Спорт
Пујол ја заврши репрезентативната кариера
Одбранбениот фудбалер на Барселона нема веќе да настапува за шпанската репрезентација, соопштувајќи дека финалето на СП во Јужна Африка бил негов последен настап за фуријата
Еднен од водечките шпански дневни спортски весници Marca пишува дека Карлес Пујол уште во ноември минатата година донел одлука по мундијалот во Јужна Африка да се повлече од репрезентативните настапи, а пред неколку дена, по разговорот со селекторот Винсенте дел Боске и директорот на репрезентацијата Фернандо Иеро ветил дека ќе размисли, но откако Шпанија стана светски првак, Пујол заклучил дека со националниот тим постигнал се што можел.За својата конечна одлука, како што пишува мадридска весникот, Пујол ги информирал и Дел Боске и Иеро и побарал да не биде во тимот за пријателскиот меч со Мексико, иако шпанскиот селектор го наговарал да дојде до бројката од сто натпревари во репрезентативниот дрес.Така ќе остане запишано дека за шпанската репрезентација одиграл 90 меча, а интересно е што дебитираше во ноември 2000-та, против истиот противник со кој ја заврши кариерата – Холандија.Постигна вкупно три гола, а највреден е оној што го постигна против Германија во полуфиналето, што „црвената фурија“ ја однесе во финалето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.
Спорт
(Видео) Арсенал не се откажува од шампионската трка
Фудбалерите на Арсенал го победија Борнмут со 3:0 во натпреварот од 36. коло на Премиер лигата.
Головите за „топчиите“ ги постигнаа Букајо Сака во 45. минута од пенал, Леандро Тросар во 70. и Деклан Рајс во седмата минута од судиското надополнување во вториот дел.
Арсенал доминираше во првото полувреме и постојано притискаш кон голот на гостите. Вп првите 30 минути блескаше голманот на Борнмут во првиот половина час беше голманот Марк Траверс, кој одбрани неколку тешки удари.
Во вториот дел Арсенал го зголеми притисокот кој резултираше со два гола.
На две кола до крајот на сезоната Арсенал има четири бода повеќе, од Манчестер сити кој до крајот на сезоната ќе одигра уште четири натпревари.
Спорт
Де Зерби останува во Брајтон
Италијанскиот тренер Роберто Де Зерби нема намера да го напушти Брајтон по завршувањето на сезоната.
Медиумите на Островот пренесуваат дека италијанскиот стручњак ја одбил понудата на Баерн да го наследи Томас Тухел.
Покрај тоа, неговото име во последните недели се поврзуваше со Челзи, Милан, Ливерпул и Манчестер Јунајтед, но се чини дека тој ќе остане на југот на Англија.
Тој најави дека ќе следат разговори со првиот човек на клубот Тони Блум.
„Ќе разговараме со Тони Блум. Мислам дека би сакал да останам во Брајтон, бидејќи ги сакам овие играчи. Овој град, клубот, навивачите. Реков на средбата со навивачите, ако сум среќен, не постои клуб што ќе ме натера да го емнам тимот“, вели Де Зерби.
Неговиот тим моментално е на 12. место во Премиер лигата