Свет
Изборот на медијаторите е изборна корупција
При изборот на кандидатите, освен за законски предвидените критериуми, се води сметка и за други елементи од нивната биографија
ЉУБИЦА РУБЕН тврди
При изборот на кандидатите, освен за законски предвидените критериуми, се води сметка и за други елементи од нивната биографија
И медијаторите, последните чинители на правниот систем, се ставени под капата на СДСМ, зашто се избрани без прецизни критериуми, смета Љубица Рубен, правна консултантка и управителка на правната фирма „Менс легис“, која беше одбиена на конкурсот за медијатори.
Таа бара одговорност од министерката за правда Мери Младеновска-Ѓорѓиевска, зашто смета дека министерката избрала свои луѓе за медијатори. Во Министерството за правда велат дека при изборот на кандидатите, освен за законски предвидените критериуми, било водено сметка и за други елементи од нивната биографија, како што се поседувањето лиценци за друга дејност и за искуството во слични работи.
– Министерката за правда, пред заминувањето од функцијата, обезбеди уште една група од 30 луѓе, кои ќе бидат под капата на владејачката структура. Избор на луѓе, кои први ќе го освојат пазарот на медијатори, не се прави пред избори. Ова прилега на изборна корупција бидејќи тие луѓе и нивните семејства ќе бидат благодарни и ќе гласаат за владејачката структура. Вака, сите правни професии, па дури и најлибералната, како што се медијаторите, се ставени под контрола – рече Рубен.
Таа рече дека слушнала оти имало големи притисоци од министри и од други страни за изборот на првата група медијатори. На конкурсот се пријавиле околу 500 кандидати.
– Му предлагаме на донаторот, една холандска фондација, која го финансира проектот за едукација, да инсистира да се утврдат стриктни критериуми при избор на медијаторите, а не тоа да биде дискреционо овластување на министерката, односно на комисијата што ја формирала. На тој начин се крши Уставот, кој гарантира еднакви услови за сите да се занимаваат со професијата што ја избрале и право на жалба. Во случајот ние како одбиени не сме ни информирани за одлуката, ниту имаме право на жалба – рече Рубен.
Законот за медијатори предвидува кандидатите да имаат високо образование, петгодишно работно искуство и да не се осудувани.
– Не можам да кажам за сите избрани кандидати, но дел од нив се блиски со владејачката структура, а многу се и членови на Управниот одбор на Адвокатската комора, меѓу кои е и претседателот на комората. Тие станаа медијатори иако, одговорно тврдам, беа против воведувањето на медијаторството кај нас и го блокираа формирањето на здружението на медијатори уште пред една година. На првите медијатори им е овозможено и први да го освојат пазарот, да ја формираат комората на медијаторите и со тоа да воспостават контрола врз неа. Ова е предизборен скандал и корупција за прибирање гласови – обвинува Рубен.
Во министерството најавија дека следниот избор на нови 60 кандидати за медијатори ќе се изврши во септември, а дека до крајот на годинава ќе се формира Комората на медијаторите, која во иднина ќе избира членови. Прв пилот-суд ќе биде скопскиот Основен суд 1, најверојатно судот во Струмица, а се очекува воведувањето на медијаторството да заврши во 2008 година.
(Н.Н.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с