Спорт
Сити нуди за Иниеста 100 милиони евра
Според мадридските медиуми Манчестер Сити е спремен да исплати 100 милиони евра за да го доведе Андрес Иниеста од Барселона
Овој вонсериски играч за врска поникна во младинската школа на Барселона, и е дете на каталонскиот клуб. Андрес Иниеста беше стрелец на решавачкиот гол во финалето на Мундијалот против Холандија, што му донесе номинација за Златната фудбалска топка на ФИФА/Но понудата од Островот, со оглед на осумте нули во неа сигурно ќе биде предмет на разгледување на управата на Барселона, па не е чудо Иниеста да заигра во премиерлигашот сопственост на шеикот Мансур Бин Зајед Ал Најан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Депај спогодбено ќе се раздели со Атлетико
Репрезентативецот на Холандија Мемфис Депај по завршувањето на сезоната ќе го напушти Атлетико Мадрид. Шпанците тврдат дека тој се договорил со клубот за спогодбен раскин на договорот.
Депај во Атлетико дојде на сличен начин во јануари 2023 година, кога се раздели со Барселона.
Депај е убеден дека со добри настапи на Европското првенство ќе си ја крене цената и дека повторно ќе може да игра во голем клуб.
Тој постигна девет гола и додаде две асистенции на 31 натпревар оваа сезона, но поради честите повреди не беше прва опција во нападот на Диего Симеоне.
Спорт
Мерцедес нема намера да го ангажира Саинц
Карлос Саинц ќе го загуби своето место во Ферари во 2025 година бидејќи тимот од Маранело го ангажираше Луис Хамилтон. Шпанецот нема голем простор за маневар околу тоа каде ќа ја продолжи кариерата.
Медиумите шпекулираа дека токму тој ќе го замени Хамилтон во Мерцедес, но според последните информации овој тим нема намера да го ангажира Карлос Саинц.
„Скај спортс“, дознава дека Мерцедес не размислуваат да го доведат Шпанецот, не затоа што мислат дека е лош возач, туку затоа што не сакаат да избрзуваат со потпишувањето.
Имено, Крег Слејтер, новинар на „Скај спортс“, во Монте Карло дознал дека Мерцедес сака да види какви опции има со Макс Ферстапен. Доколку тоа е далеку од реализација, а лесно би можело да биде така, Мерцедес би го ангажирал младиот Италијанец Кими Антонели, кој во август ќе наполни 18 години.
Ред Бул исто така не е реална опција за Саинц.
„Скај спортс“, дознава дека Саинц е најблиску до потпис за Ауди, кој ќе влезе во Формула 1 во 2026 година. Тогаш Карлос би добил голема плата од новиот конструктор.
Спорт
(Видео) Тиквеш го освои Купот на Македонија
Foot/ ffm.mk
Фудбалерите на Тиквеш испишаа историја и за прв пат во историјата го освоија Купот на Македонија. Исто така, оваа победа им овозможи на кавадарчани првпат да учествуваат во европските купови, тие ќе играат во квалификациите во Конференциската лига.
Во финалето кое се одигра на Националната Арена националниот стадион „Тодор Проески“ во Скопје ја совлада Воска Спорт со 2:1.
Тиквеш поведе преку Кристијан Стојкоски, кој постигна одличен гол од слободен удар во 41. минута.
Tikves markiert in der 41. Minute das 1:0 per Freistoß https://t.co/nOamIuabKS pic.twitter.com/GoNMIrOQ4K
— Makedonien.mk (@makedonien_mk) May 22, 2024
По еден час игра, Бразилецот Луан Силва зголеми на 2:0, за голема радост на 10.000 навивачи кои од Кавадарци дојдоа во главниот град да го бодрат својот тим.
#Tikves erhöht in der 59. Minute nach Eckball auf 2:0 https://t.co/ZgXE2lTKNk pic.twitter.com/pneNaK7TJI
— Makedonien.mk (@makedonien_mk) May 22, 2024
Голот за надеж за Воска го постигна Никола Саркоски во 77. минута, но охриѓани немаа сили да се вратат во мечот.
Со ова Тиквеш ја заокружи најуспешната сезона во клупската историја, во првенството овој тим го освои четвртото место.