Спорт
Мурињо си заминува?
Според пишувањето на шпанските медиуми португалскиот фудбалски стратег Жозе Мурињо е пред напуштање на Реал Мадрид а на негово место екипата треба да ја преземе Аргентинецот Марсело Биелса.
Според пишувањето на шпанските медиуми португалскиот фудбалски стратег Жозе Мурињо е пред напуштање на Реал Мадрид а на негово место екипата треба да ја преземе Аргентинецот Марсело Биелса.Жозе Мурињо не успеа да ја прекине неколкугодишната доминација на Барселона во шпанскиот фудбал и се најде на удар на жестоките критики поради дефанзивната и деструктивна игра што Реал Мадрид ја демонстрираше во четирите изминати дербија со најголемиот ривал одиграни во изминативе три седмици. Иако челниците на „кралскиот клуб“ јавно го поддржуваат Мурињо, извори од клубот тврдат за шпанските медиуми дека Португалецот е веќе отпишан.Според овие написи, наводно директорот на мадридски Реал, Хорхе Валдано веќе подолго време е незадоволен со играта што ја покажува извонредно скапата екипа а сето незадоволство кај него кулминирало по четирите „Ел Класика“ против Барселона во која неговите фудбалери „играле рагби а не фудбал“. Статистичарите пресметаа дека фудбалерите на Реал вкупно 105 пати ги фаулирале играчите на Барселона, заработувајќи притоа три црвени и 15 жолти картони.Според истите извори, наводно и Мурињо немал ништо против да го напушти Реал, а во прилог на тоа се забележуваат неколку негови претходни изјави во кои Португалецот велеше дека посакува да се врати во Англија. Како наследник на Мурињо на клупата на „кралевите“ се споменува аргентинскиот тренер Марсело Биелса кој во моментот е без ангажман. Биелса чијшто прекар е „Локо“ (Лудиот), се прослави на последното Светско фудбалско првенство во Јужна Африка каде со еден од аутсајдерите на мундијалот Чиле дојде до осминафиналето во кое беше поразен од Бразил со 0:3. Биелса по ротациите во врвот на чилеанската фудбалска асоцијација ја напушти репрезентацијата. Шпанската Севиља и аргентинскиот Њувелс олд бојс чијшто стадион го носи неговото име во моментот се заинтересирани за неговиот ангажман. Во неделата по поразот од Сарагоса на мадридски „Сантјаго Бернабеу“ од 2:3 англискиот портал People, пишуваше дека Мурињо може наскоро да добие отказ од Реал Мадрид. Во написот беше исто така наведено дека првите луѓе на мадридскиот клуб особено му забележувале на Мурињо за срамното однесување по првиот полуфинален натпревар од Лигата на шампионите. People тогаш напиша дека управата на Реал Мадрид го разгледувала раскинувањето на договорот со Жозе Мурињо, доколку овој не успеа да ја мине Барселона во реваншот на „Камп Ноу“ и да се пласира во финалето на Лигата на шампионите, што синоќа се случи на „Ноу Камп“./крај/хи/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Јамал го продолжи договорот – „Бројот 10 и посебна благодарност до баба“
Каталонскиот клуб го продолжи договорот со тинејџерската фудбалска сензација до 2031 година – и одржа мала церемонија на стадионот за да го одбележи овој настан.
На церемонијата присуствуваше целото семејство на фудбалерот, вклучувајќи ја и неговата баба, која Ламин ја држеше за рака додека одеа кон салата за церемонија.
Јамал ќе добие и нов број на дресот – култната „десетка“ што ја носеа само неколкумина избрани во Барса.
Una foto para la historia 💙❤️ pic.twitter.com/ZMN3b5UFRF
— FC Barcelona (@FCBarcelona_es) July 16, 2025
Пред сите Меси, пред него Роналдињо, Ромарио и легендарниот Диего Марадона, чија фотографија од времето кога играше за Барса Ламин неодамна ја објави на својот Инстаграм, бидејќи очигледно се гледа себеси како достоен носител на иконскиот дрес.
„Десетката“ до неодамна ја носеше Ансу Фати, човек кој требаше да биде новата голема работа на Барса, но не ги оправда очекувањата, а неговото време во Барса дефинитивно заврши.
Фати оттогаш го напушти клубот.
Сите очи сега се насочени кон феноменалниот Јамал, кој ќе стане најплатен играч во тимот со потпишувањето на нов договор, пред Роберт Левандовски и Френки де Јонг.
🔥 De Rocafonda al mundo 🌍
𝗟𝗔𝗠𝗜𝗡𝗘 𝗬𝗔𝗠𝗔𝗟 𝟭𝟬 pic.twitter.com/POD9WhELH0— FC Barcelona (@FCBarcelona_es) July 16, 2025
Јамал дебитираше за сениорскиот тим на Барса на само 15 години и 291 ден, во натпревар против Бетис во 2023 година.
Останатото, како што велат, е историја.
Јамал, меѓу другото, им кажа на новинарите колку многу му значеше што неговата баба беше со него денес на толку важен ден во неговиот живот и кариера.
„Овој настан беше одложен поради неа, бидејќи таа беше во Мароко, и без неа не мислам дека ќе можев да направам нешто толку посебно. И благодарам за сè што направи за мене, иако знам дека никогаш нема да можам доволно да ѝ се заблагодарам.“
De gala y con toda la familia en un día muy especial 👔 pic.twitter.com/WFED28VHeJ
— FC Barcelona (@FCBarcelona_es) July 16, 2025
Исто така, беше прашан за бројот десет што ќе го носи во иднина и дали е достоен за него.
„Се надевам. Марадона, Меси и Роналдињо се легенди на фудбалот и на овој клуб. Секое дете сонува да копира нешто од нив. Ќе се обидам да го продолжам нивното наследство. Меси имаше свој пат, јас го имам мојот. Сега тој број ми помина од Ансу. Ќе работам напорно, ќе дадам се од себе и ќе се обидам да ги направам среќни навивачите на Барселона.“
Спорт
Скандал во Црна Гора – клуб исклучен од Европа на 10 години поради наместени натпревари
Фудбалскиот клуб Арсенал од Тиват е суспендиран од Европа во период од 10 години.
Како што објавиja подгорички „Вијести“, клубот од Тиват ќе мора да плати казна од половина милион евра, додека фудбалерите и претставникот на клубот исто така беа казнети.
Како што беше објавено, фудбалерот Никола Челебиќ и претставникот на клубот Ранко Крговиќ добија доживотни забрани за работа во фудбалот, додека капитенот на тимот Ќетко Манојловиќ, како и Радуле Живковиќ и Душан Пулетиќ, ќе мора да поминат 10 години надвор од спортот.
Ова е целиот епилог од скандалот во квалификациите за Конференциската лига во кој Арсенал од Тиват играше со Алашкерт, пред две години во реваншот од квалификациите за Конференциската лига.
Арсенал загуби од Алашкерт како домаќин со 6:1 и тој натпревар беше под лупа на УЕФА, а полските медиуми пишуваа дека во текот на првото полувреме – иако резултатот беше 0:0 до 35-тата минута – обложувалниците примиле повеќе од 250.000 евра на играта „2+ гола“ во текот на првите 45 минути.
„Обложувалниците се обидоа да се заштитат од високи исплати во текот на последните 10 минути од првото полувреме, но некои не успеаја да го сторат тоа на време. Во тој момент, коефициентите кај некои обложувалници за играта во живо „2+ гола“ беа дури и до 30. И сето тоа продолжи во второто полувреме кога, според ТВП, започнаа сомнителни уплати за 5+ и 7+ гола, напиша тогаш полската ТВП“, пренесува Вијести.
Спорт
АБА со 18 клуба: Се приклучуваат Романци и Австријци – лигата се дели на две групи
Регионалната кошаркарска АБА лига ќе има 18 клуба почнувајќи од следната сезона, беше одлучено на Собранието одржано во среда.
На шампионатот ќе им се придружат романскиот Клуж и австриската Виена, како и Босна односно Илирија, кои обезбедија место во елитниот ранг преку АБА 2.
Иако имаше навестувања, Хапоел од Тел Авив нема да се приклучи на АБА лигата, што дефинитивно ја напуштаат Цибона и Морнар, како два најслаби тима од минатата сезона.
Следната голема промена е поделбата на АБА лигата во две групи, што ќе го намали бројот на натпревари што ќе ги играат тимовите од сезоната 2025/26.
Проширувањето за уште два тима би значело четири дополнителни натпревари, што би било особено проблематично за тимовите што играат во европските натпреварувања.
Затоа, пронајдено е решение што ќе го олесни распоредот. Двете групи ќе имаат по девет тима, а наскоро треба да се знае како ќе изгледаат.
(Видео) Еруптираше вулкан во Исланд, евакуирана е позната туристичка дестинација
Впечатлива сцена од оган, чад и блескава лава беше снимена денес во југозападен Исланд, каде што еруптираше вулкан на полуостровот...
Американски сенатор до Путин: „Што по 50 дена? Нека му се јави на ајатолахот и нека го праша“
Американскиот сенатор Линдзи Греам го поддржа рокот од 50 дена што Доналд Трамп му го даде на Владимир Путин да...
Сообраќајот на патниот правец Битола – Граничен премин „Меџитлија” е нормализиран
Сообраќајот на патниот правец Битола – Граничен премин „Меџитлија” е нормализиран, извести АМСМ. Од 16 часот, на регионалниот пат Р-1101...
Докторка затекната при примање поткуп во битолска болница: најостра осуда од Министерството за здравство
Министерството за здравство најостро го осудува секој облик на коруптивно однесување во здравствениот систем. Во врска со случајот во ЈЗУ...
Незгода на патниот правец Битола – Прилеп: сообраќајот во прекин за тешки моторни возила, патничките се пропуштаат наизменично
Од 15:45 часот поради вршење на увид на сообраќајна незгода на магистрален пат А-3 Битола – Државна граница Маџитлија кај...
Во земјава има 200.000 дивоградби, предничи Гостивар, вели Меџити и повикува институциите да делуваат, но не селективно
Сегашниот вицепремиер и министер за животна средина, Изет Меџити, кој 12 години беше градоначалник на Општина Чаир, повика институциите да...
Меџити не исклучува можност да биде кандидат за градоначалник на Чаир: Сè е на маса
Првиот вицепремиер и министер за животна средина, Изет Меџити, не ја исклучува можноста да му биде противкандидат на Бујар Османи...
Активни три пожари во државата, оној кај Николиќ ставен под контрола
Активни се три пожари во државата, соопшти Надица Вчкова од Главниот штаб за управување со кризи. Во моментот сѐ уште е...
Доцнење на прегледи и на резултати, скопјани со најмногу поплаки за здравството – Алиу ветува дека ќе го слуша гласот на народот
Министерството за здрвство добило 90 пријави од граѓани кои се пожалиле на функционирањето на здравствениот систем. Министерот за здравство Азир...
Токму полициски службеници на Тошковски се фатени за диви приклучоци, проблемот не е водата, туку тие што ја добиваат бадијала и институциите што ги штитат, велат од Град Скопје
ВМРО-ДПМНЕ, кога обвинува за недостиг на вода во град Скопје, заборава да додаде дека токму полициските службеници на Панче Тошковски...
55 ветерници ќе обезбедуваат струја за 100.000 домаќинства – почна изградбата на ветерниот парк кај Штип
Со поставување камен темелник денеска стартуваше изградбата на ветерен парк во близина на Штип, каде „Алканзар енерџи партнерс“, со инвестиција...
Дивоградбите ќе се уриваат ако се утврди дека се проблем за безбедноста на граѓаните, рече Тошковски
Министерот за внатрешни работи Панче Тошковски потврди дека една од општините во која вчера е влезено од страна на Одделот...
Тошковски: Арсовска одбива да соработува, полициските службеници не може да обезбедат изјава
Министерот за внатрешни работи Панче Тошковски вели дека градоначалничката Данела Арсовска одбива да соработува со полициските службеници од Одделот за внатрешна...
Пренесувале и продавале дрога: осомничените откриени преку скај-комуникација
Врз основа на доказите добиени преку скај-комуникацијата, предметен обвинител од Основното јавно обвинителство за гонење организиран криминал и корупција донесе...
Полицаец се обидел да внесе дрога во Идризово, приведен е
Приведен е полицаец поради сомнеж дека се обидел да пренесува дрога во Идризово. „При претрес на Х.А.(42) од Скопје, вработен...
Апелација повторно го осуди Васил Јованов на три години и десет месеци за дрогата
Aпелациониот суд повторно го осуди Васил Јованов, кој ја прегази младата Фросина Кулакова, на три години и десет месеци затвор...
Трамп: Ракетите за системите „Патриот“ веќе се на пат кон Украина, пристигнуваат од Германија
Ракетите за системот за воздушна одбрана „Патриот“ наменети за Украина веќе се на пат, изјави американскиот претседател Доналд Трамп, објави...
Огласот за прием на 150 нови полициски службеници е во тек
Министерството за внатрешни работи распишува конкурс за прием на 150 униформирани полициски службеници. „Да се биде полицаец е повик а...
Трамп: Бонди треба да објави сè што смета за веродостојно за Епштајн
Американскиот претседател Доналд Трамп изјави дека државната обвинителка Пам Бонди треба да објави „сè што го смета за веродостојно“ за...
Со потврда од матичен лекар, невработените до четврток можат да се пријават за гаснење пожари за 24.000 денари месечно
Огласот за ангажирање 400 невработени лица за помош при гаснење пожари на Владата е отворен до четврток, потсети денес Стојанче...
