Свет
Обвинетите за масакрот на Филипините се изјаснија како невини
Обвинетите за масакрот, кога беа убиени 57 лица на Филипините, се изјаснија како невини на денешното судење
Дату Андал Ампатуан, со лисици на рацете и со вооружено обезбедување влезе во импровизираната судница во полицискиот камп, каде седејќи мирно го ислуша обвинението за 41 убиство против него, пренесуваат репортерите на Ројтерс.
„Не е виновен“, рекол неговиот адвокат, на прашањето од судијата, како се чувствува обвинетиот.
Државните обвинители прочитале уште 16 обвиненија против него, за да се достигне бројката од 57 убиства, меѓу кои и оние на 30 новинари, некои најдени во заедничка згобница во јужната провинција Магинданао.Повеќето од жртвите беа на пат да бидат сведоци на пополнувањето на кандидатурата за претстојните избори. Жената на кандидатот, противник на кланот Ампатуан, ги носеше документите во придружба на новинарите во ноември минатата година кога поворката беше нападната од 100 вооружени луѓе.Убиствата створија страв дека изборите во мај ќе бидат крвави.
Неколку недели по масакрот, претседателот Глорија Макапагал Аројо донесе воен закон во провинцијата Магиндано, со кој се спротивстави на кланот Ампатуан и го уапси нивниот водач, неговиот брат и тројцата синови, под обвинение дека се имаат замешано во убиствата.
Сите петмина се наоѓаат под воено и полициско обезбедување на остров во јужниот дел на Минданао.
Адвокатот на Ампатуан бара ослободување на осомничениот со кауција, тврдејќи дека владата нема доволно докази за неговата вмешаност во случајот за да го држи во притвор. Но, државниот обвинител, за репортерите изјавил дека е сигурен оти судот ќе го одбие барањето за ослободување со кауција бидејќи случајот против Ампатуан е „непобитен“. Судијата го одложил судењето за една недела додека адвокатот на Ампатуан да достави докази за кауцијата.Судницата во која се одржува судењето била под силно воено и полициско обезбедување, додека адвокатите, новинарите и роднините на обвинетите седеле на неколку метри од нив.
Пред објектот била ангажирана полицијата за специјални интервенции и противпожарни возила.
„Се надеваме на брза пресуда и правда за смртта на мојот сопруг“, вели Мирна Ребландо, сопруга на еден од новинарите, убиен во нападот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.