На средбата со делегацијата на германските патеници, претседателот на Демократската унија за интеграција (ДУИ) како два приоритета во македонската политика на надворешен и внатрешен план ги потенцираше потребата од скоро решени за името и зачленување во НАТО

На средбата со делегацијата на германските патеници, претседателот на Демократската унија за интеграција (ДУИ) како два приоритета во македонската политика на надворешен и внатрешен план ги потенцираше потребата од скоро решени за името и зачленување во НАТО, додека процесот на преговори со ЕУ „може да потрае“. Ахмети, исто така, најави дека треба да се размислува за нов закон за попис и ревизија на Заводот за статистика. Во средата доцна попладне, во просториите на амбасадата на Германија во Македонија, лидерот на ДУИ, Али Ахмети, имаше работна средба првиот човек на Парламентарната комисија на германскиот Бундестаг за односи со земјите од југоисточна Европа, пратеникот Питер Вајс, придружуван од колегите  Марилуиза Бек и Ута Цапф, при што беше разговарано за политичката ситуација во земјава и регионот, имплементацијата на Охридскиот Договор, пописот на населението и прашањето со името, што е блиску поврзано со евроатлантските интеграции. Ахмети ги информира ги информираше германските пратеници за постигнатото десет години по потпишувањето на Рамковниот договор од Охрид, во однос на усвоените закони и правичната застапеност, при што порача дека уште повеќе треба да се направи за да се „реализира целосно овој мировен договор којшто ги постави темелите на едно мултиетничко општество со еднакви права за сите граѓани“. Во врска со пописот, лидерот на владејачката ДУИ го повтори ставот дека коалиционите партнери решија да ја прифатат колективната оставка на Државната пописна комисија заедно со нивната препорака за престанок на пописот. „Сепак – Ахмети навести дека – треба да се донесе нов закон за попис со етнички и политички консензус и да се реформира целосно Државниот завод за статистика пред да пристапиме кон нов процес на попишување на населението“. Прашан за развојот на настаните на Косово и во регионот, Ахмети се заложи за неменливост на границите затоа што тоа би придонело кон неизбежлив домино ефект врз земјите во регионот.По прашањето на за безбедносната ситуација во Македонија и во регионот и затворањето многу отворени прашања, Ахмети, како што информираат од службата за односи со медиумите на ДУИ, истакна дека Македонија мора што поскоро да го реши прашањето со името и да стане членка на НАТО, додека процесот на преговори со Европската унија може и да потрае. Ахмети побара помош од Бундестагот за решавање на спорот со името и зачленување на Македонија во НАТО и порача дека потоа Европската Унија може да побара целосна одговорност од ДУИ и од Владата за исполнување на сите потребни реформи за членство во Европската унија./крај/мф/сн