Свет
За корупција настрадаа само ситни риби
„Посните" ефекти од борбата против криминалот во униформа пречка за побрза интеграција на Македонија во Европа
„Посните" ефекти од борбата против криминалот во униформа пречка за побрза интеграција на Македонија во Европа
Недостасува соработка меѓу институциите кои се борат против криминалот
КАТИЦА ЧАНГОВА
Политиката е најголем соучесник на корупцијата, тврдат експертите. Хипотеките на овој феномен се создаваат на избори. Изборната корупција преминува во владина, а потоа се трансформира во системска корупција. Кога во државата не функционираат системот и правилата на антикорупциската борба, корупцијата доживува експлозија. Резултатите целосно изостануваат со инертни и некоординирани институции, со незаинтересирани и неодговорни функционери. Посните ефекти во спречувањето на корупцијата, што Германците ја нарекуваат "криминал во униформа", се голема пречка за побрза интеграција на Македонија во Европа.
"Институциите се формираат да постојат заради своето постоење. Тие се хендикепирани во своето работење. Овластувањата на Антикорупциската комисија завршуваат само на оперативно ниво. Тоа што нема никаков правосуден епилог се должи на недоволна, несоодветна и неправилна соработка со Јавното обвинителство. Манипулацијата со податоци и информации, неспроведување по институции, без решенија за ниту еден случај, остава отворено сомневање дека има проблем во ерозијата на системот. Ако продолжиме во оваа насока, не е далеку денот кога Европа ќе ни го дефинира како политичко изнудување на правдата", изјави претседателката на "Транспарентност-Македонија", Габриела Коневска. Таа вели дека го менуваат курсот на планот на корупцијата. Ќе се насочат во поттикнување на системот на имплементација на донесените закони, ќе препорачуваат нови нацрт-акти и ќе се фокусираат на обука за сите кои треба да се занимаваат со борбата против корупцијата.
На планот на високиот тип на корупција која е нераскинливо поврзана со организираниот финансиски криминал, во Македонија досега речиси нема никакви ефекти, потенцира доцент Миодраг Лабовиќ од Факултетот за безбедност. Тој посочува на единствената правосилна судска пресуда за криминал против Амди Бајрам. "Има некои процесуирани случаи против поранешни носители на јавни функции, меѓутоа со неизвесен епилог. Дури и да бидат донесени пресуди, не можеме да изречеме мерка конфискација на тие криминални приноси. Во правниот систем не постојат само законски дупки, туку постојат системски јами кои оневозможуваат разрешување на корупциски афери", тврди Лабовиќ и додава дека одговорноста за дисфункционалноста на правниот систем најмногу се однесува на власта која ги има сите инструментариуми за реализација на очекуваните радикални реформи. Основниот недостаток е што нема концепциска визија како да се изведат реформите.
Корупцијата не е кај соседот, преку плотот, туку дома, во нашиот двор. Затоа е добро што се кршат копјата меѓу вербалното и реалното, велат во Антикорупциската комисија. Оттаму потенцираат дека декларативните заложби треба да му отстапат место на ефикасен систем на мерки против корупцијата. "Не секогаш бевме правилно разбрани и поддржувани во работата, особено кога инициравме конкретни прашања на одговорност. Вистина е дека се соочуваме со одредени влијанија и притисоци. Ако сакаме да ја видиме корупцијата, доволно е да се погледнат ревизорските извештаи", вели Михајло Маневски, претседател на Државната комисија за спречување на корупцијата. Тој потврдува дека имаме добар дел прописи, но дека е најзначајна примената. "Мора да се смени менталната матрица, особено кај носителите на функции затоа што тие се најодговорни за состојбите со корупцијата и за законитоста во постапувањето. Органите треба да работат организирано и синхронизирано, секој во рамките на надлежностите. Не смее да продолжи практиката на инертност во вршење на функциите. На граѓаните им е преку глава од вербални ветувања, тие бараат резултати".
Шансата е дадена, не е доволно искористена. Постојат подобрувања на законодавен план и на полето на формирање специјализирани тела во борбата против корупцијата. Македонија направи многу во хармонизација на законодавството со меѓународните акти. Она што недостасува е добрата соработка меѓу институциите кои се борат против корупцијата, коментира професорот на Правниот факултет, Никола Тупанчевски. Тој ја критикува работата на Антикорупциската комисија за која вели дека главна задача е превентивната борба, а не засегање во компетенциите на другите институции. "Антикорупциската комисија се меша во надлежностите на Обвинителството, на специјализираното одделение за борба против организираниот криминал во МВР. Главната задача е добрата позиционираност на Комисијата што не значи само ревидирање на нејзините надлежности, туку вклопување во системот. Антикорупциската борба не подразбира маркетиншко експонирање на Комисијата, туку малку поголема конспиративност и малку повеќе ефекти во работењето", објаснува Тупанчевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД велат дека мртвиот ирански претседател имал крвави раце
Иранскиот претседател Ебрахим Раиси, кој загина во хеликоптерска несреќа во неделата, имал „крвави раце“ поради поддршката на екстремистичките групи во регионот, соопшти денеска Белата куќа.
Портпаролот за национална безбедност на Белата куќа, Џон Кирби, изјави за новинарите дека САД ќе продолжат да го бараат Иран одговорен за, како што рече, дестабилизирачките активности во регионот.
„Тоа дефинитивно беше човек со многу крв на рацете“, изјави Кирби.
Иран побара помош од САД откако хеликоптерот на Раиси се урна во планинските области долж границата со Азербејџан, но САД на крајот не успеаја да помогнат поради логистички причини, соопшти Стејт департментот.
Портпаролот на Стејт департментот Метју Милер, исто така, им рече на новинарите дека смртта на Раиси нема да ја промени основната позиција на САД кон Иран.
Иранскиот претседател Ебрахим Раиси, кој долго време се сметаше за можен наследник на врховниот лидер, ајатолахот Али Хамнеи, загина во хеликоптерска несреќа во планинска област во близина на границата со Азербејџан, соопштија во понеделникот официјални лица и државните медиуми.
Остатоците од хеликоптерот што се урна во кој беа Раиси и министерот за надворешни работи Хосеин Амир-Абдолахиан беа пронајдени рано во понеделникот по бурна потрага.
Смртта на Раиси ја потврди потпретседателот Мохсен Мансури во изјава објавена на социјалните мрежи и на телевизија.
Свет
Нетанјаху: Со кое право не’ споредувате со Хамас додека водиме праведна војна
Израелскиот премиер Бенјамин Нетанјаху рече дека одлуката на обвинителите на Меѓународниот кривичен суд, со која се бара налог за негово апсење, е апсурдна и е насочена кон Израел.
„Со гадење ја отфрлам споредбата на хашките обвинители меѓу демократски Израел и масовните убијци на Хамас“, рече Нетанјаху.
„Со каква дрскост го споредувате Хамас кој убиваше, палеше, масакрираше, силуваше и ги киднапираше нашите браќа и сестри, со војниците на ИДФ кои водат праведна војна“.
Тој го нарече потегот на обвинителот на судот нов тип на антисемитизам.
„Граѓани на Израел, ви ветувам едно – обидот да ни ги врзат рацете нема да успее“, рече тој.
„Ветувам дека ниту еден притисок и ниту една одлука на ниту еден меѓународен форум нема да не спречи да ги удриме оние кои сакаат да не уништат“, додаде премиерот.
Израелскиот претседател Херцог, коментирајќи ја веста за налозите за апсење за воени злосторства, кои покрај лидерите на Хамас се однесуваат и на двајца високи израелски лидери, вклучително и самиот премиер Нетанјаху, рече дека одлуката на обвинителот „повеќе од срамна“ и ќе ги охрабри терористите ширум светот.
„Секој обид да се повлечат паралели меѓу овие ѕверски терористи и демократски избраната влада на Израел – која работи на исполнување на својата должност да ги брани и заштити своите граѓани во целосна согласност со принципите на меѓународното право – е срамота и не треба да биде прифатена од никого. “, рече Херцог.
Главниот обвинител на судот Карим Кан, побара од судиите на Меѓународниот кривичен суд да одобрат налози за апсење на тројца лидери на Хамас и двајца израелски лидери за воени злосторства и злосторства против човештвото извршени за време на седуммесечната војна во Газа, објави во понеделникот судот .
Одлуката ја критикуваа и САД.
Свет
Америка изрази сочувство за смртта на иранскиот претседател
Соединетите држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.
„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, изјави портпаролот на Стејт департментот Метју Милер.
Американскиот министер за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.
„Не можам да шпекулирам што би можело да биде причината“, рече Остин пред новинарите.
Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.