Европа
Инциденти и апсења на забранетиот пропалестински собир во Париз
Најмалку четириесет лица се приведени во саботата во Париз на забранетиот пропалистинскиот собир на кој силите за одржување на редот примениле солзавец против кој ги гаѓала со камења и шишиња.
На парискиот Плоштад Републиката во 15 часот по локално време се собрале околу пет илјади лица, иако полицијата претходно го забрани прогласувајќи го за собир од висок ризик од насилства. Париската полиција не ги растера собраните, но околу плоштадот распореди голем број свои припадници.Меѓу демонстрантите најмногу имаше млади луѓе чии лица беа покриени со шамии. Тие со камења и други предмети ја гаѓаа полиција и кршеа излози на продавниците, пренесуваат медиумите. Четириесет лица се приведени, од кои дваесетина веднаш се притворени, соопштил полициски извор за AFP.Во француската престолнина се мобилизирани околу две илјади полицајци, кои беа распоредени околу Плоштадот на Републиката и квартот Бастија, каде по протестниот собир одржан на 13-ти јули избија судири крај синагогата. Последните денови откако се одржуваат протестите се случија повеќе судири на демонстрантите со полицијата, како и напади врз синагогите и еврејски продавници. За разлика од пропалестинските собири низ цела Европа коишто не предизвикуваат полемики, во Франција протестите против израелската офанзива во палестинската енклава Појасот Газа се проследени со контроверзии за забрана на некои собирања и за пораст на антисемитизмот.Францускиот претседател Франсоа Оланд, кого дел од неговата левица и дел од десничарската опозиција го критикуваат поради улогата на „пожарникар пироман“ со забранувањето на протестите, повтори дека „уставниот поредок мора да се почитува и да се отфрлат паролите кои изразуваат омраза“. Некои од демонстрантите, невладините организации, па и политичари од владејачките социјалисти во Франција, ги критикуваат забраните како контрапродуктивни. Министерот за внатрешни работи Бернард Казанев изјави, пак, дека во последните две седмици биле забранети пет протесни собири, од 300 такви одржани во цела Франција. Невладините организации Amnesty International и Human Rights Watch изразија, пак, загриженост поради ограничувањето на „слободата на соирањето“.Организаторите на денешниот собир ги негираат обвинувањата за антисемитизам. „Нашата цел не е да ги нападнеме Евреите, туку да ја осудиме политиката на израелската влада“, изјави Тарек Бен Хиба, локален политичар и челник на 20 здруженија кои го организираа протестот. Пропалестинските собори организирани се во саботата и во другите француски градови, како и секој викенд од почетокот на израелската офанзива во газа на 8-ми јули.Франција ги има најголемата еврејска и најголемата муслиманска заедница во Европа и тензиите кои повремени избиваат на Блискиот исток, често создаваа и нови нетрпеливости меѓу тамошните две заедници./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ги убил двајцата внуци, па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град кога пензионер ги уби своите двајца внуци на возраст од 10 и 13 години пред да се самоубие – два месеца откако сопруга и ќерката му загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во разни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, а другото се удавило.
Извори блиски до истрагата велат дека едно од децата имало прострелни рани, а другото се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерката, мајка на две деца, ја загубија борбата за живот кога беа исечени од остатоците од автомобилот што го управуваше 72-годишникот.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица, каде што итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.
Европа
Украина со дронови нападна руска рафинерија: „Има штета, престана да работи“
Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција „Тасс“ цитирајќи претставник на компанијата за безбедност.
Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти.
Новинската агенција „Интерфакс“ објави дека рафинеријата престанала да работи по нападот.
„Причинета е штета. Ќе се утврдат нејзината големина и опсегот“, ја цитира „Тасс“ изјавата на безбедносниот претставник Едуард Труднев во понеделникот.
Рафинеријата во Славјанск е приватна постројка со капацитет од речиси 100.000 барели дневно. Произведува гориво за домашни потреби и за извоз.