На прашањето дали Хамас жали за нападот врз јужен Израел на 7 октомври минатата година, со оглед на војната што следеше, Хамдан рече дека нападот врз Израел е оправдан бидејќи тоа е „реакција против окупацијата“.

„За ова е одговорна израелската окупација. Ако се спротивставиш на окупацијата, тие ќе те убијат, но ако не се бориш против окупацијата, ќе те убијат и ќе те протераат од вашата земја. Па, што требаше да правиме, само почекајте?“ праша Хамдан од Бејрут, главниот град на Либан, во интервју за Си-ен-ен.

Хамдан ја истакна потребата САД да ја убедат израелската влада да се согласи на траен прекин на борбите во Газа.

Прикажи повеќе...

Свет

САД и Јужна Кореја загрижени за посетата на Путин на Северна Кореја

Објавено пред

Можната претстојна посета на рускиот претседател Владимир Путин на Северна Кореја би можела да ги продлабочи воените врски меѓу двете земји што ќе ги прекрши резолуциите на Советот за безбедност на ОН, предупредија денеска претставници на Јужна Кореја и на Соединетите Американски Држави.

dobivaj vesti na viber

Заменик-министерот за надворешни работи на Јужна Кореја, Ким џонг-ун, во итен телефонски разговор со американскиот заменик државен секретар Курт Кембел, рече дека посетата на Путин не треба да резултира со поголема воена соработка меѓу Пјонгјанг и Москва што ќе ги прекрши резолуциите, соопшти Министерството во Сеул за надворешни работи.

Повторувајќи ја загриженоста на Ким, Кембел вети континуирана соработка за справување со потенцијалната регионална нестабилност и предизвиците што ги носи посетата.

„Додека внимателно ги следеа поврзаните случувања, двете страни се согласија одлучно да одговорат на провокациите на Северна Кореја против Јужна Кореја и дејствијата што ги ескалираат тензиите во регионот преку цврста соработка“, се вели во соопштението на Министерството.

Во средата, висок функционер во претседателската канцеларија во Сеул изјави дека се очекува Путин да ја посети Северна Кореја „во наредните денови“. Рускиот весник „Ведомости“ во понеделникот објави дека Путин во наредните недели ќе ги посети Северна Кореја и Виетнам.

Портпаролот на Кремљ Дмитриј Песков во четвртокот одби да даде датум или агенда за можна посета, но рече дека правото на Русија да развива поблиски врски со Северна Кореја не треба да биде доведено во прашање или да биде извор на страв за никого.

Прикажи повеќе...

Најново

Македонија2 часа

(Фото) Ослободено мече кое утрово било заглавено на дрво во Маврови Анови

Утрово во 7.35 часот на 112 е добиена пријава за заглавено мече во гранките на дрво во двор на викендица...

Топ2 часа

Двојно убиство во Кратово: 36-годишна жена ги уби сопругот и свекорот

Вчера вечер, полицајците во Кратово уапсиле 36-годишна жена која е осомничена дека со остар предмет ги убила сопругот и свекорот,...

Македонија2 часа

ЦУК: 11 пожари на отворено, во Светиниколско изгоре куќа и четири помошни простории

Центарот за управување со кризи (ЦУК) информира дека имало вкупно 2 122 повици на Единствениот повикувачки број за итни случаи...

Европа2 часа

Украинска армија: Соборивме седум проектили и 17 руски беспилотни летала

Украинската армија денеска соопшти дека соборила седум од 14 проектили и сите 17 беспилотни летала кои Русија ги лансираше во...

Свет3 часа

Израел ја бомбардираше Газа, тензиите растат и на границата со Либан

Војската на Израел денеска продолжи со бомбардирањето на Појасот Газа без напредок во разговорите за прекин на огнот, заедно со...

Регион3 часа

Четиригодишно девојче се здобило со изгореници додека пливалo во море во Грција: откриено што ја каснало

Четиригодишно девојче се здобило со страшни изгореници додека пливало во морето во Грција, а откриено е дека ја изгорела морска...

Регион19 часа

Сахарски песок повторно доаѓа над Балканот: „Силно влијае на квалитетот на воздухот“

Според прогнозите на Службата за следење на атмосферата Коперник (CAMS), оваа недела се очекува нова епизода на сахарска прашина да...

Македонија19 часа

Несреќа кај мостот Беласица, огромни гужви кај Транспортен центар

Огромни гужви кај Транспортниот центар во Скопје поради сообраќајна незгода. Две возила се судрија кај мостот „Беласица“. Колони возила некое...

Македонија22 часа

Османи – Пападопуло: Почитувањето на преспанскиот договор и поддршката од Грција клучни за нашата европска интеграција

На маргините на Состанокот на министрите за надворешни работи на процесот за соработка на Југоисточна Европа кој се одржува во...

Економија1 ден

„Лидл“ почнува да го гради првиот маркет во Скопје, за 9,5 милиони евра го купи објектот на „Бриколаж“

Лидл почна со подготовки за градежни активности на местото на некогашниот Бриколаж. За таа цел Лидл го купи имотот од...

Македонија1 ден

Прекршувањето на договорот од Преспа ќе ја доведе до егзистенцијален предизвик иднината на Северна Македонија, велат Заев и Ципрас

Поранешните премиери на Македонија и Грција, Зоран Заев и Алексис Ципрас, во заедничката колумна на веб-порталот „Еуроактив“ велат дека преспанскиот...

Македонија1 ден

Левицата: ДПМНЕ институционално го подреди трудот на работниците под економските и бизнис-интересите

Законските измени спроведени на иницијатива на ДПМНЕ и Мицкоски, преку кои трудот се распределува под Министерството за економија, овозможува супер...

Македонија1 ден

Пронајдено исчезнатото 19-годишно момче од Битола

Вчера, имаше потрага по исчезнато лице во општина Битола, соопшти ЦУК. Регионалниот ЦУК Битола информира дека лице на 19 години...

Македонија1 ден

Мечка нападнала стадо овци во Гостиварско

Вчера како што информира Центарот за управување со кризи на нивниот повикувачки број за итни случаи 112, имало пријавен напад...

Свет1 ден

(Видео) Солзавец и водни топови на протестите во Буенос Аирес: илјадници луѓе излегоа на улиците против реформите на владата

Илјадници луѓе излегоа на улиците на Буенос Аирес за да протестираат против реформите на владата. Протестите беа организирани недалеку од...

Свет1 ден

(Видео) Тепачка во италијанскиот парламент: пратеник беше изнесен од салата во инвалидска количка

Член на италијанската опозиција вчера беше изнесен од италијанскиот парламент во инвалидска количка по расправија и тепачка за време на...

Свет1 ден

Петгодишно момче загина во одрон во Австрија

Вчера имаше одрон во Австрија во кој загина момче. Како што јавуваат австриските медиуми, поради обилните дождови изминатиот ден во...

Топ2 дена

Скопјанец истепан од неколку лица пред кафеана во Аеродром, со убодни рани пренесен во болница

Вчера во СВР Скопје, 48-годишниот А.Л. од Скопје пријавил дека на 08.06.2024 пред угостителски објект на подрачјето на општина Аеродром...

Македонија2 дена

Поради високите температури, МОН препорачува основните училишта да работат со скратени наставни часови

Со оглед на високите температури кои ја зафатија територијата на Република Северна Македонија, а имајќи предвид дека наставната година за...

Македонија2 дена

Мицкоски: Македонија во фуриозен стил ќе биде дел од европското семејство, ќе го откочиме патот

Мандатарот за состав на нова влада, Христијан Мицкоск, очекува Македонија фуриозно да влезе во Европската Унија. Одговарајќи на новинарско прашање...