Македонија
Груевски и Папандреу изразија подготвеност за наоѓање решение за прашањето за името
Македонскиот премиер Никола Груевски денеска на маргините од Европскиот Совет во Брисел, се сретна со својот грчки колега, при што е изразена подготвеност за изнаоѓање на решение околу прашањето за името.
Македонскиот премиер Никола Груевски денеска на маргините од Европскиот Совет во Брисел, се сретна со својот грчки колега, при што е изразена подготвеност за изнаоѓање на решение околу прашањето за името.Како што известуваат од Владата, двајцата премиери се согласни дека решението треба да оствари низ дијалог и динамичен процес под покровителство на Обединетите нации.Двајцата премиери разговарале за прашањата од заемен интерес, економските ситуации и предизвици во двете земји и за состојбите во регионот, се додава во соопштението на Владата на Република Македонија. Средбата е дел од континуираниот македонско-грчки дијалог и во насока на подобрување на квалитетот на односите меѓу двете земји. Ова беше десетта средба меѓу Груевски и Папандреу и прва по предвремените парламентарни избори во Македонија.
Преmиерот Никола Груевски денеска во Брисел имаше средба и со еврокомесарот за проширување Штефан Фуле.Како што соопшти кабинетот на Фуле по средбата „2011 година може да биде година на можност за процесот на проширување на Западен Балкан и ние сакаме да се осигураме дека Скопје е меѓу оние земји во регионот кои водат на патот кон подлабоко интегрирање во Европската унија“.Еврокомесароt Фуле и високиот претстваник на Унијата Кетрин Ештон ги поздравија транспарентните и демократски избори, особено денот на изборите и врз основа на тоа очекуваат брзо формирање на новата влада. На средбата со комесарот Фуле, премиерот Груевски го информирал за реформите што ги прави Владата за исполнување на Копенхашките критериуми за членство, а била договорена и натамошна интензивна соработка за спроведување на реформскиот процесс во областа на судството, јавната администрација и борбата против корупцијата./крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.
Македонија
Оштетени билборди и рекламни паноа на политичка партија во Тетово
Вчера на улицата ,,Киро Ристовски-Дрнц” и на улица „Маршал Тито” во Тетово биле оштетени билборди и рекламни паноа од парламентарните избори од една политичка партија.
Се преземаат мерки за расчистување на случајот, објави МВР.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.