Македонија
МВР: СДСМ некрофилски поентира на случај кој е веќе во судска постапка
Во однос на политичките барања на СДСМ кои соодветствуваат со барањата на граѓаните кои протестираат, од Министерството за внатрешни работи велат дека веќе одговориле по истите.
Во однос на политичките барања на СДСМ кои соодветствуваат со барањата на граѓаните кои протестираат, од Министерството за внатрешни работи велат дека веќе одговориле по истите.
„СДСМ уште еднаш покажа дека нема ниту грам почит кон туѓата трагедија, некрофилски обидувајќи се да поентира на случајот кој веќе е во судска постапка. Токму расчистувањето на целиот случај за помалку од 24 часа, откако е добиено известувањето за причините за смртта од Институтот за судска медицина, го покажува лицемерието со кое СДСМ повторно ги потценува граѓаните кои јасно и кажаа не на таквата политика“, се наведува во реакцијата на МВР, по барањето на СДСМ Јавниот обвинител да поднесе кривични пријави против министерката Гордана јанкуловска и портпаролот Иво Котевски.
Тие додаваат дека токму лоцирањето на одговорноста и процесуирањето на случајот за неполни 24 часа, ја покажува разликата помеѓу сегашното постапување на МВР и начинот на работење до 2006 година.
„За разлика од изведувањето на осомничениот за убиството на Мартин Нешковски пред судот, солзите на Езерџан Бекиров (татко на малиот Трајан Бекиров) во јуни 2006 година не само што не беа доволни да се процесира пријава, туку крајно игнорантски СДСМ не отвори ниту истрага за случајот.
За разлика од изречениот притвор за осомничениот за убиството на Мартин Нешковски, молбите и тагата на роднините на убиениот Диме Ицковски-Поштар, исто така не беа доволни за отворање на истрага и покрај јавно искажаните негови стравови дека ќе биде ликвидиран“, велат од МВР во реакцијата.
Тие потсетуваат и на полициската акција во селото Раковец во јуни 2003 година, за која велат останаа новинарските написи „бремената Асије Скендери (26) загина во пресметка на полиција со вооружена банда, кога полицијата не успеа да го уапси Саид Рушити“./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска Давкова во Њујорк оствари средба со високиот претставник на американскиот Стејт Департмент за Западен Балкан, Александар Касаноф
Претседателката Гордана Сиљановска Давкова, во рамки на учеството на 79. Генерално Собрание на Обединетите Нации, во Њујорк оствари средба со Александар Касаноф, заменик-помошник државен секретар на САД за Западен Балкан.
На средбата претседателката Сиљановска Давкова ја потенцираше важноста на стратешкото партнерство и пријателство со САД и изрази очекување за засилување на поддршката од официјален Вашингтон за што побрз почеток на пристапните преговори со ЕУ.
Претседателката Сиљановска Давкова укажа дека во интерес на двете земји и регионот на Западен Балкан е наскоро да бидат отворени првите поглавја во македонските преговори со ЕУ и дека САД ќе имаат конструктивна улога во тој процес, што е важен и поради глобалните безбедносни предизвици.
Претседателката Сиљановска Давкова во разговорот изрази надеж дека Европската Унија ќе почне да ги почитува сопствените одлуки кои укажуваат дека билатералните прашања не смеат да го блокираат процесот на проширување.
Македонската претседателка го повтори ставот дека по 16 препораки на Европската Комисија за почеток на македонските преговори за членство, ЕУ треба да ги спроведе сопствените правила и да се базира на критериумите од Копенхаген како единствени услови за влез во унијата.
Американскиот заменик помошник државен секретар Александар Касаноф порача дека претседателката Силјановска Давкова и владата во Скопје може да сметаат на поддршката од САД во обидот да се пробие блокадата со која што се соочува земјата на патот кон ЕУ.
На средбата Касаноф упати благодарност за македонската воена и техничка поддршка за Украина која што ја потврдува позицијата на земјата како кредибилна земја партнер на САД и членка на НАТО.
Македонија
„Власта на СДС и ДУИ преку владиниот секретаријат за една година потрошила 23 милиони евра на сомнителен начин“, вели ВМРО-ДПМНЕ
„Владата предводена од СДС и ДУИ наместо да се грижи за граѓаните се грижела за интересот на поединци и за партискиот интерес. Државниот завод за ревизија за 2021 година констатирал неосновано исплаќање на средства од страна на Генералниот секретаријат на Владата“, велат од ВМРО-ДПМНЕ.
„Генералниот секретаријат исплатил средства на несоодветен начин од делот владини програми во 2021 година во износ од 1.404.711.000 денари, односно 23 милиони евра.
Додека Генералниот секретаријат исплаќал неосновано 23 милиони евра граѓаните се лечат во несоодветни услови, собираат пари за лекување на деца со помош на смс пораки, учениците не добиваа учебници, цената на струјата се покачи и слично.
Ова е еден од многуте примери за недомаќинско трошење на парите на парите на граѓаните од страна на владата предводена од СДС и ДУИ. Секој кој постапувал спротивно на законот мора да одговара“, соопшти ВМРО-ДПМНЕ.
Македонија
Мисајловски од Пентагон: Продуктивни билатерални одбранбени консултации и потврдена македонско-американската одбранбена соработка
Министерот за одбрана, Владо Мисајловски и Треша Гуенов, Главен заменик помошник на секретарот за одбрана на САД за меѓународни прашања, во Пентагон ги отворија Годишните Билатерални одбранбени консултации.
На отворањето на Консултациите министерот Мисајловски ја истакна суштинската важност на македонско-американската одбранбена соработка, се заблагодари за значајната поддршка во опремување и модернизација на македонската Армија, за советодавната поддршка во одбранбените реформи, како и за три децениската поддршка и придонес во обуката и вежбовните активности на Армијата и вработените во одбраната и порача дека зајакнувајќи ги одбранбените капацитети на нашата земја остануваме посветени на сигурноста и стабилноста на Балканот и пошироко .
Мисајловски ја потврди заложбата на Владата, за доследно исполнување на обврските од последниот Самит во Вашингтон, притоа потврдувајќи ги проекциите на Буџетот за одбраната за 2025 година и модернизација на Армијата и континуитет на започнатите заеднички процеси.
Во однос на нашиот придонес и посветеност кон колективната безбедност, Мисајловски истакна дека тоа може да се види преку учеството на армиските припадници во мултинационалните сили на НАТО во Латвија, Романија и Бугарија, на регионално ниво преку придонесот во мисијата на НАТО на Косово, КФОР и во операцијата на ЕУ, во Босна и Херцеговина, АЛТЕА и мисијата на ООН во Либан.
Билатерални одбранбени консултации се одржаа во три сесии, со учество на високи делегации од двете страни на кои се дискутираше за соработката и идните сојузнички приоритети, вклучувајќи го учеството во заеднички вежби и обуки, придонесот кон глобалниот мир и безбедност, зајакнување на нашите одбранбени капацитети, како и долгогодишното партнерство со Националната Гарда на Вермонт.
На Консултациите освен министерот Мисајловски, учествуваа и Началникот на Генералштабот на Армијата, генерал-мајор Сашко Лафчиски, заменик на директорот во Здружениот штаб Ј5, за Европа, НАТО и Русија, бригаден генерал Грант Фосет, државниот секретар во Министерството за одбрана, Елизабета Чуповска Ристова, одбранбено аташе на САД, полковник Даниел Сквајерс, претставници од Здружениот штаб, Агенцијата за одбранбена безбедносна соработка, Стејт департментот на САД, Командата на САД за Европа и експертските тимови на Пентагон, Министерството за одбрана и Генералштабот на Армија.
За време на посетата на САД, министерот Мисајловски оствари работни средби и со Алтон Буланд , директор за ЕУ и НАТО политика во Канцеларијата на секретарот за одбрана, и со генерал потполковник Џонатан Стабс, Шеф на бирото на националната гарда на САД.