Свет
Активисти на Гринпис упаднаа во нуклеарка крај Париз
Активисти на Гринпис утрово упаднаа во нуклеарната централа Ногенг-сур-Саине, оддалечена од Париз 95 километри, соопшти портпаролот на оваа организација, а потврди и полицијата.
Активисти на Гринпис утрово упаднаа во нуклеарната централа Ногенг-сур-Саине, оддалечена од Париз 95 километри, соопшти портпаролот на оваа организација, а потврди и полицијата.
Во соопштението на Гринпис се вели дека нивните активисти упаднале во нуклеарката утрово околу 6 часот по локално време за да „упатат порака за тоа дека не постои безбедна нуклеарка“.
Во нуклеарката, како што информираше жандармеријата, упаднале осум активисти.
„Дел од активистите успеал да се искачи на заштитната купола на реакторот, каде што бил истакнат транспарент ‘Не постои сигурна нуклеарка’“, изјави портпаролот на Гринпис Асел Ренаудин.
„Целта ни беше да покажеме дека е многу лесно да се влезе во нуклеарка, односно дека француските нуклеарни постројки се лесна мета“, изјавија од Гринпис., појаснувајќи дека ја одбрале нуклеарката Ногенг-сур-Саине бидејќи е најблиску до Париз.
Вкупно 75 отсто од електричната енергија во Франција доаѓа од 58 нуклеарни реактори ширум земјата. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.