Свет
Еден судија треба да реши 6.000 прекршочни предмети
Апелациониот суд првпат се отвори во јавноста, презентирајќи бројки за минатогодишното работење
Апелациониот суд првпат се отвори во јавноста, презентирајќи бројки за минатогодишното работење
Доколку до крајот на годината судовите не ги решат предметите, бројката ќе порасне на над 500.000 нерешени случаи
Над половина милион незавршени предмети е бројката што им се заканува на основните судови на територија на Апелациониот суд во Скопје доколку до крајот на годинава не се преземат мерки за да се олесни работата на судовите. Според статистиките, секој судија моментално решава околу 6.000 прекршочни предмети годишно, бројка која, до почетокот на идната година, се очекува да се искачи дури на 8.500 прекршочни предмети. Судовите курубат со кадри, а главно се водат и како неажурни. Во вакви услови, велат судиите, Македонија е можеби на последно место од сите други европски држави, каде што судиите сами ги пишуваат судските покани и тоа рачно.
Со овие оцени, претседателот на Апелациониот суд Скопје, Вели Ведат, го претстави работењето на судот и на основните судови на негова територија со што, за првпат, судот се отвори во јавноста, откако претходно тоа го стори Основниот суд во Кавадарци. Ведат го презентираше Годишниот извештај од работата на Апелациониот суд за 2004 година, каде што низ компаративни анализи и за претходните три години се претставени решени и нерешени предмети, како и работата на судиите поединечно.
Претседателката на Републичкиот судски совет, Ленче Софрониевска, ја поздрави иницијативата, која ја поддржа и УСАИД, констатирајќи дека другите две власти работат многу потранспарентно од судската власт. Таа оцени дека е потребна јавна контрола на судиите, што очекува дека ќе се воспостави и со електронското поврзување на судовите со другите институции.
Претседателот на Апелациониот суд го оцени овој суд како ажурен, а главната вина за кочење на судските постапки им ја префрли на основните судови. Според статистичките податоци, во повеќе од 90 отсто случаи што ги решавал Апелациониот суд, постапките траеле до еден месец, што не е случај со основните судови. Апелациониот суд ги оквалификува како неажурни основните судови Скопје 1 и 2, потоа основните судови во Куманово, Неготино, Гевгелија, Тетово, Гостивар и Дебар. Релативно ажурни се основите судови во Кратово, Велес и Кавадарци, а единствено ажурен е судот во Крива Паланка.
Според извештајот, бројот на нерешени предмети во април годинава бил 416.808, што е за над 100.000 споредено со истиот период лани. Во Апелациониот суд има 48 испразнети места, а во основните судови се евидентирани вкупно 417, од кои 217 се резервирани за стручен кадар. Ведат се пожали дека во судовите не се предвидени нови вработувања.
“Во основните судови има уште поголеми проблеми. И таму се преполовени вработените, но посебен проблем е тоа што во последниве години имаме непослушност на граѓаните кои не сакаат да ги плаќаат своите обврски спрема државата, а поради краткиот рок, претпријатијата се должни во рок од една година да го префрлуваат извршувањето во судовите. Со тоа се трупаат предметитееи, изјави Ведат. Според него, бројот на предметите перманентно се зголемува, а бидејќи во судовите нема извршители или тие се во мал број, тие предмети не можат да се извршат. Истовремено, проблем е и недостигот од кадар, посебно во прекршочното одделение, каде што перманентно се зголемува бројот на предмети.
Ситуацијата во основните судови може да се поправи со отстранување на субјективните пропусти кај судиите и зголемување на бројот на решените предмети, што очекува да се реши со новите законски прописи со кои дел од предметите ќе ги решаваат агенции и други органи. (Ж.Ѓ.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: Нема да ја почитувам одлуката на Уставниот суд
Српскиот лидер во Босна и Херцеговина, Милорад Додик, изјави дека нема да ја почитува одлуката на Уставниот суд на таа земја, кој го оспори изборниот закон за ентитетите, и покрај тоа што неговата партија ќе учествува на претстојните локални избори, кои се одржуваат според одредбите на друг државен изборен закон.
„Изборниот закон на Република Српска е уставен и овој правен акт ќе се применува“, изјави Додик за Радио телевизија на Република Српска, реагирајќи на вчерашната одлука на Уставниот суд на Босна и Херцеговина.
Тој суд оцени дека со донесувањето на Изборниот закон на Република Српска е прекршен Уставот на Босна и Херцеговина. На овој начин се оспорува улогата на Централната изборна комисија на БиХ, која е задолжена за организирање и спроведување на изборите.
На ваков потег се одлучија откако високиот меѓународен претставник Кристијан Шмит наметна измени во изборниот законик на Босна и Херцеговина.
Сепак, Додик тврди дека само ќе го почитува Изборниот законик за ентитетите бидејќи тој не бил оспорен од Уставниот суд на Република Српска. Но, државниот е.
И покрај приговорите и отфрлањето на одлуките на Уставниот суд на БиХ, кои властите на Република Српска ги нарекуваат скратени затоа што двајца српски судии не учествуваат во неговата работа, партиите на власт од тој ентитет сепак ќе учествуваат на претстојните локални избори организирани од државната Централна изборна комисија.
Овие избори ќе се одржат на 6 октомври, а ќе се изберат нови свикувања на градските и општински совети и раководители на 141 општина и град.
Свет
Захарова: ЕУ го изгуби умот и е на пат кон пропаст
Портпаролката на руското Министерство за надворешни работи, Марија Захарова, денеска изјави дека Европската унија „го изгубила умот“ и дека со доделувањето дополнителни средства за воена помош за Украина, тргнала на „патот на пропаст“.
Претседателката на Европската комисија, Урсула фон дер Лајен, вчера во Брисел изјави дека ЕК дополнително ќе одвои околу 160 милиони евра за помош на енергетскиот систем на Украина, што вклучува 60 милиони за хуманитарни потреби и 100 милиони за поправки и реконструкција, дека оваа сума ќе биде обезбедена од приходи од замрзнати руски средства.
Фон дер Лајен денеска за време на посетата на Киев изјави дека ЕУ ќе и додели на Украина заем до 35 милијарди евра, пренесува РИА Новости.
Захарова го повтори тврдењето дека ЕУ ја загубила својата автономија и е подредена на целите на Вашингтон, велејќи дека Брисел ја изгубил секоја власт.
„Сега ЕУ го изгуби умот. Тоа е курс што води кон ескалација на тензиите со Русија“, рече Захарова.
Таа ги обвини западните земји за кражба на руски имот.
„Крадат се, недвижен имот, движен имот, суверена сопственост. Перењето на овој незаконски стекнат имот буквално се случува пред наши очи, преку купување оружје за Украина“, рече Захарова.
Свет
ЕУ ќе и’ додели заем од 35 милијарди евра на Украина
Европската Унија ќе и’ одобри заем до 35 милијарди евра на Украина за да и’ помогне на таа земја заглавена во тешката војна со Русија, најави претседателката на Европската комисија, Урсула фон дер Лајен.
Заемот, кој беше најавен за време на посетата на шефот на комисијата на Киев, е дел од поширокиот план на земјите од Г7 за собирање пари со користење од руските средства замрзнати за да се санкционира Русија поради инвазијата.
„Немилосрдните руски напади значат дека на Украина и’ е потребна континуирана поддршка од ЕУ“, рече фон дер Лајен во објавата на „Икс“.
Украина се соочува со огромни финансиски потреби по повеќе од две години интензивна војна која ја уништи нејзината инфраструктура.
Русија деактивираше околу 9 гигавати (GW) од енергетската инфраструктура на Украина.
Групата 7 (Г-7) замрзна руски финансиски средства во вредност од околу 300 милијарди долари кусо време по инвазијата на Москва на Украина во 2022 година. Тие ветија дека ќе ги искористат средствата за да му помогнат на својот сојузник, но поминаа месеци дебатирајќи точно како може да функционира таков механизам.
Во мај, ЕУ склучи договор меѓу своите земји-членки според кој 90 отсто од тие приходи ќе одат во фонд управуван од ЕУ за воена помош за Украина, додека останатите 10 отсто ќе го поддржат Киев на други начини.
Се очекува Украина да ја добие првата транша од помошта во јули, соопштија дипломатите на ЕУ.