Свет
Брисел ќе не праша за нерешените корупциски скандали
На дводневната конференција, затворена за јавноста, учествуваат високи функционери од земјава и од странство, експерти, како и претставници на политички партии, на невладини организации и истражувачки центри
Конференција за евроинтегрирањето на Југоисточна Европа во Европската унија
На дводневната конференција, затворена за јавноста, учествуваат високи функционери од земјава и од странство, експерти, како и претставници на политички партии, на невладини организации и истражувачки центри. Организатори на конференција се Секторот за европски прашања на македонската Влада и „Вилтон парк”, британски Центар за анализа и промоција на главните политички текови во Европа
Слободанка Јовановска
Британскиот амбасадор Роберт Диксон, на отворањето на конференцијата за евроинтегрирањето на ЈИЕ во ЕУ, порача дека како земја-аспирант за членство Македонија мора да го реформира правосудството, да биде способна да организира слободни и фер избори и да воспостави функционално пазарно стопанство. Според него, проширувањето на Унијата ќе продолжи, но ЕУ нема да ги компромитира своите услови. „Македонија треба да направи практични чекори за пристапување кон Европската унија”, рече тој, додавајќи дека Брисел ќе ја праша Македонија колку случаи на корупција се завршени и како земјата се справува со неправилностите на изборите.
Ален Лероа, поранешниот специјален пратеник на ЕУ во Скопје, најави дека ќе лобира кај француската влада Македонија да добие позитивно мислење од Европската комисија бидејќи, според него, таа го заслужува тоа.
„Не сум член на Европската комисија и не можам да кажам какви ќе бидат нејзиниот извештај на 9 ноември и одлуката на Европскиот совет на 15 декември.Но, мое лично мислење е дека Македонија заслужува да бидеиnbsp; дел од ЕУ. Ние баравме и бараме многу од вас, во минатото и сега, но јас можам да посведочам дека Македонија стори многуиnbsp; за да ги достигне европските стандарди.Целиот тој прогресиnbsp; покажува дека Македонија го заслужува тоа многу јасно, но треба да продолжите, исто така, и со реформите”,изјави Лероа, оценувајќи се себеси компетентен да даде ваква препорака, бидејќи лично знае каква била состојбата претходно и каква е сега во Македонија, што егзалтирано ја нарече свој втор дом.Претседателот на Европската иницијатива за стабилност, Гералд Кнаус, пак, изјави декаиnbsp; Македонија сў уште не успеала да ја продаде својата успешна приказна, иако е во пресрет на мислењето од Брисел за статусот на земја-кандидат за членство во ЕУ.
“Треба да се убеди европската јавноста дека се носи голема одлука за Македонија. Охридскиот договор е дел од таа успешна приказна, но таа уште не е продадена”, изјави тој, додавајќи декаиnbsp; Македонија е следната важна точка на дневниот ред на ЕУ по Турција. Спикерот на парламентот, Љупчо Јордановски, рече дека е јасно овде дека во процесот на пристапување кон ЕУ нема стекнати, туку само добро одработени позиции, а Македонија ги одработила новата територијална организација, Законот за употреба на симболите, Законот за референдум, почеток на имплементирање на законите за децентрализација и други реформи.
„Некој вели дека сме експеримент. Јас велам нека сме експеримент, но за новата, обединета Европа од судбинско значење е тој експеримент да успее”, оцени Јордановски на отворањето на конференцијата.
На дводневната конференција, затворена за јавноста, учествуваат високи функционери од земјава и од странство, експерти, како и претставници на политички партии, на невладини организации и истражувачки центри. Организатори на конференција се Секторот за европски прашања на македонската Влада и „Вилтон парк”, британски Центар за анализа и промоција на главните политички текови во Европа, со поддршка на Министерството за надворешни работи на Кралството Норвешка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.