Свет
Кумановскиот комбинат бара репрограмирање на долговите
Тутунскиот комбинат “Боро Петрушевски – Папучар° од Куманово деновиве доби нов главен менаџер.
“Боро Петрушевски – Папучар“ од Куманово доби нов главен менаџер
Станува збор за група луѓе, меѓународна бригада дојдена да му стави клуч на кумановскиот Тутунски комбинат, вели Данило Јаневски
СТОЛЕ БОЖИНОВСКИ
КУМАНОВО; – Тутунскиот комбинат “Боро Петрушевски – Папучар° од Куманово деновиве доби нов главен менаџер. На чело на Бордот директори одиnbsp; сопственикот на комбинатот, Василис Морфопулос,иnbsp; именуван е Јордан Трајков од Кавадарци, кој извесно време работел како експерт во Сити банк во Њујорк. Извори од Тутунскиот комбинат информираат дека на првата средба со членовите на Бордот и работниците, кавадарчанецот изјавил дека не доаѓа со чекмеџе полно со пари за да ги намири огромните долгови на фирмата и да им ги исплати заостанатите петнаесет плати на работниците, туку да се ангажира за спасување на она што можеби може да се спаси. Овие наводи во вчерашниот разговор за “Утрински° ги потврди и финансискиот директор на менаџерскиот тим на комбинатот, Богољуб Милосавлевиќ. “Во изминативе денови подготвивме комплетна документација со која го поткрепуваме барањето до Владата, односно до министерствата за финансии и за економија долговите спрема државата да се репрограмираат за наредните пет години, периодот за кој сметаме дека комбинатот целосно ќе се санира и ќе застане на цврсти нозе. Одговор од Владата очекуваме најдоцна до крајот на годинава°, вели Милосавлевиќ. Според него, производството во изминатите шест-седум месеци постојано се одвивало со долги прекини поради зачестени блокади на жиро-сметката од страна на Управата за јавни приходи, поради што и платите моментално се во задоцнување од 2,5 месеца. Од тие причини стои во место и одлуката на Бордот директори за воведување два нови бренда цигари – “ксенија° и “романов°. Во интерес на вистината, двајцата идејни творци на овие брендови, Украинецот од Израел, Виктор Бенкнан, и Пуниша Лучиќ од Пале кај Сараево се отстранети од Бордот директори и неофицијално, сега се тужат со комбинатот.
“Сето тоа е лук и вода°, тврди поранешниот претседател на Управниот одбор на комбинатот, Данило Јаневски, кој останува на уверувањето дека “станува збор за група луѓе, меѓународна бригада дојдена да му стави клуч на кумановскиот Тутунски комбинат°. Тој останува на тврдењето дека “деветчлената група луѓе под форма на бордиnbsp; директори редовно примаат плата од по 2,5 илјади евра, и ги лажат работниците дека се спасители на комбинатот°. Финансискиот директор Богољуб Милосавлевиќ не го оспорува овој факт, меѓутоа тврди дека платите на деветтемина директори се исплатуваат со пари од американскиот газда Морфопулос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.