Политика
Јакимовски: Јанева и СЈО да бидат доблесни кон граѓаните и да им ја кажат вистината
Катица Јанева и нејзиното обвинителство наместо да ја замајуваат јавноста да бидат доблесни кон граѓаните и да им ја кажат вистината дека станува збор за предмети без факти, побара во саботата на прес-конференција Стевчо Јакимовски, претседател на партијата Граѓанската опција за Македонија (ГРОМ), по повод едногодишниот извештај на Специјалното јавно обвинителст (СЈО), произлезено од Пржинскиот договор во врска со незаконски прислушуваните телефонски разговори, кој Јанева го презентираше во четвртокот.
„Да потсетиме уште еднаш дека оваа творба на ‘чадорот’ и домашните предавници е конституирана спротивно на Законот за судство, кој патем е двотретински закон, спротивно на Уставот на Република Македонија и спротивно на волјата на мнозинството граѓани на Република Македонија“, рече Јакимовски пред новинарите во партиското седиште на ГРОМ.
„Криминално стекнатиот прислушуван материјал, таканаречните ‘бомби’, почнаа да се објавуваат во средината на февруари 2015 година, а веќе на 2-ри јуни истата година со пржинската измама му се одземаа ингеренциите на Државното јавно обвинителство под изговор дека не е ефикасно, дека нема направено истраги и дека не процесуирало никакви кривични пријави“, нагласи Јакимовски кој е градоначалник на скопската општина Карпош.
Челникот на ГРОМ притоа истакна дека Државното јавно обвинителство, раководено од Марко Зврлевски и неговите колеги обвинители, се прогласени така за неспособни и неефикасни и дека на нивно место е донесена, како што рече – „Карла Дел Понте од Гевгелија“, однапред знаејќи дека работела во правосудството единствено во гевгелискиот суд.
„Затоа нејзиниот извештај е полн со пари потрошени за семинари, за обуки, потрошени за скапи патувања во странство, и пари потрошени за професори и експерти кои толкувале, цитирам: ‘Толкување на позитивното право во доменот на СЈО, следење на новата правна регулатива и нејзиниот однос кон Законот за јавно обвинителство за гонење на кривични дела, поврзани и кои произлегуваат од содржината на незаконското следење на комуникациите, запознавање со пресудите на Меѓународниот суд за човекови права, итн’“, рече Јакимовски.
Истакна дека практично тоа би се однесувало на тоа, тој во функција на градоначалник на Општина Карпош да нарачува ткн експерти за да му кажуваат како да ја врши сопствената работа, која му е законска обврска, односно како да се прават улици, фасади, тротоари, канализации и други работи поврзани со локалната самоуправа.
Лидерот на ГРОМ дополни дека по навршена една година и потрошени четири милиони евра Јанева не одговорила на основното, фундаментално прашање: Кој прислушувал? За која цел е правено прислушувањето? Кој го нарачал и го платил истото?
„Ова обвинителство беше формирано да утврди тежок криминал на претставниците на власта и наводни 5,5 милијарди евра извлечени од Ребпулика Макдонија. На местото одговори на овие прашања, денес јавноста се замајува со кривични постапки за тоа кој на кого му ја пцуел мајката додека го апселе, кој на кого му удрил шлаканица, колку ученици се возеле во Битола и други тривијални работи“, рече уште Јакимовски.
Од Јанева побара да не го замајува народот и да не ги лаже граѓаните, да не измислувае изговори и да не ги ги одолговлекува постапките за да зема до пензија 3.000 евра плата, да се вози во скапи автомобили со шофери и обезбедување, како да е претседател на државата
„Бидете доблесна и соопштете им ја вистината на граѓаните, излезете и кажете дека нема ништо од наводните 5,5 милијарди евра, дека нема пари дадени од Кинезите, нема мито од Израелците, градоначалникот Жерновски не е тепан и дека ‘Космос ‘е урнат согласно позитивните законски норми во Република Македонија. Нели вие утврдувате факти? Излезете и соочете се со граѓаните“, порача лидерот на ГРОМ, Стевчо Јакимовски./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.