Македонија
Антикорупциска ќе поднесе прекршочни пријави против повеќе функционери
Државната комисија за спречување на корупција денеска соопшти дека ќе поднесе прекршочни пријави против службените лица не доставиле изјави за спречување на судир на интереси до предвидениот рок, а казната за неисполнувањето на оваа законска обврска ќе биде од 1000 до 3000 евра.
Државната комисија за спречување на корупција денеска соопшти дека ќе поднесе прекршочни пријави против службените лица кои не доставиле изјави за спречување на судир на интереси до предвидениот рок, а казната за неисполнувањето на оваа законска обврска ќе биде од 1000 до 3000 евра. „Со оглед на тоа дека веќе е истечен рокот за доставување на изјава за судир на интереси, а имајќи во предвид дека станува збор за нова законска обврска ДКСК ќе поднесе прекршочни пријави против оние службени лица кои не ја исполниле истата“, изјави претседателот на Антикорупциска комисија , Илми Селами. Прекршочна пријава ќе биде поднесена против пратеникот Ристо Стојанов од ВМРО-ДПМНЕ бидејќи не доставил до Антикорупциска комисија изјава за судир на интереси. Останатите 119 пратеници ја исполниле оваа законска обврска до определениот рок. Од ДКСК информираат дека сите членови на владата, министри и заменици таа обврска ја исполниле навремено. Селами соопшти дека против 26 судии ќе бидат поднесени прекршочни пријави, поради недоставување на изјави за судир на интереси. Во категоријата на судии , од Управниот суд на Република Македонија еден судија нема доставено изјава за судир на интереси, и против него е покрената прекршочна постапка, а тоа е судијата Исамедин Лимани. Од Апелациониот суд Битола Битола постапка се покренува против Љубе Стојановски. Од Апелациониот суд Штип, се покренува постапка против Кирче Донев, од Основен суд Скопје 1- Скопје не доставиле изјава за интереси шест судии и тоа: Вангелина Маркудова, Милан Доганџиски, Ивица Стефановски, Оља Ристова, Кадрие Селмани и Јетмир Ајдили. Од Основен суд Скопје 2- Скопје прекршочни пријави се покренати против тројца судии: Верица Црнцаревска, Мирјана Намковска и Милка Панковска, од основен суд Тетово се покренува против двајца судии: Бетим Јахја и Драган Ѓеровски. Од Основен суд Прилеп против тројца судии: Жарко Велевски, Зоран Стевановски, Никола Крстевски. Од основен суд Охрид судијата Иво Поповски не доставил изјава и против него ќе биде покрената прекршочна пријава. Од основен суд Свети Николе изјава за судир на интереси не доставила Валентина Буровска, а од Основен суд Кратово изјави не доставиле : Миле Стојменовски, Милчо Лазов, Ружица Здравковска и Николчо Симонов. Против Нуки Јусуфи и Феми Арслани од Основен суд Гостивар ДКСК ќе покрене прекршочни пријави. Од основен суд Дебар изјава нема доставено судијата, Мухамед Баланс. „Од категоријата градоначалници од вкупно 85 градоначалници , изјава не доставиле 13 поради што ДКСК покрена против нив прекршочни постапки.Тоа се градоначалниците на: Штип, Карбинци, Сопиште, Зелениково, Старо Нагоричане, Бутел, Теарце, Тетово, Делчево, Чашка, Центар Жупа, Валандово, Ресен“, рече Селами. Членовите на Антикорупциска комисија изразија загриженост поради големиот број на членовите на совет на општини низ Република Македонија кои досега не ја испочитувале обврска за достава на изјава за судир на интереси. Вкупно 569 советници немаат поднесено изјави за интереси. Општини во кои сите советници имаат поднесено изјави за интереси се: Лозово, Кичево, Богданци, Осломеј, теарце, Гевгелија, Облешево, Зрновци, Свети Николе, Македонски Брод, Петровец, Новаци ,Маврово, Ростуше, Штип и Долнени. Општини во кој сите советници немаат поднесено изјави за интереси: Градско, Ново Село, Демир капија , тетово, Охрид, Валандово, Зајас, Студеничани, сопиште, Росоман, Струга, Зелениково и Арачиново./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Минимална плата од 450 евра во првите 100 дена од новата влада, побараа синдикалците
Синдикалците бараат минимална плата во износ од најмалку 450 евра, исплата на трошоците за храна во висина од 20 проценти од просечната плата и исплата на трошоците за превоз.
Тие порачаа дека после 8 мај, кој и да дојде во владата, треба да ги исполни нивните барања во првите 100 дена.
„Бараме најниската плата да биде иста како таа во регионот односно минимум 450 евра. Исто така, бараме враќање на загубеното право во 2009 година, додаток за храна и превоз“, рекоа од Синдикатот на работниците.
Оттаму порачаа дека бараат достоинствени плати за да не мора, како што рекоа, својата егзистенција да ја бараат во Хрватска, Црна Гора или други земји.
Синдикатите побараа и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука да им биде одземен Работничкиот дом, појаснувајќи дека со тоа се направени обиди за притисок врз синдикатите.
Македонија
Мојсоска: На бугарофилите им кажавме дека местото не им е тука
На митингот во Охрид се обрати и Јована Мојсоска, носител на листа на ИЕ 5 која истакна дека влезот на двајцата пратеници во Собранието покажал како треба да се води вистинска левичарска опција, за разлика од т.н. социјалдемократи кои изминатиот мандат ги распродале сите АСНОМ-ски идеали.
,,Мене ми е малце дегутантно кога слушам дека некој ќе го праќал ДУИ во опозиција. Тие имаа можност да ги пратат ДУИ во опозиција тука во советите, но сите бевме сведоци како се продаваше Мауцер и како локалниот шериф Нефи Усеини гради дивоградби, а градоначалникот молчи. Дури и ја сруши плочата на АСНОМ за која градоначалникот, исто, мудро молчи. Со Левица на власт ќе ја срушиме дивоградбата на Нефи и ќе ја вратиме плочата на АСНОМ”, истакна Мојсоска.
Мојсоска истакна и тоа дека Левица како единствена работничка партија е противтежа на анационалната олигархија која беше креирана во 90 – тите.
,,Нашата борба во Собранието е единствената причина зошто денес немаме Бугари во устав. Да не беше Левица, ние ќе гледавме фашистички клубови во секој град во државата. Ние ниту сме во спрега со моќниците кои се поврзани со секоја власт, ниту сме уценети и затоа нашите политички непријатели знаат дека со нас не се преговара за непринципиелни работи“, истакна Мојсоска.
Додека ја обвинуваат Левица дека е во коалиција со СДС и ДУИ, само против Талат Џафери Левица има поднесено девет тужби кои, како што истакна Мојсоска, се чуваат во фиока.
,,Само ќе спомнам против кои звучни имиња Левица поднела кривична пријава: Шкодране Дардишта, Бенито Јошевски, Артан Груби, Сали Мурати, Оливер Спасовски, Беким Максути и многу други. И Левица ќе биде факторот против бугаризацијата на Уставот додека одродените социјал-демократи ќе завршат на буништето на историјата”, рече Мојсоска.
,,Иако имаше обид од страна на бугарски структури да го воскреснат неофашизмот кај нас со отворање на клубови со фашистички наративи, ние не паднавме во духот. Напротив кога ги отвораа клубовите ,Ванчо Михајлов’ и ,Цар Борис’ се собравме и на бугарофилите им кажавме дека местото не им е тука. Особено, не по диктат на буржоазијата која купува национален идентитет и историја за ситни пари кои носат крупни гревови. Секогаш сме биле на вистинската страна, секогаш со нашето присуство, каде и да се појавиме, часовите им се избројани”, рече Горан Велевски, кандидат за пратеник во ИЕ5.
Македонија
Демократски сојуз: Народот не може да создаде толку колку што власта може да украде
Демократскиот сојуз на сите работници им го честита Меѓународниот Ден на правата, 1-ви Мај.
„Во услови на влошена економско-социјална положба на работниците, единствен гарант се само силни синдикати.
Независни цврсти, добро организирани и меѓусебно координирани синдикати можат да ги штитат и унапредуваат правата на работниците. Слабо платените работници и други работоспособни граѓани ја напуштаат Македонија. Ваквата состојба е резултат на вкупните лоши политики и негрижата на власта и работодавците кон тие што работат и создаваат нови вредности“, велат од Демократскиот сојуз.
Како што велат, Демократскиот сојуз е прва партија која во Македонскиот парламент предложи минимална плата, како што предлагаат и дефинирање на минимална пензија.
„Повеќе од јасно е дека е неопходен системски пристап и вреднување на трудот на секој вработен, но без реформи и борба против високата корупција состојбите нема да се променат. Народот не може да создаде толку колку што власта може да украде“, велат оттаму.
Демократскиот сојуз ги повикува синдикатите, на претстојните избори да се вклучат во промените.