Свет
Важно кој е потписник, а не кој ги дал парите
Не држи образложението на претседателот Бранко Црвенковски дека неговата сопруга не дала пари за авансот со кој содружници од фирмата „Семос“ сакале да купат простор во зградата „Тифани“.
ПРАВНИЦИТЕ ЗА ДОГОВОРОТ НА ЈАСНА ЦРВЕНКОВСКА ЗА „ТИФАНИ“
Не држи образложението на претседателот Бранко Црвенковски дека неговата сопруга не дала пари за авансот со кој содружници од фирмата „Семос“ сакале да купат простор во зградата „Тифани“. Потписот на Црвенковска стои на договорот со инвеститорот Палевски, велат професори по управно право од Правниот факултет.
Авансот од 160.000 евра не е пријавен во анкетниот лист за имотот на семејството на претседателот.
– Црвенковска е потписник на договорот. Од правен аспект не е важно кој ги дал парите, важно е кој се потпишал. Претседателот дефинитивно требало да го пријави овој аванс – велат на факултетот.
И според поранешни членови на антикорупциската комисија, функционерите се должни да пријават секаква промена во анкетниот лист, без разлика дали е заем, долг или аванс.
Според Законот за спречување на перењето пари од 2004 година, трансакција на сума повисока од 15.000 евра мора да пријават и тој што ги дава и тој што ги зема парите. Авансот од 160.000 евра е даден во 2002 година. Бидејќи тогаш немало ваква одредба во законот, Агенцијата нема да го испитува потеклото на парите.
Во Управата за јавни приходи и во Јавното обвинителство не кажуваат детали за тоа што ќе преземат случајот со анкетниот лист на Црвенковски. Во УЈП велат дека ја проверуваат вистинитоста на податоците во анкетните листови на сите функционери. Во обвинителството велат дека допрва ќе одлучат дали врз основа на пишувањата на медиумите ќе собираат докази за евентуална постапка.
Државната комисија за спречување корупција најави дека во скоро време ќе разгледа случајот.
Претседателот Црвенковски завчера изјави дека парите за авансот не се на неговата сопруга и поради тоа не бил обврзан тоа да го пријави во анкетниот лист за имотната состојба.
Во два наврата, и како премиер и како претседател на државата, Бранко Црвенковски во анкетниот лист за неговата имотна состојба заборавил да го пријави авансот за простор што неговата сопруга Јасмина Црвенковска, со уште три лица сакале да го купат во зградата „Тифани“ на нивниот довчерашен сопартиец Љупчо Палевски. Уплатата е извршена во јули 2002 година како аванс за купување простор од 550 квадратни метри во деловно-станбената зграда „Тифани“. Тоа беше авансно плаќање или повеќе од 30 отсто од вредноста на просторот (447.000 евра).
Во 2004 година дотогашниот премиер Црвенковски е избран за претседател на Република Македонија. Законот е јасен во делот на обврската дека функционерите треба да го пријават и имотот на семејството. Според Законот за спречување на корупцијата, избран или именуван функционер е должен во рок од 30 дена да достави анкетен лист за недвижен имот и подвижни предмети во поголема вредност, во негова сопственост или во сопственост на неговото семејство. Законот прецизирал дека под семејно домаќинство се подразбираат брачен другар, деца, родители, браќа, сестри, посвоители или посвоеници, со кои функционерот живеел во заедница. Антикорупциската комисија по стапувањето на претседателската функција на Бранко Црвенковски, во мај 2004 година соопшти дека тој нема обврска повторно да даде отчет за својата имотна состојба. Тие тогаш одлучија дека во согласност со Законот за спречување на корупцијата станува збор за континуитет во вршење јавна функција и во случајот претседателот не треба да пополни нов анкетен лист.
И откако стана претседател, кабинетот на Црвенковски соопшти дека нема промени во неговата имотна состојба. Авансното уплаќање за деловен простор во „Тифани“ го нема никаде во неговиот анкетен лист. Ни пред ни потоа.
A
. Д.
Црвенковски повика на проверка на неговиот имот
Управата за јавни приходи и Државната комисија за спречување на корупцијата што е можно побрзо да ја проверат мојата имотна состојба, повика вчера претседателот Црвенковски.
– Ги повикувам сите надлежни институции да дојдат и да го проверат мојот имот. Од моја страна има спремност за целосна соработка бидејќи нема што да се крие. Не постои побарување на име на мојата сопруга и тоа е единствената причина зошто такво нешто нема ниту во имотниот лист. Кога пред три години го пополнував имотниот лист се консултирав со правни експерти. Тие ме подучија дека токму внесувањето непостојно побарување би значело прекршување на законот – изјави Црвенковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Детали од пропаднатиот мировен договор меѓу Русија и Украина: „Киев да гарантира трајна неутралност, а Москва да не напаѓа“
Русија и Украина беа блиску до постигнување мировен договор во пролетта 2022 година, според кој Киев бил подготвен да се посвети на неутралност, пренесува „Велт“ повикувајќи се на нацрт-договорот.
Повикувајќи се на документ од 17 страници од 15 април 2022 година, германскиот весник наведува дека Москва и Киев постигнале начелен договор и дека преостанатите разлики ќе бидат „измазнети“ на самитот меѓу претседателите на Русија и Украина, Владимир Путин и Володимир Зеленски.
Според „Велт“, Украина тогаш се обврзала на „постојана неутралност“ без присуство на странско оружје или војници, како и да не „прима, произведува или стекнува“ нуклеарно оружје. Киев, наводно, гарантирал и дека нема да одржува воени вежби со други земји.
За возврат, Русија се обврза да не ја напаѓа Украина, а Киев можеше да добие безбедносни гаранции од САД, Велика Британија, Франција и Кина. Доколку Украина биде нападната, нејзините гаранти ќе го поддржат нејзиното право на самоодбрана во рок од три дена, со ратификација на соодветните договори од секоја држава учесничка, што ќе ги направи правно обврзувачки.
„Велт“ наведува и дека договорот го исклучил рускиот полуостров Крим, како и делови од Донбас од какви било безбедносни гаранции дадени на Украина.
Сепак, не е јасно кои делови на Донбас беа опфатени со клаузулата. Весникот наведува дека иако Русија сакала да се утврдат точните граници на самитот Путин-Зеленски, Киев одбил, инсистирајќи дека тие се засновани на украинско толкување.
Во исто време, Москва наводно сигнализирала дека е подготвена да ги повлече своите војници од украинска територија, но не и од Крим и Донбас. И тоа требаше да разговараат Путин и Зеленски.
Двете страни, исто така, наводно имале големи несогласувања околу големината на украинската војска, бидејќи Киев сакал да задржи многу повеќе војници отколку што Москва била подготвена да дозволи.
„Велт“ објави дека Москва бара рускиот да стане втор официјален јазик во Украина. Русија, наводно, побарала укинување на сите меѓусебни санкции и отфрлање на тужбите, истовремено повикувајќи го Киев да го забрани нацизмот и „агресивниот национализам“. Украина ги одби тие барања, пишува весникот.
Коментирајќи го сега пропаднатиот договор, еден украински преговарач за „Велт“ изјави: „Тоа беше најдобриот договор што можевме да го постигнеме“. Преговарачот исто така изјави дека Киев бил во посилна преговарачка позиција во 2022 година отколку сега.
Руските власти претходно потврдија дека Украина и Русија се блиску до мировен договор, но тврдеа дека напредокот е закочен од тогашниот британски премиер Борис Џонсон, кој наводно го советувал Киев да продолжи со борбите. Џонсон ги отфрли обвинувањата.
Свет
„Смрт за Америка и Израел“: Хутите тврдат дека собориле американски борбен дрон
Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот.
Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа.
Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен.
Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“.
На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.