Свет
Москва ќе поддржи санкции против Иран
Иранските власти ја обвинија Русија дека не го исполнува договорот за испорака на балистички ракети С-300, пишува „Комерсант“, објаснувајќи го доцнењето од чисто технички причини
Анонимни извори на весникот од руското Минисерство за надворешни работи и од државната компанија Рособоронекспорт, која од руска страна го потпиша договорот со Иран за испорака на ракети, неофицијално признале дека проблемот е чисто политички.Во Сингапур утре ќе се сретнат претседателите на Русија и на САД, Дмитриј Медведев и Барак Обама. Тие не само што ќе разговараат за нуклеарната програма на Иран, туку можат да донесат и решение кога да бидат воведени санкции против Техеран, пишува весникот.Како одговор на обидите на Техеран да го отфрли предлогот за прекин на преработувањето ирански ниско збогатен ураниум во Русија и Франција, Вашингтон се подготвува да реагира со нови санкции, наложени од Советот за безбедност на ОН. Тие вклучуваат забрана за увоз на течни горива во Иран, ограничување на пристапот на ирански стоки до меѓународните пазари и замрзнување на иранските банкарски сметки во странство.Но за да дадат резултат овие санкции, САД ја бара поддршката на Русија. Медведев претходно веќе изјави дека Москва може да ги поддржи санкциите против Иран, доколку другите варијанти не дадат резултат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.