Македонија
Фуере: Градењето на згради и споменици да се одвива со соодветна консултација
Градењето на згради и споменици со јавни пари треба да се одвива со соодветна консултација и јавна дискусија, вели евроамбасадорот Ерван Фуере, коментирајќи го неделниот инцидент на скопското Кале, поврзан со изградбата на црквата музеј.Повикува владата и чинители во општеството да работат заедно со цел спречување на сличен инцидент во иднина. “Ова е голема грижа, поради тоа што тензиите јасно ја подвлекоа длабоката недоверба што продолжува во општеството. Го поздравувам соопштението испратено од владината коалиција, но повеќе треба да се направи со цел да се осигура дека ваков инцидент нема да се случи повторно. Владата треба да работи повеќе со сите сектори во општеството и под никои околности не треба да има понатамошна акција во однос на градењето на тврдината се додека нема соодветна дискусија. Никој не може да биде против дискусија, дијалог со цел сите заинтересирани култури бидат земени в предвид. Затоа уште еднаш ја повикувам владата, владејачките партии заедно со сите партии и граѓанското општество да работат заедно и да спречат таков инцидент повторно да се случи, што може да ескалира и да создаде проблеми за оваа земја“, рече Фуере.Евроамбасадорот смета дека сите потези, вклучувајќи го подигнувањето на градби и споменици со јавни пари треба да се случуваат со соодветна консултација со општеството.„Одговорните треба да ја имаат на ум сериозноста на нивните потези. Затоа владата мора да го превземе водството во работата со сите сектори во општеството. Има градење на згради и споменици што се случува без соодветна консултација. За сите овие потези треба да има соодветна консултација, поради тоа што, покрај се, се користат јавни пари и граѓаните имаат право да знаат како овие јавни пари се трошат“, вели Фуере.Запрашан за улогата на вработен во холандската амбасада во неделниот инцидент, Фуере со став – треба да се работи на откривање на основната причина на проблемот, а не на стигматизирање на поединци.„Мислам дека холандската амбасадорка јасно се произнесе во врска со тоа. Во исто време, сметам дека е погрешно да се посочува на една индивидуа. Ова е генерална ситуација, каде има поделена одговорност и оваа одговорност мора да се адресира на вистински начин од страна на владата, но на начин кој навистина се однесува на основната причина на проблемот, без да се стигматизираат луѓето едни со други. Имаше многу групи што беа таму и со соодветна консултација овој многу сериозен инцидент можеше да биде избегнат“, рече Фуере. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска сончево и топло, промена на времето со пороен дожд и грмежи од први мај
Управата за хидрометеоролошки работи информира дека времето денеска ќе биде сончево и релативно топло со мала до умерена локална облачност. Ќе дува слаб до умерен ветер претежно од североисточен правец. Минималната температура ќе биде во интервал од 3 до 10, а максималната ќе достигне од 21 до 27 степени Целзиусови.
Во Скопје ќе биде сончево и релативно топло со мала облачност и со слаб североисточен ветер. Минималната температура ќе се спушти до 8, а максималната ќе достигне до 26 степени, велат од УХМР.
Стабилното и суво време, сепак, нема да се задржи долго. Веќе од средината на следната седмица, повторно се очекува дожд.
Промената на времето ќе започне уште во среда, на први мај, кога во попладневните часови ќе има услови за локална појава на краткотраен пороен дожд и ретки грмежи. Поголема нестабилност со дожд и чести грмежи се очекува во четврток.
Македонија
Апасиев од Тетово: Под власта на учките од ДУИ, поддржани од корумпираната македонска елита, секое второ дете од Полог се раѓа во Швајцарија
,,Етнотрибализмот ни го сервираат како европска вредност. Ние создадовме општество на квоти, коешто ни донесе секое второ дете од Полог да се раѓа во Италија, во Швајцарија или надвор од Македонија“, вели претседателот на Левица, Димитар Апасиев.
„Првиот концепт кој што ни го нудат е концептот на дејтонизација. Либанизација на Македонија, бејрутизација на Скопје. Тоа е нивната агенда, спонзорирана од западните амбасади. Ни понудија модел на бинационален грабеж.
Ние сме единствена земја во светот со еден Парламент и две Влади. Но помина времето кога Македонецот беше инфериорен во сопствената држава. Левица е принципиелно против Бадентер и против Балансер“, истакна претседателот на Левица, Димитар Апасиев.
Македонија
Мицкоски: СДСМ и ДУИ имаа две сценарија, прво, тивок бојкот за претседателските избори, второ, Ахмети добил бел лист од Ковачевски да напише што сака
Државата ни ја одземаа. Народот изгуби контрола над системот, институциите се киднапирани од стотина души на ДУИ кои управуваат со се. Додека тие од СДСМ им се верни слуги во секој криминал и тендер. И навистина е лицемерно од ДУИ и СДСМ да велат дека носеле храбри одлуки што е храброст да продадеш име, устав, да проблематизираш историја, и повторно да бидеш пред портите на ЕУ. Затоа што и тие од ЕУ знаат дека криминалци владеат со државата, рече Христијан Мицкоски, претседател на ВМРО-ДПМНЕ на вчерашниот митинг во Кочани.
Мицкоски укажа дека од СДСМ и ДУИ се подготвени на се за да ги задржат фотелјите и привилегиите.
„Затоа излезот го бараат во двете сценарија. Првото е тивкиот бојкот за претседателсите избори кој го заговараат. Додека се удираат во гради дека ќе згазеле во вториот круг, всушност тие сакаат да одработуват на тивок бојкот и спласнување на атмосферата на изборите. Второто сценарио е она на Ковачвски кој ја дал најдарежливата понуда до Али Ахмети. Ахмети има добиено бел лист на хартија од Ковачевски на кој само треба да ги напише институциите и министерствата кои сака да ги добие“, кажа Мицкоски.
Мицкоски порача дека излезот од сето ова е масовна излезност на изборите, како и масовна и недвосмилена поддршка за ВМРО-ДПМНЕ која е единствената сила за промени.
„Таа поддршка ни е потребна и за да нема уцени, ниту притисоци. Да имаме сила за промени, а таа сила можете само вие да ја дадете, народот на Македонија. Во првиот круг тука победата беше убедлива. 8079 гласа на 3900 за поранешнот претседател Пендаровски. Сега поддршката нека биде уште поголема за да може да жолтиот картон од првиот круг да биде црвен. Имаме незавршена работа, која ќе се финализира со огромна победа на 8 мај“, изјави Мицкоски.
Мицкоски се обрати и до неопределените, како и оние кои гласаа за кандидатите кои не се дел од вториот круг.
„Цунамито не огромниот бран на промени е започнат. Приклучете се и бидете дел од оваа генерација која одучува за сопствената иднина. Има надеж и ние заедно ќе се избориме. Сите оние кои пак во првиот круг гласаа за некој од другите опозициски кандидати кои сега се надвор од трката за претседател. Дојдете и поддржете ја единствената и главната сила за промени Гордана Силјановска Давкова и ВМРО-ДПМНЕ. Да не се ситнат промените. Приклучете се таму каде што е огромното мнозинство кое ја носи новата надеж за иднината на државата“, кажа Мицкоски.
Мицкиски на крајот им порача на граѓаните. „Ова не е Македонија што ја сакаш и ја заслужуваш. Овие избори се последна шанса за спас. Ширете ја пораката на промените. Тоа не се промени за освети не се промени за поделби. Тоа се промени во кои надежта го победува стравот. Заедништвото ги победува поделбите“.