Свет
Сегашното раководство е одговорно за лошата состојба во МРТ
ВМРО-ДПМНЕ ги повика членовите на Советот на МРТ и на новиот управен одбор да престанат со, како што велат, циркузантско однесување за да не и нанесуваат и натаму штети на Македонската радио-телевизија, јави МИА.
ВМРО-ДПМНЕ
ВМРО-ДПМНЕ ги повика членовите на Советот на МРТ и на новиот управен одбор да престанат со, како што велат, циркузантско однесување за да не и нанесуваат и натаму штети на Македонската радио-телевизија, јави МИА.
– Паѓаат во вода сите тези дека во овие управни тела се избрани независни експерти бидејќи претседателот на Советот, досегашните членови на Управниот и на Надзорниот одбор од политички претставници се трансформираа во независни експерти – изјави на прес-конференција Зоран Трајчевски, член на партиската комисија за телекомуникации.
Според него, одговорноста за лошата програмска и материјално-финансиска состојба во МРТ и за нелегитимните и незаконски постапки направени во последните неколку месеци е на менаџерскиот тим и на претседателот на Советот и на Управниот одбор. Тие, како што рече, иако имаат обврска да исплаќаат плати и придонеси на вработените, платата не им е исплатена за 3-4 месеци, а придонесите за девет и повеќе месеци.
Предлогот за измени на Законот за МРТ, кои би требало да бидат донесени до крајот на 2006 година, предвидува воведување комбиниран начин на финансирање на МРТ преку намалување на радиодифузната такса и делумно финансирање од буџетот на РМ, кој би стартувал во 2007 година, како и избирање генерален директор на меѓународен јавен конкурс.
– Ние не мислиме да ги враќаме работите назад, туку да гледаме напред кон ЕУ и ќе понудиме такви законски решенија што МРТ ќе ја трансформираат во вистински јавен сервис ослободен од политичките и економските влијанија на владата и на одредени политички и економски центри на моќ. А не сега довчерашните политички првенци од СДСМ наводно да глумат дека сега станале врвни експерти во радиодифузната област и сега се во т.н. нов совет и управен одбор на МРТ – рече Трајчевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.