Свет
Вработен фалсификувал сини картони
Полицијата поднела кривична пријава против прилепчанецот Тони К.(40), вработен во Фондот за здравствено осигурување во Прилеп, кој е осомничен за злоупотреба на службената должност и фалсификување исправи, соопшти МВР.
Полицијата поднела кривична пријава против прилепчанецот Тони К.(40), вработен во Фондот за здравствено осигурување во Прилеп, кој е осомничен за злоупотреба на службената должност и фалсификување исправи, соопшти МВР.
Според полицијата, Тони К., кој работел во Фондот со договор на дело повеќе од десет години, лани на повеќе граѓани им подготвувал фиктивни здравствени легитимации за лекување. Тој им издавал и формулари М1 и М2 за аплицирање за визи во странските амбасади. Осомничениот издавал и сини здравствени картони за лица на кои не ми следувале.
Легитимациите ги заверувал со фалсификуван печат на Фондот и со фалсификувани печати од непостојни фирми. За услугата наплаќал од 500 до 2.000 денари, а со злоупотребата го оштетил Фондот за здравство за околу 2.000 евра.
(Љ.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Украина: Руси планирале терористички напад во Киев
Агенти на руската разузнавачка служба планирале серија терористички напади во Киев, каде поставиле експлозивни направи во продавниците на познат синџир и во близина на кафуле, објавија украинските обвинители и тајната служба СБУ.
Според истрагата, осомничените требало да постават експлозивни направи во три трговски центри во главниот град и во автомобил паркиран до популарно кафуле во Киев, а потоа планирале да ги активираат.
Акцијата за апсење била извршена на паркингот на трговскиот центар, каде осомничените планирале да го подметнат последниот експлозив. На двајцата осомничени им е одреден притвор.
Сите 15 експлозивни направи, кои биле маскирани како прехранбени производи, биле откриени и навреме неутрализирани од органите на редот, се додава.
Според контраразузнавачката служба на СБУ, организатор на терористичките напади бил Јуриј Сизов, вработен во руските специјални служби, кој служи во воената единица #92154.
Наводно, тој лично им давал инструкции на агентите, па дури и снимал видео инструкции за поставување експлозивна направа во една од продавниците на истиот ланец во московскиот регион, наведува СБУ.
Тие, исто така, велат дека Сизов бил одговорен и за извршување на саботажа во Украина што требало да се случи во регионот Лавов во февруари 2024 година. Тогаш СБУ исто така ги спречила експлозиите.
Свет
Го изгубив чувството за вкус: Кралот Чарлс се отвори и откри детали од битката со ракот
Кралот Чарлс денеска го посети музејот на воздухопловните сили во Хемпшир.
Британскиот крал Чарлс Трети денеска откри дека го изгубил чувството за вкус за време на лекувањето од рак.
Чарлс ја откри оваа информација на јавноста додека беше на обиколка на музејот на воздухопловните сили во Хемпшир.
Монархот разговараше со ветеранот на британската армија Арон Мепплбек, кој му кажа на Чарлс дека минатата година бил подложен на хемотерапија поради рак на тестисите.
Мејплбек му спомнал на кралот дека го изгубил сетилото за вкус, на што Чарлс открил дека тоа му се случило и нему, пишува „Дејли мејл“.
Бакингемската палата се уште не ги потврдила деталите за третманот на кралското семејство.
Инаку, извори блиски до кралското семејство велат дека принцот Хари бил „во солзи“ кога британскиот крал Чарлс му ја соопштил новата титула на својот брат принцот Вилијам.
Експертот за кралското семејство Том Квин рече дека додека војводата од Сасекс се вратил во Велика Британија оваа недела на 10-годишнината од Игрите „Invictus“, набргу откако слетал во Лондон, било откриено дека кралот Чарлс бил премногу зафатен за да го прими својот син.
А потоа, само неколку часа откако беше потврдено дека кралот Чарлс нема да се сретне со принцот Хари, Бакингемската палата објави дека кралот ќе му ја додели на принцот од Велс воената чест што требаше да ја добие војводата од Сасекс, пренесува Мирор.
Принцот Вилијам сега е главен полковник на кралските воздухопловни сили, полкот во кој принцот Хари служел во Авганистан.
Свет
Нетанјаху: Тоа е војна, Израел или Хамас – слобода и безбедност или исчезнување, масакр и силување
Израелскиот премиер Бенјамин Нетанјаху рече дека војната во Газа е борба за постоењето на Израел.
„Тоа е војна: или ние – Израел или тие – чудовиштата на Хамас“, рече тој за време на церемонијата на Меморијалниот ден на планината Херцл, местото на главните воени гробишта во Израел.
„Или постоење слобода, безбедност и просперитет или исчезнување, масакр, силување и потчинување“, додаде тој.
Седум месеци по почетокот на војната во Газа, Нетанјаху рече дека Израел е „решен да ја добие оваа битка“ и дека непријателот „ќе продолжи да плаќа висока цена за своите злосторства“.
Победата над Хамас значи враќање на сите заложници дома, продолжи израелскиот премиер, а таквата победа би ги осигурила постоењето и иднината на Израел, додаде тој.