Европа
Европа во Новата година влезе со зајакнати безбедносни мерки
Вообичаено на плоштадите и со огномети во европските престолнини беше дочекана новата 2016 година, меѓутоа и како никогаш досега тоа беше проследено со засилени безбедносни мерки поради терористичките закани, а најдраматично беше во германски Минхен каде поради „веродостојни закани“ беа евакуирани двете градски железнички станици.
Атмосферата на прославите ширум Европа беше од безгрижна до претпазлива, особено во западните престолнини. Стравот и неизвесноста се надвиснаа над многу европски градови, при што поради терористичките закани во Париз и во Брисел беа откажани главните настани.
Повеќе од 100.000 луѓе ги следеа огнометите во Лондон и во другите британски градови, со засилени безбедносни мерки. На традиционалната Хагманеј забавата во шкотскиот главен град Единбург во Новата година се влезе со пораката на британскиот астронаут Тим Пик, кој на собраните им се јави во живо од Меѓународната вселенска станица (ISC).
Традиционалната новогодишна прослава во Париз годинава беше многу поскромна и со големи безбедносни мерки, откако француската престолнина во минатата 2015 година беше сцена на два големи терористички напади, кон средината на јануари и на ноември, во кои беа убиени вкупно повеќе од 145 луѓе. Од безбедносни причини париската полиција го скуси времето во кое граѓаните можеа да дојдат на прославата на авенијата Шанзализе, а огнометот беше откажан.
Кај Триумфалната капија наместо традиционалното ласерско шоу се одржа видео перформанс кој траеше само пет минути пред полноќ. Париската градоначалничка Ан Идалго изјави дека намерата на видеото е да му се испрати порака на светот дека Париз е горд на својот животен стил и на заедничкиот живот. Претходно францускиот претседател Франсоа Оланд ѝ се обрати на нацијата велејќи дека земјата сé уште докрај не се пресметала со тероризмот, шест седмици откако вооружените исламистички терористи на 13-ти ноември убија 130 луѓе на улици, ресторани, кафулиња и концертна сала во Париз.
Поради терористички закани беше откажан огнометот во Брисел, престолнината на Белгија и седиштето на институциите на Европската унија и на НАТО, каде што во врска со париските атентати беше подигнато нивото на тревога од терористички напад до 30-теи декември, а во тој период беа уапсени десетина лица поради сомневања дека се поврзани со терористички ќелии и организирање напади.
Дополнителни полициски сили патролираа и на улиците на Лондон и на Рим, а дополнителни сили и контроли имаше и на прославите на отворено во Мадрид, Истанбул и Москва. Традиционалната прослава на Црвениот плоштад во руската престолнина беше откажана, а на централниот мадридски плоштад Пуерто дел Сол беше дозволено собирање на само 25.000 луѓе.
Германските власти ги засилија контролите по должината на два километра долгата главна авенија во главниот град Берлин, а посетителите на тамошната прослава не смееја да носат ранци и торби. Во Берлин беше откажан огнометот кај Бранденбуршката капија, а се проценува дека повеќе од милион луѓе присуствувале на одбројувањето на последните минути од минатата година.
Најсериозно беше во баварската престолнина Минхен, каде во четвртокот вечерта беше целосно евакуирана главната железничка станица, и уште една во дистриктот Пасинг, поради, како што наведоа властите, веродостојна терористичка закана. На возовите им беше забранет везот во железничката станица во Минхен, којашто инаку е втората по фреквенција на патници и возови во Германија. Според германските медиуми, информацијата дека се подготвува напад од група меѓу пет до седум лица дошла од француските власти. Се наведува, исто така, дека истата информација дошла од неколку различни извори и оти цел на полициската истрага се шест лица. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија очекува да се договори за датум за третата рунда мировни преговори со Украина
Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона
Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари
Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.
Стејт департментот издаде глобално предупредување за Американците
По нападите на САД врз Иран, на граѓаните на САД ширум светот им се препорачува зголемена претпазливост. Стејт департментот издаде...
Се огласи врховниот лидер на Иран: Ционистичкиот непријател направи голема грешка, мора да биде казнет
Додека светот ја чека најавената иранска одмазда за нападите на САД врз нуклеарните постројки, врховниот лидер на Иран, ајатолахот Али...
Скопјанец ја истепал 4-годишната ќерка кога се качила на креветот за да ги земе играчките, има набиеница на главата, се бара притвор
Против 28-годишен скопјанец е поведена постапка за нанесување телесна повреда врз четиригодишната ќерка. Основното јавно обвинителство Скопје ја иницираше постапката поради...
Иран: Ние претрпевме штета, но нашето нуклеарно знаење не може да биде уништено
По американските напади во неделата, Иран смета дека неговото знаење во нуклеарната технологија не може да биде уништено. „Треба да...
Единаесет македонски државјани чекаат евакуација со лет од Тел Авив, небото над Израел денес е затворено
По денешното повторно затворање на воздушниот простор на Израел и аеродромот „Бен Гурион“ во Тел Авив, сите летови кон и...
12 отсто од вработените на Клинички ќе паркираат на пет минути пеш за да им се олесни пристапот на пациентите, најави Алиу
Триста вработени од вкупно 2.500 на Клиничкиот центар Мајка Тереза од 1 јули ќе можат да ги паркираат своите возила...
Хаос во хотел во Лазарополе: скопјанец фрлал предмети и нападнал сограѓанин
Дваесет и деветгодишен скопјанец, К.Ж. е приведен по инцидент што се случил синоќа во хотел во Лазарополе. Според информациите од...
Инжинери на Македонија: Глоба до 3.000 евра за ЕВН ако не овозможи визуелен пристап до броилото
Потрошувачите на електрична енергија имаат законско право на визуелен пристап до сопствените броила, а секое спречување на тој пристап од...
(Видео) Трамп: Целосно ги уништивме иранските комплекси, или ќе има мир, или нови напади
Американскиот претседател Доналд Трамп, во директното обраќање до нацијата, потврди дека американските сили извршиле напади врз три ирански нуклеарни постројки....
САД го нападнаа Иран
Американскиот претседател Доналд Трамп објави дека САД ги завршиле нападите врз три нуклеарни постројки во Иран, вклучувајќи ги Фордо, Натанц...
Протестираме за вашите деца оти утре ден не дај боже да се случи истото – татко кој загуби син ги повика кочанчани масовно да им се приклучат
Таткото кој го загуби синот во пожарот во дискотеката „Пулс“ во Кочани, го повика населението во градот масовно да излезе...
Скопјанец пијан ја тепал сопругата со чадор во Бутел, ползејќи и губејќи свест стигнала до дворот да повика помош
Семејно насилство во Бутел ја вознемири јавноста. Обвинителството поведе постапка против 54-годишен скопјанец кој во домот на улицата Бутелска ја...
ЗНАМ очекува до крајот на месецот да ги заврши преговорите со ВМРО-ДПМНЕ за взаемна поддршка на некои кандидати за градоначалници
ЗНАМ на локлните избори ќе настапи самостојно, како на советничките листи, така и за изборот на градоначалници, а со ВМРО-ДПМНЕ...
Вработениот во Народната банка се сомничи дека го зел синиот ранец со пиштолот со кој се убиени Вања и Панче, покрената е истрага
Обвинителството покрена истрага за помагање за З.Д., вработениот во Народната банка, член на партијата на Љупчо Палевски, Десна, кој беше...
Движењето со инвалидски колички во Скопје е можно само ако можат да летаат – активистите со провокативна акција
Група млади активисти и уметници под менторство на програмата за креативен активизам на Центарот за современи уметности реализираа впечатлива и...
Вештачката интелигенција постепено ќе навлезе во училиштата во Македонија, Јаневска подготвува документ со насоки
Во процесот на дигитална трансформација на образовниот систем, интеграцијата на вештачката интелигенција претставува следен, логичен чекор кој значително ќе го...
Ново апсење на патот Гостивар-Тетово: тетовец возел 190 километри на час, а дозволено е 80
Во текот на вчерашниот ден приведен е возач од тетовско кој управувал возило со брзина од 190 километри на час...
Израелскиот министер: Го убивме командантот на огранокот на Иранската револуционерна гарда
Министерот за одбрана на Израел, Израел Кац изјави дека израелската армија го убила командантот на меѓународниот огранок на Иранската револуционерна...
Земјотрес во Охрид
Земјотрес со јачина од 2,4 степени според Рихеровата скала бил почувствуван синоќа во Охрид и околината. Според информациите на сеизмолошкиот...
Детали за несреќата во Охрид: возачот немал дозвола, поминал преку кружниот тек и на тротoар ја прегазил жртвата
Основното јавно обвинителство Охрид отвори истрага против две лица за тешки дела против безбедноста на луѓето имотот во сообраќајот, во...
