Економија
Годината 2011 – најуспешна за германската автомобилска индустрија
За германската автомобилска индустрија 2011 година ќе биде најуспешна година во историјата.
За германската автомобилска индустрија 2011 година ќе биде најуспешна година во историјата.Како што за дневниот весник „Билд“ изјави шефот на Здружението на автомобилската индустрија Матијас Висман, оваа година вкупниот број на произведени автомобили ќе изнесува 5,9 милиони, од кои 4,5 милиони се извезени.Во Германија оваа година ќе бидат купени преку 3,1 милиони нови возила, од германско и странско производство и странско производство.Бројот на автомобили што германските фирми ги произведуваат надвор од Германија скоро е двојно поголем од бројот на возилата кои излегуваат од фабриките во земјата.Истовремено, како што најави Висман, во оваа година видно ќе биде надминат обемот на минатогодишниот промет на автомобилската индустрија од 317 милијарди евра.Автомобилската индустрија веќе со децении е еден од најсилните столбови на германската економија, а секое седмо работно место во Германија посредно или непосредно зависи од производството на автомобили.Околу 390.000 луѓе работат директно во производството на возила, а уште 360.000 се вработени во фирмите кои произведуваат делови и опрема за авто-индустријата.Но веќе сега Здружението на автомобилската индустрија оценува дека следната година нема да биде успешна како 2011 година, бидејќи само во земјите на Европската унија(ЕУ), Норвешка, Швајцарија и на Исланд во октомври бројот на првпат регистрираните возила опаднал за 1,4 отсто.Истовремено, се очекува продажбата на автомобили, посебно во земјите зафатени со должничката криза, и натаму да опаѓа. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Биткоинот поскапе на 61.710 евра, инвеститорите се претежно оптимисти за понатамошниот раст
Биткоинот поскапе за 0,53 отсто на 61.710,57 евра денеска во 15:30 часот на најголемата светска берза за криптовалути Binance.
Вкупниот обем на тргување со биткоин во последните 24 часа изнесува 21,42 милијарди евра, што е значително повеќе од вчера.
Инвеститорите се претежно оптимисти за понатамошниот раст на Биткоин.
Економија
Нови цени на дизелот и бензините од полноќ
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши намалување на малопродажните цени на нафтените деривати во просек за 1,27 % во однос на одлуката од 16.5.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 1,601 %, кај дизелот 0,751 %, кај екстра-лесното масло 1,310 % и кај „мазутот“ намалувањето е 2,450 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,368 %.
Малопродажната цена на бензинот ЕВРОСУПЕР БС-95 се намалува 1,50 денар/л.
Малопродажните цени на бензинот ЕВРОСУПЕР БС-98, како и на ЕВРОДИЗЕЛОТ (Д-Е V) и на екстра-лесното масло за домаќинство (ЕЛ-1) се намалуваат 1,00 денар/л.
Малопродажната цена на „мазутот М-1 НС“ се намалува 0,306 денари/кг и сега ќе изнесува 42,629 денара/кг.
„Напоменуваме дека ова се максималните цени на нафтените деривати од 00.01 часот на 21.5.2024 година. Трговците на големо и трговците на мало со нафтени деривати и горива за транспорт може да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.
Економија
РЕС е најголем снабдувач со струја на слободниот пазар, објави Регулаторната комисија за енергетика
РЕС е најголем снабдувач со струја на слободниот пазар и најголем дел од стопанството добива електрична енергија од РЕС, објави Регулаторната комисија за енергетика.
РЕС (Renewable Energy Supply) сам држи речиси една третина од пазарот, а другиот дел го делат други 20 снабдувачи.
Во 2023 година РЕС продал 609.771 MWh електрична енергија или 28,84 % од вкупната енергија на слободниот пазар, а во снабдувањето на големите субјекти држи дури 34 % од пазарот.
Освен на големите потрошувачи, РЕС им дава исклучително поволни и поевтини понуди за снабдување и на малите потрошувачи и нивниот број во балансната група на РЕС постојано расте, особено од почетокот на 2024 година.
Компанијата во моментот бележи уште повисоки резултати и снабдува над 900 клиенти, со предвидена годишна количина од речиси 700.000 MWh електрична енергија.
РЕС е формиран 2022, а годинава се најде на листата на топ-100 компании со најголема добивка во 2023 година.
ПР