Свет
Ако ЕУ забрани увоз на шеќер, ќе нема сеидба на репка
Кривичната пријава за поранешен директор на битолската шеќерана поради тоа што во ЕУ продавал шеќер од трска со етикети дека е произведен од репка може да има кобни последици врз производството на шеќерна репка во земјава, смета земјоделскиот лидер Вељо Тантаров
ЗЕМЈОДЕЛЦИТЕ СТРАХУВААТ
Кривичната пријава за поранешен директор на битолската шеќерана поради тоа што во ЕУ продавал шеќер од трска со етикети дека е произведен од репка може да има кобни последици врз производството на шеќерна репка во земјава, смета земјоделскиот лидер Вељо Тантаров. Тој за пример ја посочи соседна Србија, која поради продажба на лажен шеќер добила забрана од три години за извоз на овој производ во ЕУ.
– Ако тоа ни се случи нам, ќе нема сеидба на шеќерна репка. Домашниот шеќер ќе остане непродаден бидејќи него го јадат Европејците, а нашите граѓани немаат пари да го купат бидејќи е скап – рече Тантаров. Тој тврди дека во Македонија се продава шеќер од Австрија, Полска и од Чешка, кој бил помалку квалитетен од домашниот бидејќи е произведен од шеќерна трска. Ваквиот шеќер се продава по цена од 20 денари, а белиот од 30 до 35 денари.
Според Тантаров, земјоделците од Пелагонија се прашуваат дали ЕУ го испитала македонскиот шеќер во лабораторија или обвинувањата се претпоставки од македонската царина за да покаже дека работи по европски стандарди.
Битолската фабрика за шеќер годинава доби дозвола за извоз на 7.000 тони шеќер во ЕУ. Ако Унијата не изрече санкции, за два месеца шеќерот треба да се најде на европскиот пазар. Од шеќераната соопштуваат дека очекуваат да преработат над 70.000 тони шеќерна репка, од што ќе се добијат околу 7.000 тони шеќер. Во Македонија со шеќерна репка се посеани 1.700 хектари, а само во Пелагонија 1.100 хектари.
(Ж.З.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.
Свет
Трамп: Ако загубам во ноември, Евреите ќе изгубат многу
Поранешниот американски претседател и републикански кандидат на претстојните претседателски избори, Доналд Трамп, на настан во Вашингтон, чија цел е борба против антисемитизмот, изјави дека ако загуби во ноември, „Евреите ќе изгубат многу“.
„Нема смисла“, рече Трамп за Евреите кои гласаа за потпретседателката на САД и демократска кандидатка Камала Харис, објави Политико.
Трамп рече дека секој Евреин што гласа за неа треба да ја прегледа главата.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.