Свет
Антикорупциската комисија се ниша
Становите на Груевски и неговата мајка ја поделија институцијата за борба против корупцијата, претседателот Маневски демантира
Становите на Груевски и неговата мајка ја поделија институцијата за борба против корупцијата, претседателот Маневски демантира
Случајот со становите на семејството Груевски ја разниша компактноста на Антикорупциската комисија. Прогласувањето амнестија за лидерот на ВМРО-ДПМНЕ во име на институцијата која треба да се справува со корупцијата ги поделила членовите кои немале единствени гледишта за истото прашање, дознаваме неофицијално од извори блиски до ова тело. Некои од нив дури се заканиле и со оставки, бидејќи не биле задоволни од презентираниот став дека Антикорупциска е ненадлежна да утврдува со кои средства мајката на Груевски купила три стана
КАТИЦА ЧАНГОВА
Случајот со становите на семејството Груевски ја разниша компактноста на Антикорупциската комисија. Прогласувањето амнестија за лидерот на ВМРО-ДПМНЕ во име на институцијата која треба да се справува со корупцијата ги поделила членовите кои немале единствени гледишта за истото прашање, дознаваме неофицијално од извори блиски до ова тело. Некои од нив дури се заканиле и со оставки, бидејќи не биле задоволни од презентираниот став дека Антикорупциска е ненадлежна да утврдува со кои средства мајката на Груевски купила три стана.
Анонимни извори тврдат дека ова мислење го застапувале само двајца од седумтемина членови, Михајло Маневски и Слаѓана Тасева, дека некоја неодредена страна застапувал Драган Малиновски, а контра биле Вања Михајлова, Јован Трпеновски, Сами Асани и Нервет Хисмани. Неофицијално се тврди дека во Антикорупциска не се задоволни од настапите на Михајло Маневски, кој од моментот на назначувањето за претседател, наводно, го уривал авторитетот и дигнитетот на Комисијата. Иако нема директна потврда, извесно е дека многу скоро, на посебна седница, Државната комисија за спречување на корупцијата ќе проговори на тема: начинот на одлучување.
Наспроти ова, првиот човек на Антикорупциска, Маневски, демантира какви било неусогласени ставови во Комисијата. "Одлуката за становите на семејството Груевски беше едногласно донесена. За тоа има записник. За секој предмет Комисијата формулира мислење со консензус за кое членовите не гласаат. Што значи, немало ситуација на гласање или на прегласување. Многу работи почнаа со случајот на Груевски, но тврдам дека го завршивме најодговорно и најпрофесионално. Вложивме многу труд, а во постапувањето бевме сериозни и објективни", изјави вчера претседателот на Државната комисија за спречување на корупцијата, Михајло Маневски. Тој рече дека немале седница на која разговарале за начинот на работа на Комисијата ниту, пак, планираат такво нешто.
Иницијалната каписла за нарушување на внатрешните односи во Комисијата била токму одлуката како да се постапи со имотната состојба на Груевски. Факт е дека претседателот Михајло Маневски повеќе пати беше повикуван од владејачкиот СДСМ да го отвори анкетниот лист на лидерот на ВМРО-ДПМНЕ. Партиски извори велат дека Маневски долго време тактизирал и одбегнувал да се занимава со ова прашање. Поради таквиот однос од премиерот Владо Бучковски заработи несекојдневна етикета дека "се однесувал како да е експозитура на ВМРО-ДПМНЕ, а не како претседател на Антикорупциска комисија". Маневски не излезе пред јавноста да каже што заклучиле за "случајот Груевски". Тоа Ј го препушти на Тасева. Таа, пак, ја искористи приликата за да ја обвини Управата за јавни приходи за неажурно работење со анкетните листови, како и за тоа дека ниту еден случај не добил завршница. Експресно врати директорката на УЈП, Петра Митева, која ги обвини антикорупционерите дека се однесувале пристрасно, бидејќи не сакале да ја видат очигледната злоупотреба на лидерот на ВМРО-ДПМНЕ. Затоа најави дека против Никола Груевски ќе поднесе кривична пријава за становите.
Маневски беше и на тапет во Собранието, на седницата посветена на пратеничките прашања. И тоа за истата тема: богатството на Груевски, броено низ станови. Одговорност од Антикорупциската во таа пригода побараа пратениците од власта, револтирани затоа што Михајло Маневски не дошол на седницата иако бил уредно поканет. Координаторот на пратеничката група на СДСМ, Јани Макрадули, се посомнева дека Маневски свесно отсуствува, бидејќи не сакал да одговори на прашања за својата сопруга Филимена Маневска и за имотната состојба на Груевски. На Маневски му беше забележано дека бил избран за член на Антикорупциската по предлог на ВМРО-ДПМНЕ и дека во последно време давал политички интервјуа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на загинати во терористичкиот напад на плажата Бонди се искачи на 16
Бројот на загинати во пукањето на плажата Бонди во Сиднеј се искачи на 16, вклучувајќи и едно дете, изјави министерот за здравство на Нов Јужен Велс, Рајан Парк.
Бројот на повредени и хоспитализирани исто така се зголеми, од 29 на 40.
Нападот се случил околу 18:47 часот по локално време, кога најмалку две вооружени лица отвориле оган кон околу 1.000 луѓе собрани во паркот Арчер, каде што еврејската заедница организирала јавна прослава. Еден од осомничените бил убиен на местото на настанот, додека вториот е повреден и приведен. Не е исклучена можноста за вмешаност на трет осомничен, но истрагата е во тек.
Австралискиот премиер Ентони Албанезе го осуди нападот, нарекувајќи го „чин на зло, антисемитизам и тероризам“.
„Ова беше целен напад врз еврејската заедница на ден што требаше да биде ден на радост и прослава. Ова е удар во срцето на нашата нација“, изјави Албанезе, кој свика итна седница на Комитетот за национална безбедност.
Нападот предизвика осуди и изрази на сочувство од бројни светски лидери.
Свет
(Фото) Илјадници на улиците на Будимпешта – бараат оставка од Орбан по скандалот со злоупотреба на деца
Илјадници граѓани излегоа на улиците на унгарската престолнина во саботата, барајќи оставка од премиерот Виктор Орбан поради скандалот со злоупотреба на деца во воспитно-поправен дом за малолетници во Будимпешта.
Протестот беше предводен од лидерот на опозицијата Петер Маѓар, кој со демонстрантите маршираше до канцеларијата на премиерот. Граѓаните носеа транспаренти со пораки „Заштитете ги децата“ и плишани играчки, во знак на солидарност со жртвите на насилството.
Повод за протестите е видеото објавено претходно оваа недела, кое наводно го прикажува службеникот, кој до неодамна беше вршител на должноста директор на малолетнички поправен дом во Будимпешта, како се впушта во серија насилни дела, вклучително и клоцање дете кое лежи на земја и удирање на главата на друго дете од маса.
Осомничениот поднесе оставка и е приведен, а полицијата изврши рација и приведе уште неколку лица. Истрагата е во тек.
Орбан изјави дека насилството е неприфатливо, нагласувајќи дека и малолетните деликвенти не смеат да бидат третирани на таков начин, но додаде дека станува збор за специјална институција во која се сместени лица осудени за тешки кривични дела. Овие изјави предизвикаа дополнителни критики во јавноста и обвинувања за релативизирање на случајот.
Опозицискиот лидер Маѓар ја обвини владата за неуспех да ги заштити децата во системот за социјална заштита и побара политичка одговорност. Неговата партија Тиса, според анкетите, води пред парламентарните избори закажани за април.
Скандалот дополнително го зголемува притисокот врз Орбан, само неколку месеци пред изборите, а аналитичарите оценуваат дека темата за заштита на децата и институционалната одговорност ќе биде клучна во претстојната кампања.
Свет
Сè што досега е познато за терористичкиот напад на плажата Бонди во Сиднеј
Најмалку 12 лица загинаа, а 29 беа повредени во терористички напад што се случи за време на прославата на првата ноќ на Ханука на познатата плажа Бонди во Сиднеј.
Нападот се случил околу 18:47 часот по локално време, кога најмалку две вооружени лица отвориле оган кон околу 1.000 луѓе собрани во паркот Арчер, каде што еврејската заедница организирала јавна прослава. Меѓу загинатите има 12-годишно девојче и рабин, пренесуваат медиумите.
Полицијата соопшти дека еден од осомничените бил убиен на местото на настанот, додека вториот е повреден и приведен. Не е исклучена можноста за вмешаност на трет осомничен, но истрагата е во тек.
Полицијата на сојузната држава Нов Јужен Велс воведе безбедносен кордон околу делови од плажата Бонди. Во близина на местото на нападот беше пронајдено возило со импровизирани експлозивни направи, кои подоцна беа безбедно отстранети од специјалните служби.
Австралискиот премиер Ентони Албанезе го осуди нападот, нарекувајќи го „чин на зло, антисемитизам и тероризам“.
„Ова беше целен напад врз еврејската заедница на ден што требаше да биде ден на радост и прослава. Ова е удар во срцето на нашата нација“, изјави Албанезе, кој свика итна седница на Комитетот за национална безбедност.
Премиерот на Нов Јужен Велс, Крис Минс, ја пофали храброста на граѓанин кој се соочил со еден од напаѓачите и му го одзел оружјето.
„Тој човек е вистински херој и без сомнение спаси многу животи“, рече Минс.
Нападот предизвика осуди и изрази на сочувство од бројни светски лидери. Израелскиот претседател Исак Херцог го нарече нападот „подол терористички чин“, додека британскиот премиер Кир Стармер и лидерите на повеќе европски земји изразија солидарност со Австралија и семејствата на жртвите.
Неправилности и проблеми со „Безбеден град“ ќе се пријавуваат преку специјален пункт или на интернет
Министерот за внатрешни работи, Панче Тошковски, е задоволен од резултатите од тест-периодот на проектот „Безбеден град“. Тошковски вели дека граѓаните...
Мицкоски: Буџетот е ликвиден, трезорот нема да се затвори на 15 декември
Премиерот Мицкоски изјави дека Буџетот е ликвиден и сите обврски се извршуваат тековно. Како што појасни Мицкоски, 15 декември не...
(Видео) ВМРО-ДПМНЕ предлага Резолуција за осуда на дезинформациите за мигранти
ВМРО-ДПМНЕ денеска претстави „Резолуција за осуда на манипулациите на опозицијата и за потврда на политиките против нелегалната миграција“. „Во изминатите...
(Видео) Димитријевиќ: Власта носи мигранти за пари
„Во буџетот нема пари. За првпат во историјата, утре – 15 декември – се затвора Трезорот. Државата доцни со сите...
Oбвинителство: За насилство во училиште во Сарај, побарана судска постапка спрема пет деца
Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка за...
АХВ: Спречен увоз на над 26 тони замрзнато пилешко месо од Бразил
Инспекциските служби на Агенцијата за храна и ветеринарство (АХВ) спречија увоз на над 26 тони замрзнато пилешко месо од Бразил...
(Видео) Пукање на универзитет во САД – има загинати и повредени, напаѓачот е во бегство
Најмалку две лица се убиени, а девет се повредени во вооружен напад што се случи во саботата попладне на кампусот...
(Видео) Нела Манческа ѝ донесе седмо место на Македонија на „Јуниор Евросонг“
Нела Манческа со песната „Miracle“, со која ја претставуваше Македонија на „Јуниор Евросонг“, го заврши натпреварот на високото седмо место,...
Ахмети од протестот на плоштадот „Скендербег“: Процесот во Хаг треба да заврши со ослободителна пресуда
Лидерот на ДУИ, Али Ахмети, денеска се обрати на протестот што се одржа на плоштадот „Скендербег“ во Скопје, организиран во...
Рената Дескоска избрана за потпретседателка на Венецијанската комисија
Професорката по уставно право и поранешна министерка за правда, Рената Дескоска, е избрана за потпретседателка на Венецијанската комисија. Како што...
(Видео) Жената во Гостиварско била застрелана пред да биде закопана во дупка, покажа обдукцијата
Завршена е обдукцијата на 53-годишната жена која беше пронајдена почината во атарот на гостиварското село Неготино. Според првичниот наод, таа...
Македонија воздржана за резолуцијата на ОН за обврските на Израел
Македонија гласаше воздржано на седницата на Генералното собрание на Обединетите нации за резолуцијата што се однесува на обврските на Израел...
ВМРО-ДПМНЕ: Филипче се претставува како противник на мигрантите, а во 2018 туркал камп во Бардовци
ВМРО-ДПМНЕ денеска го обвини претседателот на СДСМ, Венко Филипче, дека јавно настапува како противник на мигрантите, додека за време на...
СДСМ: За мигрантите мора да одлучува Собранието, а не општините
Собранието, а не општините, мора да одлучува за прашањето со мигрантите, соопшти денеска СДСМ, оценувајќи дека премиерот Христијан Мицкоски со...
Трамп, Бил Клинтон, Бил Гејтс се појавија на новите фотографии со Епштајн, претседателот се оградува: „Не знам ништо за тоа“
Претседателот на САД, Доналд Трамп, рече дека не знае ништо за најновите фотографии поврзани со Џефри Епштајн, одговарајќи на новинарско...
ЕУ ја потврди одлуката за замрзнување на руските средства на неопределено време
Денес, Европската унија ја потврди одлуката за замрзнување на средствата на руските централни банки лоцирани во Европа на неопределено време....
Ѓорѓиевски: Скопје конечно добива Луна Парк
Градоначалникот на Град Скопје, Орце Ѓорѓиевски, денес ја најави долгоочекуваната реализација на проектот за новиот Луна Парк, значајна инвестиција што...
Советниците на ВМРО-ДПМНЕ со иницијатива до советите за документ дека ќе нема мигрантски кампови
Претседателот на ВМРО-ДПМНЕ, Христијан Мицкоски, одговори на новинарско прашање во однос на се позачестените иницијативи по советите во општините во...
Двајца млади скопјани најдени починати – едниот во напуштена куќа во Центар, другиот во дом на пријател во Кисела Вода
Двајца скопјани на возраст од 25 и 36 години биле пронајдени починати во текот на изминатото деноноќие. Според информациите од...
Мал авион се урна во Мавровското Езеро, едно лице повредено
Мал авион денес се урна во Мавровското Езеро. Во авионот имало две лица, од кои едното е повредено, потврдија од...
