Свет
Кривични за двајцата адвокати, притвор за дактилографката
Скопскиот адвокат Кирил Смичковски извршил двојна наплата на судско решение и незаконски зел 50.000 евра државни пари, утврдила истрагата на МВР. Во валканата игра му помогнале адвокатката Билјана Николовска и дактилографката во Основниот суд Скопје 2, Јасмина Василевска.
Скопскиот адвокат Кирил Смичковски извршил двојна наплата на судско решение и незаконски зел 50.000 евра државни пари, утврдила истрагата на МВР. Во валканата игра му помогнале адвокатката Билјана Николовска и дактилографката во Основниот суд Скопје 2, Јасмина Василевска.
Полицијата против Смичковски и Николовска поднесе кривична пријава за злоупотреба на службената положба. Најдебелиот крај го извлекла Василевска, која е осомничена за фалсификување исправа и соизвршителство, а истражен судија и’ изрекол 30-дневен притвор.
Полициската истрага открила дека Смичковски и Николовска во 2004 и 2005 година застапувале пет лица на кои Судот им пресудил 3 милиони денари отштета од воениот конфликт, а им бил исплатен и надомест за трошоци од парнична постапка.
Двајцата адвокати, со намера да извршат двојна наплата на судските решенија, се договориле со Василевска да им подготви фалсификувана судска документација. Потоа, врз основа на лажните документи, на сметката на адвокатот Смичковски легнале уште 3 милиони денари.
На почетокот на мај, внатрешната контрола на Народната банка го известила удот дека има нејаснотии во еден предмет. Тогаш било откриено дека на спорното решение за исплата на неколку десетици илјади евра бил запишан број на друг предмет, то го водел друг судија, а имињата на странките биле измислени.
(Д.В.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.