Свет
Постигнат договор за борба против климатското затоплување
Светските владиго поздравија договорот постигнат денеска на Бали за започнување на преговориза усвојување глобална спогодба во борба против климатското затоплување.
Светските влади го поздравија договорот постигнат денеска на Бали за започнување на преговори за усвојување глобална спогодба во борба против климатското затоплување. Постигнатиот договор за прв пат ги обврзува САД и Кина да постават цели за намалување на гасови со ефект на стаклена градина. Светските лидери, на Конференцијата на ООН за климатски промени на Бали по исцрпувачките преговори, прифатија двегодишен план според кој во Копенхаген 2009 година, ќе се усвои поостар и поширок глобален договор што ќе го наследи Протоколот од Кјото по 2012 година. “Ова, за мене и мојот мандат како генерален секретар, е пресуден момент“, изјави генералниот секретар на ООН Бан Ки Мун, додавајќи дека сите 188 држави ги запознал со тој план пресуден за човештвото и Земјата. Меѓутоа, групите за заштита на животната средина изјавуваат дека договорот не е доволно остар откако Европската унија отстапи од текстот што ги повикува богатите држави да ја зајакнат борбата против климатските промени. Исто така, наведуваат дека насоките од Бали “не содржат јасна цел за глобално намалување на емисијата на гасови“./крај/хи/ис Copyright 2007 makfax. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.